Tímarit lögfræðinga - 01.08.1980, Blaðsíða 49

taka þátt í öllum þessum aðgerðum, en undanfarin ár höfum við valið nokkrar
úr, sem henta okkar aðstæðum. Þannig er nú unnið að aðgerðum sem sér-
staklega beinast að mannréttindabrotum í Zaire. Þá er að Ijúka aðgerðum til
styrktar baráttunni fyrir afnámi dauðarefsinga. Þáttur islandsdeildarinnar í
þessu starfi hefur verið að hvetja áhrifamenn til að skrifa undir tilmæli til
Sameinuðu þjóðanna um að þær beiti sér fyrir afnámi dauðarefsinga hvar-
vetna í heiminum. Er vonast til að slík tilmæli, víðsvegar að úr heiminum,
geti orðið til þess að samþykktar verði afdráttarlausar ályktanir gegn beitingu
dauðarefsinga á næsta allsherjarþingi Sameinuðu þjóðanna.
Dagana 7.—10. júní s.l. var hér á landi Malcolm Tigerschiold, deildarstjóri
þeirrar skrifstofu aðalstöðva Amnesti, sem sér um samskipti aðalstöðvanna
við hinar ýmsu deildir. Hann kom hér fram í útvarpi og sjónvarpi. Þá hélt
hann fyrirlestur í Norræna húsinu að kvöldi þess 9. júní, og einnig gafst stjórn-
endum íslandsdeildarinnar kostur á að bera saman bækur sínar við hann.
Síðast en ekki síst ber að geta þess, að íslandsdeildin fékk inni fyrir basar
á Lækjartorgi föstudaginn 13. júní s.l. Voru þar seldar kökur og brauð og
einnig vörur sem ýmis fyrirtæki höfðu gefið. Hafði verið leitað til félagsmanna
um bakstur. Skemmst er frá því að segja, að þetta gekk allt með afbrigðum
vel. Ber sérstaklega að þakka, hversu félagsmenn og aðrir brugðust vel við
um baksturinn o.fl., og svo dugnað fjáröflunarhóps, sem vinnur undir styrkri
leiðsögn Guðríðar Magnúsdóttur. í sambandi við basarinn voru samtökin
einnig kynnt, afhentir bæklingar og seldar peysur og bolir með merki sam-
takanna.
Hrafn Bragason.
MÁLÞING DÓMARAFÉLAGS ÍSLANDS
Hinn 7. júní s.l. var haldið árlegt málþing Dómarafélags íslands i félags-
heimilinu Fólkvangi á Kjalarnesi. Viðfangsefnið þessu sinni var um starfshætti
dómara, starfsskilyrði, starfsþjálfun, menntun og endurmenntun.
Formaður félagsins dr. Ármann Snævarr hæstaréttardómari setti málþingið
kl. 10 árdegis og fól síðan stjórnina Hrafni Bragasyni borgardómara, sem í
upphafi kynnti mönnum tilhögun þingsins og dagskrá þess.
Fyrstur frummælenda var Ármann Snævarr, sem flutti erindi um efnið í
heild. Kom hann víða við f máli sínu. Ræddi hann m.a. nokkuð sjálfstæði
dómstóla landsins, og í því sambandi varpaði hann fram þeirri spurningu,
hvort grundvallarhugsun að baki stjórnarskrárákvæða um dómstóla væri full-
nægt svo sem málum væri háttað í raun um samskipti dómstóla og fram-
kvæmdavalds. Kvað hann þetta mikið og alvarlegt íhugunarefni dómenda.
Ármann fjallaði ítarlega um starfsskilyrði við dómstólana og vék sérstak-
lega að tæknibúnaði þeim, sem nú væri fyrir hendi, en þó einkum þeim,
sem enn væri þar ekki tiltækur, sérílagi tölvuvtækni margs konar.
Garðar Gíslason borgardómari tók næstur til máls og ræddi um dómhús
f Reykjavík. Rakti hann forsögu málsins og feril til þessa og kom fram m.a.,
að sótt hefði verið um lóð undir húsið og rætt við borgarverkfræðing um
111