Tímarit lögfræðinga - 01.08.1980, Blaðsíða 48

ÍSLANDSDEILD AMNESTY INTERNATIONAL
Aðalfundur íslandsdeildar Amnesti International, var haldinn að Hótel Esju
22. apríl s.l. Fundurinn var sæmilega sóttur og þar urðu áhugaverðar umræður
um félagsstarfið.
Margrét Bjarnason, fráfarandi formaður, flutti skýrslu stjórnar. Skýrði hún
frá aðalfundi alþjóðasamtakanna í Leuven I Belgíu, sem hún og Ingi Karl
Jóhannesson sóttu. Kom fram að nú verða framkvæmdastjóraskipti hjá sam-
tökunum. Martin Ennals, sem um árabil hefur gegnt því starfi með sóma,
hverfur úr þjónustu samtakanna, en við tekur Svíinn Tomas Hammerberg.
Jose Zalaquett, útlagi frá Chile, er aftur formaður aðalsamtakanna. Hann er
væntanlegur hingað í haust. Margrét skýrði ennfremur frá kynningarfundum,
sem haldnir voru á vegum samtakanna s.l. vetur, þar sem flutt voru fræðslu-
erindi um samtökin og kynntar starfsaðferðir þeirra. Vonir standa til, að þetta
verði fastur liður í vetrarstarfi samtakanna.
Síðan fluttu formenn starfshópa skýrslur sínar og gjaldkeri, Friðrik Páll
Jónsson, kynnti reikninga og skýrði frá fjárhagsstöðu félagsins. Fram kom,
að nokkur tekjuafgangur var á árinu. Þó er Ijóst, að bágur hagur félagsins
sníður því þröngan framkvæmdastakk. Gjaldkeri gerði tillögu um hækkun
árgjalda, sem var samþykkt. Hækkun þessari er þó mjög í hóf stillt. íslands-
deildin vonar þó, að hækkunin haldi a.m.k. í við verðlagshækkanir hér innan
lands.
Fundurinn samþykkti sérstakar þakkir til Einars Pálssonar, skólastjóra Mála-
skólans Mímis, en hann hefur léð samtökunum endurgjaldslaust afnot hús-
næðis að Hafnarstræti 15, Reykjavík.
Að lokum fór fram stjórnarkosning. Margrét Bjarnason gaf ekki kost á sér
til frekari formennsku, og voru henni þökkuð ágæt störf. Hrafn Bragason
borgardómari var kjörinn formaður og aðrir í stjórn séra Bernharður Guð-
mundsson, Anna Atladóttir læknaritari, Guðríður Anna Daníelsdóttir háskóla-
nemi og Friðrik Páll Jónsson fréttamaður, í varastjórn voru kosin Sigurður
Magnússon blaðafulltrúi og Margrét Bjarnason fréttamaður. Varastjórnar-
menn sitja alla stjórnarfundi með fullum réttindum.
Verkefni islandsdeildar Amnesti í nánustu framtíð eru að mestu venju-
bundin. Er þar fyrst og fremst átt við starfsemi fangahópanna tveggja, sem
eins og kunnugt er vinna í þágu þeirra samviskufanga, sem aðalskrifstofan
í London hefur úthlutað þeim. Nú veita þær Linda Jóhannesson ritari og Berg-
Ijót Guðmundsdóttir læknaritari þessum hópum forstöðu. Þá verður að sjálf-
sögðu haldið áfram þátttöku í svonefndum skyndiaðgerðum samtakanna.
Forstöðu fyrir þeirri starfsemi hefur Líney Skúladóttir arkitekt, Bergstaðastræti
28 A, sími 10481. Alltaf er þörf á fleira fólki til þess að sinna bréfaskriftum
vegna þessarar starfsemi, og væri vel þegið, ef einhverjir gætu séð af tíma
til þess. Þá ber þess að geta, að alþjóðasamtökin veita nokkrum föngum
sérstaka athygli á mánuði hverjum og nefna þá fanga mánaðarins. Sérstakur
hópur innan íslandsdeildarinnar hefur nú tekið að sér að sinna þessu verk-
efni og veitir Helgi Kristinsson, Skeiðarvogi 143, sími 37841 því forstöðu.
Hann gæti eins og Líney vel þegið nokkra aðstoð. Þá veitir Þórir Ibsen há-
skólanemi, Skipholti 44, simi 19000, forstöðu starfshópi, sem sinnir ákveðnum
aðgerðum, sem samtökin efna til. islandsdeildin er ekki þess megnug að