Flóra: tímarit um íslenzka grasafræði - 01.04.1966, Page 73

Loðvíðisveitin (Salix lanata ass.).
I>að sem skilur milli hinna tveggja deilda víðiheiðarinnar er, að
hér verður loðvíðir (S. lanata) alltaf drottnandi tegund, bæði í svip og
fleti en í grávíðisveitinni gætti hans aldrei að ráði, og vantaði oft með
öllu. Þá er þursaskegg (Kobresia myosuroides) allalgengt hér, en var
sjaldséð í grávíðisveitinni, nema í einu hverfi hennar. Meira er hér
einnig af túnvingli (Festuca rubra). Þær tegundir, sem gætir verulega
minna í loðvíðisveitinni en grávíðisveitinni, eru: grávíðir (S. glauca),
grasvíðir (S. herbacea), stinnastör (C. Bigeloiuii) og hálmgresi (Calama-
grostis neglecta). Staðhættir þessara tveggja sveita eru að því leyti
ólíkir, að grávíðisveitin náði mestum þroska, þar sem raklent er, en
loðvíðisveitin er alger þurrlendis gróðursveit, sem oft nær beztum
þroska, þar sem sandur fýkur inn á gróið land. Á rannsóknarsvæðum
þeim, sem hér um ræðir, er sveitin langútbreiddust á Bárðdælaafrétti,
þar sem hún víða þekur stóra fláka. Á hinum svæðunum er lítið um
hana en mest þó á Kili. Loðvíðiheiðin nær skemmra upp en grávíði-
heiðin. Þannig er hún sjaldséð fyrir ofan 500 m hæð, hinsvegar nær
hún miklu lengra niður á bóginn og er því engan veginn einkennandi
fyrir hálendið, því að oft er hún þroskamest á láglendi. Loðvíðir (S.
lanata) er yfirleitt stórvaxnari en grávíðir (S. glauca). Hann lyftir sér
alls staðar yfir graslagið, og sums staðar einkum á láglendi myndar
hann lágvaxið kjarr. Hann virðist una bezt snjólagi minna en í meðal-
lagi og firrist verulegan raka í jarðvegi. Tegundir þær, sem nær ætíð
finnast í loðvíðiheiðinni eru: loðvíðir (S. lanata), túnvingull (Festuca
rubra), beitieski (Equisetum variegatum), klóelfting (£. arvense), og
kornsúra (Polygonum viviparum). Nokkru sjaldgæfari eru: grávíðir (S.
glaucd), krummalyng (£. hermafroditum), þursaskegg (K. myosuroi-
des), og lambagras (Silene aculis).
68. Loðvíði-krækilyngs-bláberjalyngs hverfi (S. lanata — E. hermafro-
ditum — V. uliginosum soc.) (Tab. XXVI A—B 1—3).
Athuganir á þessu hverfi eru aðeins frá Bárðdælaafrétti, en annars
finnst það víða um land. Frá öðrum hverfum loðvíðiheiðarinnar skil-
ur hverfið sig í því, að krummalyng (£. liermafroditum) er hér drottn-
andi í svip og fleti við hliðina á loðvíðinum (S. lanata), þá er bláberja-
lyng (V. uligÍ7iosum) stöðug tegund með hárri tíðni, og ber oft mikið
á því í gróðursvipnum, annars er bláberjalyng sjaldan áberandi í loð-
víðiheiðinni og krummalyng engan veginn mikils háttar. Þá gætir og
IÍMARIT UM ÍSLENZKA GRASAFRÆÐI - FlÓra 71