Morgunblaðið - 07.11.2007, Blaðsíða 18

ÞEIM fjölgar stöðugt sem hugsa um gælu-
dýr eins og börnin sín og ein afleiðing þess
er að sífellt flóknari aðgerðir eru nú gerðar
á sjúkum og slösuðum dýrum, sem á árum
áður hefði verið lógað.
Breskir dýralæknar hafa nú, að því er
greint var frá á vefmiðli BBC nýlega, óskað
eftir því að sérstakur blóðbanki verði stofn-
aður fyrir hunda og ketti svo unnt verði að
bjarga lífum gæludýra. Blóðið yrði notað
við meðhöndlun slasaðra dýra og eins í
flóknum aðgerðum eins og hjartaaðgerðum,
en fjöldi dýralækna framkvæmir nú aðgerð-
ir á borð við hjarta- og mjaðmaliðaaðgerðir,
auk þess að bjóða upp á geislameðferð.
Kostnaðurinn er þó oftast gífurlegur og
segir það e.t.v. sitt að sumir gæludýraeig-
endur eru reiðubúnir að greiða hundruð
þúsunda króna til að bjarga þessum fjöl-
skylduvini.
Slíkar aðgerðir er þó oft erfitt að fram-
kvæma án gjafablóðs og í dag er það oftast
fyrir tilstilli gjafmildi eigenda stórra hunda
sem eru tilbúnir að gefa blóð úr dýrum sín-
um að hægt er að framkvæma þær. „Það er
ekki hægt að hafa vel starfandi slysadeild
án þess að þar sé hægt að gefa blóð, rétt
eins og í slysalækningum hjá mönnum,“
segir Dan Brockman sem kennir skurðlækn-
ingar hjá Royal Veterinary College í Lond-
on. „Ég held að þetta sé bara spurning um
tíma, ég vona að slíkum blóðbanka verði
komið á fót.“
Dýralæknirinn Jerry Davies, sem rekur
eina stærstu dýralæknastofu í Evrópu, er á
sama máli og segir dýrin meira virði en
kostnaðurinn við kaup þeirra segir til um.
„Dýr eru til mikillar blessunar fyrir mann-
kynið, þannig að við ættum að gera það
sem við getum til að hjálpa dýri dýrsins
vegna ekki síður en vegna heilsu ein-
staklinganna sem tengjast því,“ hefur BBC
eftir Davies.
Þegar hafa um 150 hundaeigendur og um
100 dýralæknar komið upp eins konar blóð-
gjafakerfi á netinu sem mætt hefur bæði
lagalegri og siðfræðilegri gagnrýni.
Blóðbanka fyrir gæludýrin
Morgunblaðið/Jim Smart
Fjölskylduvinur Það er margir
tilbúnir að leggja töluvert á sig
til að bjarga gæludýrum sínum.
Graffarar Anton Örn og Arinbjörn að graffa skilti fyrir búðina.
Nafnið Borgarpakk var eittaf þeim fjölmörgu semkomu upp þegar við fór-um á flug með að finna
nafn á búðina. Við vildum vera svolít-
ið ögrandi og svo er þetta smáhúmor
hjá okkur af því við erum úti á landi
pakk, en núna erum við sjálf orðin
borgarpakk, flutt á mölina og komin í
viðskipti,“ segja þau Arnbjörg Jó-
hannsdóttir og Ólafur Óskar Egilsson
sem ætla að opna verslun á morgun
með vistvæn föt. Þau hafa þekkst frá
því þau voru krakkar í skóla í sveit-
inni. „Við erum fædd og uppalin í
Biskupstungum og erum búin að vera
í sama vinahóp síðan í grunnskóla.
Það er þó nokkuð síðan við fórum að
tala um að stofna fyrirtæki saman og
fyrsta hugmyndin var að opna kaffi-
hús og hárgreiðslustofu í sama húsi af
því ég er að læra hárgreiðslu og við
ætluðum að láta það heita Hár í
kaffinu,“ segir Arnbjörg en Óli Óskar
bætir við að nýja fyrirtækið þeirra
heiti þessu góða nafni Hár í kaffinu,
þó svo að búðin heiti Borgarpakk.
