Tímarit lögfræðinga - 01.11.1985, Blaðsíða 6
t
HÉÐINN FINNBOGASON
Hinn 23. febrúar 1985 andaðist Héðinn Finn-
bogason, lögfræðingur. Hann var fæddur 10.
maí 1923 að Httardal í Hraunhreppi, Mýrasýslu.
Foreldrar hans voru Finnbogi Helgason bóndi
þar, f. 24. desember 1878 að Stórafjalli, Mýra-
sýslu, d. 4. september 1951, og kona hans Sig-
ríður Teitsdóttir, f. 11. júní 1884 að Meiðastöð-
um I Garði, d. 15. júlí 1951. Þau hófu búskap í
Hítardal vorið 1910, endurreistu húsakost og
jörð af fádæma dugnaði og bjuggu þar með
sæmd til æviloka. Þeim varð ellefu barna auðið,
og var Héðinn næstyngstur.
Að líkum lætur, hvert þrek hefur þurft við
þessar aðstæður til þess að koma upp slíkum
hópi barna með þeirri reisn, sem raun bar vitni,
enda leyndi Héðinn ekki þeirri hlýju og stolti,
sem hann ól í brjósti til æskustöðvanna í skjóli foreldra sinna í stórum syst-
kinahópi.
Héðinn hóf nám [ Menntaskólanum á Akureyri haustið 1939 og brautskráðist
vorið 1945. Hann lauk embættisprófi í Iaga- og hagfræðideild Háskóla íslands
vorið 1951. Það ár varð hann fulltrúi í endurskoðunardeild fjármálaráðuneyt-
isins og gegndi þv[ starfi til ársloka 1955, er hann var skipaður fulltrúi í varn-
armáladeild utanríkisráðuneytisins, en 1962 gerðist hann lögmaður Trygg-
ingastofnunar ríkisins og deildarlögfræðingur þar frá 1979 til æviloka.
Héðinn lét félagsmál mjög til sín taka, og f menntaskóla hafði hann forustu
um eflingu góðs félagsanda í bekk sínum og skólanum yfirleitt. Árin 1948-1949
var hann varaformaður Orators, félags laganema, og ritstjóri Úlfljóts, tímarits
laganema. Hann var í stjórn Starfsmannafélags stjórnarráðsins 1958-1961, í
skaðabótanefnd skv. 1. gr. laga nr. 110/1951 frá 1973, í stjórn ÍSAL h.f. 1975-
1979, í sendinefnd islands á Allsherjarþingi S.Þ. 1979, svo að nokkuð sé nefnt.
Kynni okkar Héðins hófust í Menntaskólanum á Akureyri. Við vorum bekkj-
arbræður þar og deildarfélagar í Háskóla íslands. Á þessum árum og æ síðan
þróaðist með okkur vinátta, heil og traust. Héðinn var einstakur maður í fasi
og allri framgöngu. Ljúfmennska hans og glaðlyndi heillaði okkur vini hans,
svo að við sóttumst mjög eftir návist hans. Græskulaus kímni hans og fágæt
fundvísi á skopið í lífinu ásamt því að geta miðlað öðrum rausnarlega af þess-
um krásum var aðeins hluti af persónutöfrum hans. Drengskapur og umburð-
arlyndi voru aðal hans. í eftirmælum um Héðin segir vinur hans og skólabróð-
ir, Runólfur Þórarinsson: „Hann hafði næmt auga fyrir hinu spaugilega, en
144