Tímarit lögfræðinga - 01.08.1980, Blaðsíða 34
fyrirspurnum. Síðasti fundurinn var um nýjar framtalsreglur, og var frummæl-
andi Helgi V. Jónsson hrl. Allir þessir félagsfundir voru mjög vel sóttir, en
sá síðastnefndi mun þó vera sá fjölmennasti, er Lögmannafélag íslands hefur
staðið að. Fundinn sóttu u.þ.b. 80 manns.
Auk almennra félagsfunda var haldið námskeið á vegum félagsins um efnið:
Lögmaður sem skiptastjóri. Fyrirlesari var danskur hæstaréttarlögmaður, Hans
Brochner, og þótti námskeiðið takast með miklum ágætum.
Félaginu bárust 29 erindi, þar sem stjórnin var beðin umsagnar um leyfi
til málflutnings fyrir héraðsdómi. Stjórnin mælti með eða ákvað að mæla
ekki gegn 28 umsóknum, en mælti gegn einni.
Nýir félagar vegna nýrra réttinda eru 13 talsins. Á félagaskrá eru nú 105
hæstaréttarlögmenn og 126 héraðsdómslögmenn.
Á starfsárinu störfuðu tvær nefndir, sem kjörnar voru á síðasta aðalfundi,
laganefnd og kjaranefnd.
Svo sem jafnan áður fór drjúgur tími stjórnarinnar í afgreiðslu kærumála
ýmiss konar. Tveir úrskurðir stjórnarinnar voru kærðir til Hæstaréttar, stað-
festi Hæstiréttur annan úrskurðinn, en hinu kærumálinu var enn ólokið á
aðalfundardegi.
Til gjaldskrárnefndar félagsins bárust 18 mál til umsagnar, og hefur nefnd-
in afgreitt þau öll.
Meðal þeirra mála, sem mjög voru rædd í stjórn félagsins á síðasta starfs-
ári, var sú hugmynd, hvort nýta mætti í þágu félagsmanna þá nýju og full-
komnu tækni, sem felst í tölvuvinnslu gagna. Hafði stjórnin samband við
I.B.M. á íslandi, og hefur borist svar frá fyrirtækinu, þar sem drepið er á ýmsa
möguleika, m.a. í sambandi við lagasafn, skráningu dóma og greinargerða,
registur hæstaréttardóma og greinar úr Úlfljóti og Tímariti lögfræðinga.
Eftir breytingu laga nr. 74/1974 með lögum nr. 53/1979 á þann veg, að
handtekinn maður á nú rétt á skipuðum réttargæslumanni þegar eftir hand-
töku, ákvað stjórnin að beita sér fyrir þvi' að koma upp eins konar bakvakta-
kerfi lögmanna. Skyldi kerfi þetta tryggja, að lögmaður, einn eða fleiri, væru
jafnan tiltækir til réttargæslu á nóttu sem degi jafnt helgar sem aðra daga.
Fyrirspurn var send til félagsmanna, og gáfu 25 þeirra jákvæð svör, en óskuðu
jafnframt eftir nánari upplýsingum um framkvæmd laganna. Dómsmálaráðu-
neytið gaf þær upplýsingar, að grunnreglur laga nr. 74/1974 kvæðu svo á,
að dómarar skipuðu réttargæslumenn. Hins vegar taldi ráðuneytið eðlilegast,
að rannsóknaraðilinn, sem mál hins handtekna hefði til • meðferðar, greiddi
þóknunina. Þótti stjórn Lögmannafélagsins svör ráðuneytisins tæpast full-
nægjandi, þar sem fyrst og fremst hefði verið spurst fyrir um, hverjir skipuðu
réttargæslumenn, sem boðaðir væru til lögreglu utan þess tíma, sem unnt
væri að leita til dómara, og sérstaklega, ef handtaka leiddi ekki til frekari
rannsóknar og þar af leiðandi ekki til skipunar verjanda. Þessu fyrirhugaða
bakvaktakerfi lögmanna hefur því ekki enn verið komið á, og bíður málið
frekari meðferðar.
Þorsteinn Júlíusson hrl. var endurkjörinn formaður félagsins, en með-
stjórnendur til tveggja ára voru kjörnir Ólafur Axelsson hdl. og Svala
Thorlacius hdl. Áfram sitja í stjórninni þeir Helgi V. Jónsson hrl. og Jónas
A. Aðalsteinsson hrl.
96