Tímarit lögfræðinga - 01.08.1980, Blaðsíða 37

Þátttakendur f BandaríkjaferSinni á skrifstofu King ríkisstjóra í Massachusetts. Lengst til
vinstri er Salvatore Musco dómari i Boston, sem kom til íslands 1978, og frú Adiline L.
Donohue, framkvæmdastjóri American Judges Association.
hafa, til að fá fram nýjungar og úrbætur á vinnubrögðum, heldur en þær
stofnanir sem fyrir voru gætu beitt eða látið í té, enda aðalverkefni þeirra
annað. Ella væri borin von að ráðið réði við hið mikla flóð dómsmála, sem
steyptist yfir alríkisdómstólana. Leiddi þetta til skipunar nefndar undir
forsæti þáverandi forseta Hæstaréttar Earl Warren. Kom hún málinu fljótlega
í höfn, því árið 1967 var stofnunin sett á laggirnar svo sem fyrr sagði.
Starfsemi símenntunar- og starfsþjálfunardeildar ásamt deild nýjunga- og
tæknibúnaðar fannst held ég flestum hið áhugaverðasta við stofnunina. Til
þess að þetta starf komi að sem fyllstum notum og skili árangri, fylgjast
starfsmenn þessarar deildar náið með dómsmálaskýrslum og öðrum gögn-
um sem ráða má af, hvar skórinn kreppir. Þá hafa þeir eftirlit og umsjón
með framkvæmd námskeiðanna, en þau eru venjulega skipulögð og undir-
búin af nefndum skipuðum af stofnuninni. Með því að bera saman skýrslur
og gögn fyrir og eftir hin ýmsu námskeið er reynt að sjá hve árangursrík
þau eru með tilliti til afkasta og skilvirkni.
Samkvæmt eðli máls er mest rækt lögð við hina eiginlegu héraðsdómstóla
og sérdómstóla á fyrsta dómstigi svo sem skiptaráðendur o. fl. Námskeið
fyrir dómara og starfsfólk áfrýjunardómstólanna er haldið árlega eða annað
hvort ár. Sérstök námskeið, mjög vel vönduð og undirbúin, eru haldin eftir
þörfum fyrir nýskipaða héraðsdómara, en þeir eru yfirleitt valdir úr hópi ríkis-
dómara eða starfandi lögmanna. Var verið að vinna að undirbúningi slíks
námskeiðahalds, en nýlega samþykkti Bandaríkjaþing töluverða fjölgun hér-
aðsdómara.
Fast starfslið stofnunarinnar hygg ég vera um 20 manns. Hefur hún unnið
mikið og gott starf og er auðheyrt í viðtölum við bandaríska dómara, að
hún nýtur mikils álits.
99