Morgunblaðið - 07.11.2007, Blaðsíða 11
MORGUNBLAÐIÐ MIÐVIKUDAGUR 7. NÓVEMBER 2007 11
ALÞINGI
Eftir Steinunni Ásmundsdóttur
steinunn@mbl.is
ALCOA Fjarðaál og Eimskip hafa staðfest
samning um að Eimskip sjái um flutning á
rúmlega 220.000 tonnum, þar af innflutning á
180.000 tonnum og útflutning á 40.000 tonnum
á ári, fyrir Alcoa Fjarðaál. Um er að ræða alla
flutninga á rafskautum fyrir álver Alcoa
Fjarðaáls í Reyðarfirði. Jafnframt hafa félögin
náð samkomulagi um 40.000 tonna álflutninga
til Bandaríkjanna og er því um að ræða flutn-
inga upp á 260.000 tonn á ári. Samningurinn er
til fimm ára.
„Samningurinn við Eimskip og starfsemi fé-
lagsins hér er gífurlega mikilvæg fyrir Fjarða-
ál. Hér ræðir um tvo þriðju af öllum okkar um-
svifum í flutningum á svæðinu,“ sagði Tómas
Már Sigurðsson, forstjóri Alcoa Fjarðaáls, við
undirritun samningsins í gær. Forstjóri Eim-
skipa á Íslandi, Guðmundur Davíðsson, sagði
við sama tækifæri að nú verði Reyðarfjörður
önnur stærsta höfn á Íslandi og það skapi tölu-
verða hagræðingu í flutningum á Íslandi. Eftir
að strandsiglingar voru aflagðar hafi flutning-
ar meira eða minna farið í gegnum Reykjavík
og margir kvartað yfir álagi á vegum til og frá
höfuðborgarsvæðinu og út á land. „Eftir að bú-
ið er að ganga hér frá öllu hjá álverinu og flutn-
ingar komnir á fullt verða þrjár skipakomur á
Reyðarfjörð vikulega og þá skapast rými til að
auka flutninga frá landinu af Norðausturlandi
og Austurlandssvæðinu gegnum Reyðarfjörð,
sem léttir vonandi álagi af vegakerfinu. Þetta
er hugsanlega einn stærsti flutningasamning-
ur sem gerður hefur verið á Norðurlöndunum í
langan tíma,“ sagði Guðmundur.
Flutningar á 1,3 milljónum tonna árlega
Í ársbyrjun samdi Alcoa Fjarðaál við Eim-
skip um að annast alla skipaafgreiðslu fyrir ál-
verið. Í þeim samningi felst uppskipun á
690.000 tonnum af súráli og öllum aðföngum til
álframleiðslu, svo og á allri lestun áls sem nem-
ur 346.000 tonnum á ári. Í heild er því umfang
samningsins 1.300.000 tonn á ári, sem fara
munu í gegnum Mjóeyrarhöfn í Reyðarfirði.
Til samanburðar má geta þess að um tvær
milljónir tonna fara árlega um Reykjavíkur-
höfn og 900 þúsund tonn um Grundartanga-
höfn.
Eimskip hefur bætt skipinu BBC Reydar-
fjordur við siglingaflota sinn og tekið upp nýja
siglingaáætlun til að annast flutningana. Skipið
mun sigla vikulega á milli Reyðarfjarðar og
Mosjoen í Noregi. Fyrirtækið hefur fest kaup á
850 nýjum sérhönnuðum gámum fyrir flutn-
inga á rafskautunum fyrir Fjarðaál. Þá munu
Eimskip flytja u.þ.b. 43 þúsund tonn af raf-
skautaleifum út til endurvinnslu í Noregi ár-
lega, sem og talsvert magn af rafskautaryki
sem fellur til við rafgreiningu áls.
Tómas Már segir alla meginsamninga vegna
starfrækslu álversins nú tryggða. Hann fagnar
samningnum við Eimskip og segir skipta höf-
uðmáli að flutningur á hráefni til framleiðsl-
unnar raskist ekki. Eimskip hafi mikla og far-
sæla reynslu af öruggum flutningum á erfiðum
siglingaleiðum.
Heildarvelta Eimskipa hérlendis og erlendis
er nú um 40 milljarðar á ári og er innanlands-
starfsemi þar af um 20%.
Einn stærsti flutningasamningur sem gerður hefur verið á Norðurlöndunum í langan tíma
Flytja 1,3 milljónir
tonna fyrir Alcoa
Morgunblaðið/Steinunn Ásmundsdóttir
Handsala Tómas Már Guðmundsson, forstjóri Alcoa Fjarðaáls, og Guðmundur Davíðsson, for-
stjóri Eimskipa, staðfesta samning um flutning á 1,3 milljónum tonna um Mjóeyrarhöfn árlega.
