Tímarit lögfræðinga - 01.11.1985, Blaðsíða 23

Innheimtumiðstöð þessi var síðan stofnuð og samþykktir hennar
staðfestar af menntamálaráðuneytinu hinn 10. desember 1985. Stofn-
aðilar miðstöðvarinnar eru: STEF, Samtök tónskálda og eigenda flutn-
ingsréttar, SFH, Samband flytjenda og hljómplötuframleiðenda og Rit-
höfundasamband Islands, en önnur félög geta sótt um aðild enda teljast
þau hafa verulegra hagsmuna að gæta á þessu sviði.
Samkvæmt reglugerð samtakanna hófst gjaldtaka af auðum böndum
og upptökutækjum hinn 1. apríl 1985 og er skipting fjár milli aðildar-
félaganna þannig: STEF 89 hundraðshlutar, SFH 54 hundraðshlutar
og Rithöfundasamband Islands 7 hundraðshlutar. Endurskoða skal
skiptingu milli aðildarfélaga þegar aðildarfélögin eru orðin fleiri en
þrjú, en sé ekki samkomulag sker gerðardómur úr um málið. Gjaldtaka
fyrir auð myndbönd og tæki hófst hins vegar ekki fyrr en 1. nóv. 1985.
Þégar hafa tvö ný félög sótt um aðild, þ.e. Félag kvikmyndagerðar-
manna og Hagþenkir.
Auk framangreindra rétthafasamtaka hafa höfundar fagbóka og
kennsluefnis stofnað með sér hagsmunafélag sem ber nafnið Hagþenkir.
Hafa samtök þessi sótt um löggildingu menntamálaráðuneytisins og
einnig um aðild að FJÖLlS og Innheimtumiðstöð skv. 11. gr. höfunda-
laganna.
Að lokum vil ég ítreka þá skoðun mína, sem fram kom í upphafi
greinarkorns þessa, að höfundaréttarsamtökin hafi mikilvægu hlutverki
að gegna innan höfundaréttarins, enda gera höfundalögin sjálf ráð
fyrir tilvist þeirra. Þau verka sem hvati á endurnýjun löggjafarinnar
og hafa í mörgum tilfellum verið uppspretta nýrra höfundaréttarlegra
hugmynda, auk þess sem réttarframkvæmdin er í fjölmörgum tilvikum
óhugsandi án þeirra.
161