Tímarit lögfræðinga - 01.08.1980, Blaðsíða 52

maí s.l. beiddist Alþjóðaheilbrigðisstofnunin þess, að Haag-dómstóllinn léti
upp álitsgerð skv. 4. kafla samþykkta sinna vegna ágreinings stofnunarinnar
og Egyptalands um lokun svæðisskrifstofu stofnunarinnar, sem verið hefur
þar í landi.
Nýjar reglur um málsmeðferð hjá Alþjóðadómstólnum tóku gildi 1. júlí
1978. i febrúar 1979 var Sir Humphrey Waldock frá Bretlandi kosinn forseti
Alþjóðadómstólsins og Taslim Olawale Elias frá Nígeríu varaforseti. Kjör-
tíma þeirra lýkur 1982. Þeir tóku við störfum af Jiménez de Aréchaga frá
Uruguay og Nagendra Singh frá Indlandi. i maí á þessu ári var Santiago
Torres-Bernárdez frá Sþáni kjörinn dómritari í stað S. Aquarone. Ritari er
kosinn til 7 ára.
Alþjóðadómstóllinn í Haag er nú þannig skipaður: Sir Humphrey Waldock,
T. O. Elias, I. Forster (Senegal), A. Gros (Frakklandi), M. Lachs (Póllandi),
P. D. Morozov, Nagendra Singh, J. M. Ruda (Argentínu), H. Mosler (Vestur-
Þýskalandi), S. Tarazi, S. Oda (Japan), R. Ago (italíu), A. El-Eria (Egyplalandi),
J. Sette-Camara (Brasilíu) og R. R. Baxter (Bandaríkjunum).
Þ. V.
NORRÆN LAGASAMVINNA
Dagana 3.—7. mars 1980 var 28. þing Norðurlandaráðs haldið í Reykjavík.
Forseti þingsins var Matthías Á. Mathiesen. Svo sem fyrir er mælt í Helsing-
forssamningnum lagði ráðherranefnd Norðurlanda þar fram skýrslu. Að vanda
var þar kafli um norræna lagasamvinnu.
í skýrslunni er fyrst á það minnt, að samvinnan sé byggð á áætlun frá
1976 og að telja megi, að lokið sé umræðu um efni þeirrar áætlunar og um
markmið framtíðarsamvinnu á þessu sviði. Þá segir, að á næstunni beri að
leggja áherslu á að Ijúka því starfi, sem nú fer fram, fremur en að bæta nýj-
um atriðum á áætlunina. Fram kemur, að um almenn atriði, sem varða þetta
samstarf, er fjallað á fundum dómsmálaráðherra Norðurlanda, í embættis-
mannanefnd um lagasetningu og í laganefnd þings Norðurlandaráðs, svo og
á þinginu sjálfu.
í skýrslu ráðherranefndarinnar er þessu næst fjallað um 9 aðalflokka við-
fangsefna. Skulu þeir nefndir hér og jafnframt vikið með örfáum orðum að
nokkrum verkefnum. Rétt er að leggja áherslu á, að margra fleiri verkefna
er getið i skýrslunni.
1. Persónu-, sifja- og erfðaréttur.
Ekki er talið tímabært að reyna að koma á samræmdum lagareglum um
stofnun og slit hjúskapar. Hins vegar er stefnt að því að samræmdar reglur
verði settar á Norðurlöndum um fjármál hjóna. Einnig er talið æskilegt að
slíkar reglur verði settar um lögfylgjur óvígðrar sambúðar.
2. Samningar, kaupalög og neytendavernd.
Beðið er niðurstöðu alþjóðaráðstefnu á vegum Sameinuðu þjóðanna 1980
um milliríkjakaup. Af ‘slands hálfu hefur ekki verið staðið að samstarfi á
þessu sviði, þó að það hafi verið allmikið. Fjallað hefur verið m.a. um órétt-
114