Eftir Höllu Gunnarsdóttur
halla@mbl.is
KRISTINN H. Gunnarsson, þing-
maður Frjálslyndra, telur að það
geti verið þingmeirihluti fyrir stofn-
un sjálfstæðs háskóla á Ísafirði en
hann mælti fyrir lagafrumvarpi þess
efnis á Alþingi í gær. Þingmenn fjög-
urra flokka, Frjálslyndra, VG, Sam-
fylkingar og Sjálfstæðisflokks, tóku
til máls í umræðunum og voru allir
hlynntir stofnun háskóla á Ísafirði
þó að misjafnar hugmyndir væru um
hvernig skyldi staðið að því.
Guðbjartur Hannesson, þingmað-
ur Samfylkingar, benti á að skipuð
hefði verið nefnd sem ætti að koma
fram með framtíðarsýn varðandi há-
skólastarf á Vestfjörðum. „Þar
treysti ég á […] að menn skoði hvort
um eigi að vera að ræða sjálfstæðan
háskóla, eins og hér hefur verið gert
ráð fyrir, eða háskóla undir einhverj-
um regnhlífarsamtökum,“ sagði
Guðbjartur og vildi gefa nefndinni
meiri tíma.
Guðfríður Lilja Grétarsdóttir, VG,
lagði áherslu á að um sjálfstæða
stofnun yrði að ræða en Illugi Gunn-
arsson, Sjálfstæðisflokki, taldi að
skoða ætti mjög vel hvort réttara
væri að vinna að uppbyggingunni í
nánu samstarfi við aðrar háskóla-
stofnanir, m.a. vegna þess að um lítið
samfélag væri að ræða og að það
gæti verið erfitt að koma upp há-
skóla sem stæði undir nafni.
Þingmeirihluti
fyrir háskóla?
Morgunblaðið/Ómar
Stjórnarlaus umræða Þingmenn ræddu hvort mögulegur háskóli á Ísa-
firði eigi að vera sjálfstæð stofnun eða ekki en fáir stjórnarliðar tóku þátt.
Frumvarp um Háskóla á Ísafirði
Vátryggingafélög
munu þurfa að
endurskoða verk-
lag sitt ef frum-
varp sem Björg-
vin G. Sigurðs-
son, viðskipta-
ráðherra, mælti
fyrir á Alþingi í
gær verður að
lögum. Frum-
varpinu er ætlað
að eyða vafa um hvaða upplýsingar
vátryggingarfélagi sé óheimilt að
nota við áhættumat á persónu-
tryggingum. Upplýsingaöflun á skv.
frumvarpinu að varða sjúkdóma
foreldra og systkina en ekki heilsu-
far, eins og í núgildandi lögum,
enda sé erfitt að ætlast til þess að
fólk geti lagt almennt mat á heilsu-
far sitt.
Ætlað að
eyða vafa
Björgvin G.
Sigurðsson
Valgerður Sverrisdóttir 6. nóvember
Klaufarnir klúðruðu
Nú hefur komið
skýrt fram hjá for-
manni Sjálfstæð-
isflokksins við um-
ræður á Alþingi að
hann sér ekkert at-
hugavert við að fyr-
irtæki í opinberri
eigu og einkageirinn
eigi með sér samstarf í útrásarverk-
efnum. […] Hinsvegar vekur það upp
spurningar um klaufana sem klúðruðu
borgarstjórnarmeirihlutanum og
höfðu sér helst til skjóls að verið væri
að verja prinsipp Sjálfstæðisflokksins.
Meira: valgerdur.is
Jón Magnússon 6. nóvember
Leyndarmál
Ekki má segja frá því hvað lykil-
stjórnendur Orku-
veitu Reykjavíkur
hafa í laun. Beiðni 24
stunda um þær upp-
lýsingar var synjað.
Sagt er frá því í svari
Orkuveitunnar að
upplýsingalög gildi
ekki um starfsemi fyrirtækisins.
Orkuveitan er sameignarfyrirtæki í
eign þriggja sveitarfélaga en lang-
stærsti eigandinn er Reykjavík-
urborg. Orkuveitan er þannig fyr-
irtæki í opinberri eigu. Borgararnir
eiga rétt á að fá allar upplýsingar um
starfsemi slíks fyrirtækis […].