„Við göngum út frá svokölluðum „fair
trade“-viðskiptum, ætlum að selja
vistvænan fatnað hér í búðinni og svo
ætlum við að vera með kósí setustofu
hérna sem verður líka gallerí þar sem
við sýnum íslenska myndlist og fyrst-
ur til að sýna verður Toggi sem teikn-
ar bara með vinstri. Við ætlum líka að
vera með ljóðakvöld og aðrar uppá-
komur og við ætlum að fá fólk til að
flytja erindi um lífræna ræktun og fa-
ir trade. Hér verður hægt að kaupa
jaðartónlist sem ekki fæst í Skífunni.
Það er nefnilega svolítill hippi í okk-
ur.“
Táfýlulausir sokkar
Þau segjast finna mikið fyrir vax-
andi umhverfismeðvitund og einn
angi af því er áhugi fyrir vistvænum
fatnaði. „Okkur fannst því kominn
tími til að opna verslun með vistvæn
föt en framleiðsla þeirra tekur mið af
því að vera væn fyrir móður jörð.
Fötin sem við seljum koma frá Hol-
landi og Svíþjóð og þau eru unnin úr
náttúrulegum efnum eins og hampi,
bambus, soja og bómull sem ræktað
er við vistvænar aðstæður. Við ætlum
líka að vera með föt frá ungum ís-
lenskum hönnuðum og sú fyrsta sem
verður með föt hjá okkur er Sandra
María sem hannar föt undir nafninu
SAMT.“ Þau nefna það í framhjá-
hlaupi að þau muni líka selja alveg
magnaða sokka úr bambus sem engin
táfýla kemur af, sama hvað á gengur.
Vistvæn föt fyrir borgarpakk
Flott föt Arnbjörg og Óli í vistvænni hettupeysu og úlpu frá versluninni.
Þau ólust upp í sveit en
tilheyra núna borgar-
pakkinu sem þau ætla
að selja vistvæn föt.
Kristín Heiða Krist-
insdóttir leit inn á
Frakkastígnum þar
sem eigendur Borgar-
pakks voru að gera
klárt fyrir opnun
á morgun.
Morgunblaðið/Sverrir
Borgarpakk, Frakkastíg 7, verður
opin frá kl. 12-18 á virkum dögum
og laugardögum.
khk@mbl.is
|miðvikudagur|7. 11. 2007| mbl.is
daglegtlíf
Sverrir Norland yrkir stuttaáminningu:
Einhvers staðar einsog stóð
og ætti að vera á hreinu
eru tilgangslaus þau ljóð
sem lýsa ekki neinu.
Davíð Hjálmar Haraldsson svarar
að bragði:
Lífið yrði löngum trist
og leiðigjarnt og sjaldan hlegið
ef ekki mætti yrkja af list
um eitthvað nema mælt og vegið.
Heiðrún Jónsdóttir orti vegna frétta
í Mogganum af þremur tilfellum
týndra rjúpnaskyttna á fyrsta
sólarhring yfirstandandi
veiðitímabils:
Virðist duga voða skammt
veiðitími styttur,
talsvert margar teljast samt
týndar rjúpnaskyttur.
Villast bæði um hóla og höll
helst með lund ókátri,
ráfa líka á reginfjöll
en rjúpan deyr úr hlátri.
Áttaskertan aula ver
oftast verndarkraftur
tekst honum að tapa sér
til að finnast aftur.
pebl@mbl.is
VÍSNAHORN
Af innihaldi og
Mogganum
Námskeið við ofþyngd fullorðinna
• Hefurð þú ítrekað reynt að grenna þig án árangurs?
• Getur verið að þú hafir ekki náð að tileinka þér
þá tækni sem þarf til að ná varanlegum árangri?
• Er hugsanlegt hugarfar þitt og líðan eigi
þátt í að viðhalda vandanum?
Umsóknarfrestur rennur út 13. nóvember næstkomandi. Frekari upplýsingar má finna
á www.kms.is en skráning fer fram á kms@kms.is eða í síma 822 0043.
Minnum einnig á að farið er að taka á móti umsóknum á námskeið við þráhyggju og áráttu,
ofsakvíða og félagskvíða. Umsóknarfrestur fyrir næsta ofsakvíðahóp rennur út 12. nóvember.
Tólf vikna námskeið er að hefjast á vegum Kvíðameðferðar-
stöðvarinnar (KMS). Stuðst verður við aðferðir hugrænnar atferlis-
meðferðar þar sem áhersla er lögð á að aðstoða fólk við að breyta
hugarfari og atferli sem stuðlar að vanlíðan og viðheldur ofþyngd.
Sóley D. Davíðsdóttir
sálfræðingur
Sigurbjörg J. Ludvigsd.
sálfræðingur
M
b
l 9
33
27
0