Tímarit lögfræðinga - 01.11.1985, Blaðsíða 8
ÞÓRHALLUR SÆMUNDSSON
Þórhallur Sæmundsson, fyrrverandi baejar-
fógeti, andaðist í sjúkrahúsinu á Akranesi 11.
ágúst 1984, 87 ára að aldri. Hann fæddist í
Stærra-Árskógi á Árskógsströnd 24. júní 1897.
Foreldrar hans voru Sæmundur Tryggvi skip-
stjóri og bóndi þar, Sæmundsson frá Gröf í
Kaupangssveit Jónassonar, og fyrri kona hans,
Sigríður Jóhannesdóttir bónda á Þönglabakka
Jónssonar. Þórhallur lauk stúdentsprófi (
Reykjavík 1919 og kandidatsprófi í lögfræði frá
Háskóla íslands 14. febrúar 1924. Hann stofnaði
málflutningsskrifstofu ( Vestmannaeyjum 15.
mars 1924 og rak hana jafnhliða útgerð og öðr-
um störfum, svo og fulltrúastörfum fyrir bæjar-
fógetann þar, til 14. maí 1930. Fiskverslun og út-
gerð rak hann ( Hnífsdal og Vestmannaeyjum
1928-1930, en stundaði síðan til ársloka 1931 ýmis lögfræðistörf í Reykjavík,
jafnframt því sem hann var lögtaksfulltrúi hjá Hafnarfjarðarkaupstað frá 1. júlí
1931. Þórhallur var settur lögreglustjóri á Akranesi 1. janúar 1932 og jafnframt
oddviti í Ytri-Akraneshreppi og gjaldkeri Akraneshafnar þar til 4. febrúar 1936.
Skipaður var hann lögreglustjóri á Akranesi 23. október 1935 frá 1. nóvember
sama ár, settur bæjarfógeti þar 1. janúar 1942 og skipaður í það embætti 4.
febrúar 1942 og gegndi því allt til 1. júli 1967, að hann fékk lausn frá embætti,
en var settur til að gegna því til 30. september sama ár. Þá var Þórhallur sett-
ur bæjarfógeti í Neskaupstað 1. október 1967 til 16. ágúst 1968 og aftur 20.
desember 1970 til 16. mars 1971. Settur var hann fulltrúi sýslumannsins í Snæ-
fellsness- og Hnappadalssýslu 1. október 1968 til 22. desember sama ár og
sýslumannsins ( Skagafjarðarsýslu og bæjarfógetans á Sauðárkróki frá 5.
október 1972 til 6. desember sama ár.
Þórhallur var skipaður formaður stjórnar Sjúkrasamlags Akraness 7. apríl
1938. Bæjarfulltrúi var hann á Akranesi 1942-1946, í hafnarnefnd þar 1942-
1968 og oft formaður hennar, átti sæti í fræðsluráði þar 1952 og næstu ár.
Endurskoðandi Sparisjóðs Akraness var hann 1930-1939, í yfirkjörstjórn Vest-
urlandskjördæmis 1959-1967 og var oft formaður yfirkjörstjórnar Akraness.
Hæstaréttarlögmaður varð Þórhallur 19. desember 1968.
Hér að framan hefur verið rakinn allítarlega starfsferill Þórhalls Sæmunds-
sonar, og sýnir hann, svo að ekki verður um villst, að Þórhallur hefur vlða
komið við á ævibraut sinni og notið mikils trausts samferðamanna sinna, þar
sem honum voru falin svo fjölþætt og margvísleg trúnaðarstörf. Enda var hann
að eðlisfari mikill félagshyggjumaður og glöggskyggn á menn og málefni, og
má segja, að hann léti sér fátt mannlegt óviðkomandi. Þessir eiginleikar hans
leiddu og til þess, að hann var óvenjuvel að sér á ýmsum sviðum og marg-
fróður. Sérstaklega var hann fróður um söguleg efni, og kom þar enginn að
146