Tímarit lögfræðinga - 01.08.1980, Blaðsíða 11
Danir, sem dvöldust í landinu í tiltölulega skamman tíma, atkvæðis-
rétt á Grænlandi.
Fyrstu kosningai' til landsþingsins fóru fram í apríl 1979. Kosn-
ingaþátttaka var rúm 69%. Siumut-flokkurinn undir forystu Jonathan
Motzfeldt, sem fyrr er getið, fékk tæp 47 % atkvæða og hreinan meiri-
hluta þingmanna, Atassut-flokkurinn um 42% og tveir aðrir flokkar
um 5% hvor. Um þessar kosningar giltu dönsk lög nr. 576/1978.
3. gr. Landsþingið kýs formann landsstjórnarinnar og aðra lands-
stjórnarmenn. Formaður landsstjórnarinnar skiptir verkum milli
landsst j órnarmanna.
Stjórnsýsluábyrgðin mun skv. orðum grg. fyrst um sinn vera hjá
landsþinginu, sem getur þó síðar ákveðið að fela landsstjórninni hana.
Landsþinginu er frjálst að setja frekari reglur um val landsstjórnar-
manna. Þótti ekki rétt að lögbinda slíkar reglur vegna þeirrar hefðar
í landsráðinu að velja menn í ábyrgðarstöður á einstaklingsgrundvelli,
enda flokkakerfið ungt í landinu og enn í mótun. Ennfremur getui'
landsþingið sett reglur um, hverjir og hversu margir megi sitja í land-
stjórninni, og um vantrauststillögur.
4. gr. Heimastjórnin getur ákveðið, að málaflokkar eða hluti mála-
flokks, sem eru taldir upp í fylgiskjali með lögunum, skuli falla
undir heimastjórnina.
2. mgr. Heimastjórnin hefur löggjafarvald yfir og fer með stjórn-
sýsluvald fyrir þá málaflokka, sem undir hana falla skv. 1. mgr. og
tekur að sér útgjöld þeim samfara.
3. mgr. Með sömu áhrifum getur ríkisvaldið ákveðið eftir samn-
ingaviðræðui' við heimastjórnina, að slíkir málaflokkar eða hlutar
þeirra skuli falla undir heimastjórnina.
4. mgr. Fyrirmæli, sem landsþingið samþykkir og formaður lands-
stjórnarinnar staðfestii' fyrir þessa málaflokka, kallast landsþings-
lög.
5. gr. Ríkisvaldið getur, eftir samningaviðræður við heimastjórn-
ina, falið henni með lögum að taka við reglugjafar- og stjórnsýslu-
valdi yfir málaflokki eða hluta málaflokks, sem er nefndur í fylgi-
skjali með lögunum og sem heimastjórnin hefur ekki tekið við
skv. 4. gr. Fjárframlög til málaflokka, sem heimastjórnin tekur
við á þennan hátt, vei'ða ákveðin með lögum.
2. mgr. Fyrirmæli, sem landsþingið samþykkir og formaður lands-
stjórnarinnar staðfestir fyrir þessa málaflokka, kallast landsþings-
tilskipanir.
73