Meira: jonmagnusson.blog.is
Enginn gróði
Dómsmálaráðherra hefur lagt fram
frumvarp til almennra hegningarlaga
sem felur m.a. í sér að hægt verði að
gera upptækan ávinning af broti eða
fjárhæð sem svarar til hans. Í fram-
kvæmd gæti þetta t.d. þýtt að steli
maður flatskjá og selji hann geti
hann átt von á að andvirði flatskjás
verði gert upptækt með dómi.
Vegur yfir Kjöl
Deilt var um heilsársveg yfir Kjöl á
Alþingi í gær þegar Kjartan Ólafs-
son, Sjálfstæðisflokki, mælti fyrir
þingsályktunartillögu um að ríkis-
stjórnin kannaði þjóðhagslega hag-
kvæmni þess að leggja slíkan veg.
Talsverð andstaða var við hugmynd-
ina um heilsársveg yfir Kjöl meðal
þeirra sem tóku til máls, einkum
vegna náttúruverndarsjónarmiða.
Kjartan benti hins vegar á að aðeins
væri um hagskvæmniathugun að
ræða.
Bráðabirgðalög í gegn
Bráðabirgðalög um notkun raflagna
og raffanga á íbúðar- og skólasvæði
Keilis í Keflavík voru staðfest á Al-
þingi í gær en deilt hefur verið um
hvort setning bráðabirgðalaganna
standist stjórnarskrá. 35 þingmenn
úr Framsóknarflokki, Sjálfstæð-
isflokki og Samfylkingu greiddu at-
kvæði með en allir þingmenn Vinstri
grænna auk Kristins H. Gunn-
arssonar greiddu atkvæði á móti.
Jón Magnússon sat hjá.
Meiri strætó
Steinunn Valdís
Óskarsdóttir,
Samfylkingu,
mælti í gær fyrir
frumvarpi um
breytingu á um-
ferðarlögum þess
efnis að öku-
menn sem virða
ekki forgangs-
akreinar fyrir
strætisvagna og
leigubifreiðir geti átt von á að vera
sektaðir. Vonast er til að með þessu
verði meira um forgangsakreinar og
að almenningssamgöngur verði
raunhæfur kostur í framtíðinni
Dagskrá þingsins
Þingfundur hefst kl. 12.30 í dag og
tuttugu fyrirspurnir eru á dagskrá,
m.a. um Íslensku friðargæsluna,
tvöföldun Múlaganga og stjórn-
unarkostnað RÚV.
Steinunn Valdís
Óskarsdóttir
FRÉTTIR
FRÉTTIR
ÞETTA HELST ...
„ÞAÐ HEFUR fjölgað í heildar-
stofninum síðustu ár vegna hag-
stæðs tíðarfars, þrátt fyrir aukinn
veiðikvóta,“ segir Skarphéðinn G.
Þórisson hreindýrasérfræðingur
um ástand stofnsins í ár. Fjölmörg
hreindýr hafa sést nærri byggðum
á Suðausturlandi og hafa margir
velt fyrir sér hver skýringin sé.
„Dýrin hafa það mjög fínt. Það
hefur dregið úr náttúrulegum
dauðsföllum. Ef það kæmi harður
vetur mætti búast við að það félli
meira en ella því það er mikið af
gömlum dýrum sem myndu ekki
þola það.
Vetur undanfarin ár hafa verið
svo góðir að náttúruleg dauðsföll
hafa verið í algjöru lágmarki. Dýr-
unum hefur frekar fjölgað en hitt,
þrátt fyrir aukinn veiðikvóta. Til
marks um það má nefna að núna í
haust fór veiðikvótinn í fyrsta sinn í
langan tíma yfir þúsund dýr. Megn-
ið af því náðist – vantaði örfá dýr.
Mörg dýr sést við þjóðveginn
Undanfarin ár hefur borið mikið
á þeim við þjóðvegi á Suðaustur-
landi. Tarfarnir koma niður á lág-
lendi eftir fengitímann, sem er frá
miðjum september þegar veiðitím-
anum lýkur og fram í miðjan októ-
ber. Upp úr honum leita þeir niður
til byggða, mismikið eftir tíðar-
farinu.“
Að sögn Skarphéðins hafa dýr
sést á svæðinu frá Hamarsfirði og
suður á Mýrar. Hann vill nota tæki-
færið og brýna fyrir ökumönnum
að aka varlega og forðast árekstra
við dýrin. Vegir séu nú betri og um-
ferðin og hraði meiri.
Mildir vetrar Hreindýrum fjölgar.
Góð tíð fyrir
hreindýrin