Tímarit lögfræðinga - 01.08.1980, Blaðsíða 17

með því, að danskan sé sem ríkismál tengiliður mismunandi íbúahópa
í ríkinu og Grænlendinga við umheiminn. Annarra heimsmála er ekki
getið.
10. gr. Heimastjórnin er bundin af skyldum skv. milliríkjasamn-
ingum og öðrum alþjóðlegum reglum, sem á hverjum tíma eru
bindandi fyrir ríkið.
2. mgr. Heimildir (beföjelser) heimastjórnarinnar takmarkast á
hverjum tíma af heimildum, sem skv. 20. gr. stjórnarskrárinnar
hafa verið framseld alþjóðastofnunum.
3. mgr. Ríkisstjórnin getur lagt fyrir heimastjórnina að grípa
til þeirra ráðstafana, sem eru nauðsynlegar til að tryggja, að
haldin séu fyrirmæli 1. og 2. mgr.
Afleiðing af aðild Danmerkur og þarmeð Grænlands að Efnahags-
bandalaginu kemur fram í 2. mgr. 1 greinargerð segir, að það liggi í
augum uppi, að málaflokka, sem heyra ekki lengur undir dönsk yfir-
völd, vegna þess að þeir hafa verið framseldir milliríkjastofnunum,
sé ekki hægt að fela heimastjórninni. Heimastjórnarnefndin tók ekki
beina afstöðu til aðildar Grænlands að Efnahagsbandalaginu, enda
ekki í verkahring hennar. I áliti sínu og frumvarpi gerir hún þó ráð
fyi'ir óbreyttu ástandi og hleður með nýjum reglum stoðum undir
það, sjá 15. gr. 1 álitinu vísar nefndin til ummæla forsætis- og Græn-
landsmálaráðherranna um, að ríkisstjórnin muni ekki þvinga Græn-
land til ákveðinna tengsla við bandalagið og muni virða, á grundvelli
undanfarandi þjóðaratkvæðagreiðslu á Grænlandi, ákvörðun heima-
stjórnarinnar þaraðlútandi. Aðild Danmerkur að Rómarsáttmálanum
er ekki talin koma í veg fyrir breytta aðild eða úrgöngu Grænlands úr
bandalaginu.
11. gr. Ríkisvaldið fer með úrslitavald í málum, sem varða sam-
skipti ríkisins við útlönd.
2. mgr. Áður en athafnir (foranstaltninger), sem heimastjórnin
ráðgerir og hverra framkvæmd hefur verulega þýðingu fyrir sam-
skipti ríkisins við útlönd, þám. þátttöku ríkisins í alþjóðlegu sam-
starfi, eru ákveðnar, ber að hafa samningaviðræður við ríkis-
valdið.
Þessi grein er því til staðfestingar, sem víða kemur fram í lögun-
um, að ríkisvaldið fer með utanríkismál. Hún á þó ekki að raska
verkaskiptingu stjórnanna að öðru leyti, og því er tekið fram í 2. mgr.,
að ríkisvaldið geti með samningaviðræðum haft áhrif á athafnir, sem
79