Tímarit lögfræðinga - 01.08.1980, Blaðsíða 12

Meginregla 4. og 5. gr. er, að löggjafar- og fjárveitingavald haldist
í hendur. Ef heimastjórnin kýs að taka til sín málaflokk skv. 4. gr.,
ber hún og kostnaðinn af honum. Ef ríkisvaldið hins vegar felur heima-
stjórninni ákveðinn málaflokk með framsalslögum skv. 5. gr., hvílir
fjárveitingavaldið áfram hjá þjóðþinginu. Við það er miðað, að fram-
sal málaflokks eigi sér ekki stað nema skv. ósk heimastjórnarinnar
og að undangengnum samningaviðræðum um umfang og tímasetningu
framsalsins og um fjárframlög ríkisins. Löggjafarvald landsþingsins
skv. 4. gr. grundvallast á heimastjórnarlögunum, en tilskipunarvaldið
skv. 5. gr. á sérstökum þjóðþingslögum fyrir hvern framseldan mála-
flokk. Ráðherra ber ábyrgð á því, að heimastjórnin fari ekki út fyrir
valdsvið sitt í málaflokkum yfirfærðum skv. 5. gr.
1 fylgiskjali með lögunum, sem vísað er til í 4. og 5. gr., eru eftir-
farandi málaflokkar taldir upp:
1. Heimastjórnarfyrirkomulagið.
2. Sveitarstjórnarmál.
3. Skattar og opinber gjöld.
4. Þjóðkirkjan og trúarsamfélög utan þjóðkirkjunnar.
5. Fiskveiðar á landi, dýraveiðar, landbúnaður og hreindýrarækt.
6. Friðunarmál.
7. Skipulagsmál.
8. Verzlunar- og samkeppnislöggjöf, þmt. löggjöf um veitinga- og
gistihús, reglur um áfenga drykki ásamt reglum um lokunar-
tíma.
9. Félagsmál (Sociale forhold).
10. Málefni vinnumarkaðarins.
11. Kennslu- og menntamál, þmt. verknám.
12. önnur atvinnumál, þmt. fiskveiðar og framleiðslustarfsemi
ríkisins, stuðningur við og þróun atvinnuveganna.
13. Heilbrigðismál.
14. Leigulöggjöf, húsnæðisaðstoð og stjórnun húsnæðismála.
15. Vöruinnflutningur og -dreifing.
16. Farþega- og farmflutningar innanlands.
17. Umhverfisvernd.
Framsal málaflokka til heimastjórnarinnar mun fara fram smám
saman til að tryggja örugga og vandkvæðalausa yfirfærslu. Um tíma-
mörk er í nefndarálitinu lagt til, að málaflokkar 1—4 á fylgiskjalinu
falli til heimastjórnarinnar ekki síðar en í ársbyrjun 1980, málaflokk-
74