Tímarit lögfræðinga - 01.08.1980, Blaðsíða 55
var ekki um að raeða stefnuyfirlýsingu frá stjórninni. Dómsmálaráðherrann
flutti ræðu á aðalfundi Dómarafélags íslands 8. nóvember. Þar vék hann
meðal annars að þessum atriðum: Stofnuð var ný fulltrúastaða í dómsmála-
ráðuneytinu til að fjalla um ,,almenningstengsl“. Dómsmálaráðuneytið ritaði
ýmsum embættum, sem fara með dóms- og lögreglumál, og óskaði þess, að
ákveðnum starfsmanni við hvert embæiti yrði falið það verkefni að greiða
fyrir upplýsingagjöf til almennings og fjölmiðla. Ákveðið var að fela Laga-
stofnun Háskólans að annast útgáfu lagasafnsins og jafnframt að kanna
leiðir til að færa efni þess örar til samræmis við breytingar á löggjöf. i ræðu
ráðherrans, sem birtist í heild í Alþýðublaðinu 10. nóvember, er vikið að
ýmsum öðrum hugmyndum og sagt frá ákvörðunum um að leggja fram laga-
frumvörp.
Hinn 8. febrúar 1980 tók við völdum önnur ríkisstjórn. Forsætisráðherra
er dr. Gunnar Thoroddsen, en dómsmálaráðherra Friðjón Þórðarson. I mál-
efnasamningi ríkisstjórnarinnar segir m.a.:
„Dómsmál.
Unnið verði að umbótum í dómsmálum og stuðlað að hraðari og vand-
aðri meðferð dómsmála, með því m.a. að einfalda meðferð minni háttar mála.
Athugað verði, hvernig þeim efnaminni f þjóðfélaginu verði tryggð lögfræði-
aðstoð til þess að ná rétti sínum.“
FRÁ ALÞINGI
Alþingi, 101. löggjafarþing, kom saman 10. október 1979. Þingið var rofið
16. s.m. Alþingiskosningar voru 2. desember. Af þeim 60 þingmönnum, sem
þá voru kjörnir, eru 14 lögfræðingar. í kosningunum 1978 hlutu 17 lögfræð-
ingar kosningu.
Þing, 102. löggjafarþing, kom saman 10. desember. Það stóð þá til 21.
desemþer og sat á ný frá 8. janúar til 29. maí, alls 155 daga. Á þinginu voru
samþykkt 63 lög og 15 ályktanir. Af lögunum skulu nefnd: lög um breytingu
á lögum um tekju- og eignarskatt, lög um Húsnæðisstofnun ríkisins, lög um
starfskjör launafólks og skyldutryggingu lífeyrisréttinda, lög um breyting á
lögum nr. 23/1922 um sönnun fyrir dauða manna, lög um breytingu á lögum
nr. 65/1974 um ávana- og fíkniefni, lög um breytingu á opl., hgl. og umferðar-
lögum, lög um aðbúnað, hollustuhætti og öryggi á vinnustöðum og lög um
breytingu á lögum um lögskráningu sjómanna. Af þingsályktunum má nefna
ályktanir um undirþúning nýrra laga um samvinnufélög og nýrra laga um
fasteignasölu og ályktun um staðfestingu samkomulags við Norðmenn um
fiskveiði- og landgrunnsmál.
Meðal stjórnarfrumvarpa, sem ekki urðu útrædd, skulu nefnd frumvörp
um lögfræðiaðstoð, skattadóm og rannsókn skattsvikamála, meðferð mála
vegna notkunar stöðureita, fasteignasölu, barnalög, lögréttulög, upplýsingar
hjá almannastofnunum og upplýsingar, er varða einkamálefni. Meðal þing-
mannafrumvarpa, sem ekki urðu útrædd, var frumvarp um þreytingar á laga-
reglum um fóstureyðingar.
Þ. V.
117