Tímarit lögfræðinga - 01.08.1980, Blaðsíða 18

hafa meiri háttar þýðingu fyrir stöðu Danmerkur í milliríkjasam-
starfi.
Næsta lagagrein er tekin óbreytt upp úr landsráðslögunum og nær
til málaflokka, sem heyra áfram undir ríkisvaldið.
12. gr. Lagafrumvörp með ákvörðunum, sem einvörðungu varða
Grænland, skulu fengin heimastjórninni til umsagnar, áður en
þau eru lögð fram í þjóðþinginu.
2. mgr. Tillögur að stjórnvaldsreglum með ákvörðunum, sem ein-
vörðungu varða Grænland, skulu fengnar heimastjórninni til um-
sagnar, áður en þær eru gefnar út.
3. mgr. Lög og stjórnvaldsreglur, sem að öðru leyti hafa sérstaka
þýðingu fyrir Grænland, skulu fengin heimastjórninni til um-
sagnar, áður en þau taka gildi á Grænlandi.
13. gr. Milliríkjasamningar, sem samþykki þjóðþingsins þarf til
og sem sérstaklega snerta grænlenzka hágsmuni, skulu fengnir
heimastjórninni til umsagnar, áður en Danmörk gerist aðili að
þeim.
Skv. greinargerð hefur þessi regla í reynd gilt gagnvart landsráð-
inu. Ef milliríkjasamningur fjallar um málaflokk, sem hefur verið
falinn heimastjórninni, er gert ráð fyrir því, að heimastjórnin skuli
annast framkvæmd hans á Grænlandi, enda hafi hún haft hann til
umsagnar. Ríkisvaldið getur því með gerð milliríkjasamninga sagt
heimastjórninni fyrir verkum í málaflokkum, sem annars myndu
falla undir lögsögu hennar.
14. gr. Nema ríkisvaldið ákveði annað í einstökum tilfellum, skal
umsögn heimastjórnarinnar liggja fyrir ekki síðar en 6 mánuð-
um eftir að heimastjórnin hefur fengið málið um umsagnar skv.
12. og 13. gr.
2. mgr. Ef ekki hefur verið hægt að leggja málið fyrir heimastjórn-
ina af óviðráðanlegum orsökum, skulu lögin, stjórnvaldsreglan
eða milliríkjasamningurinn fengin heimastjórninni til umsagnar
eins fljótt og auðið er.
15. gr. Innan marka 11. gr. ákveður ríkisstjórnin að höfðu sam-
ráði við landsstjórnina meginreglur til gæzlu grænlenzkra sér-
hagsmuna í Efnahagsbandalaginu.
2. mgr. Heimastjórnin fær upplýsingar um tillögur lagðar fram
í ráði Efnahagsbandalagsins, sem sérstaklega snerta grænlenzka
hagsmuni.
80