Flóra: tímarit um íslenzka grasafræði - 01.04.1966, Qupperneq 76

hverfi, þegar landið þornar og jarðvegur eykst. Blettirnir XXV. 10 og
XXVI. 6 benda á hvernig röð gróðurhverfanna verður á hinum þurr-
lendari stöðum. Ef landið hinsvegar helzt rakt eða jafnvel blotnar
meira, eru sköpuð skilyrði fyrir grávíðihverfi. Hverfið er fremur teg-
undafátt. A% er tiltölulega lágt, en Ch% hátt.
Einstakir blettir:
Blettur XXV. 9 Tjarnheiði á Kili í um 450 m h., er á mótum gró-
ins lands og blásins mels. Landsvæði þetta hefir blásið upp fyrir
nokkru, en er nú gróið að nýju, þótt gróðurbreiðan sé ekki enn fylli-
lega samfelld. Hverfið teygir sig í smágeirum uppeftir melnum og leit-
ast við að færa út kvíarnar.
Blettur XXVI. 4, Suðurárbotnar í Ódáðahrauni, hæð um 460 m.
Milli kvíslanna í Suðurárbotnum er allstórt svæði, sem að mestu er
vaxið þessu gróðurhverfi. Auðsætt er, að land þetta hefir blásið upp
fyrir nokkru síðan, án þess þó að verða örfoka, því að fram með kvísl-
unum hefir verið nægur raki til þess að halda neðsta jarðvegslaginu
föstu. Nú er land þetta gróið að nýju með loðvíði-grávíði hverfi, en
gróður er enn ósamfelldur, og víða sér í nakinn svörðinn. Athyglisvert
er hve klóelftingar (£. arvense) og skriðlíngresis (A. stolonifera) gætir
rnikið. Þar sem hærra ber á og þurrara er, verður túnvingull (Festuca
rubra) aðaltegund, en víðirinn hverfur að mestu. Þarna virðast gróð-
urhverfin koma í þessari röð frá blásinni mold til víði hverfis og loks
túnvinguls valllendis.
Blettur XXVI. 5, Sellönd, hæð um 370 m. Athugunarsvæðið var
sýnilega nýgróið. Bletturinn liggur að hálmgresis hverfi, sem er tiltölu-
lega raklent. Sandur er mikill í jarðvegi og mikið áfok. Sennilegt er,
að þarna hafi rakur sandur gróið. Fyrst hefir þar komið hrafnafífu
hverfi (Eriophorum Scheuchzeri), sem breyttist í hálmgresis hverfi
(Calamagrostis neglecta) þegar landið þornaði, en síðan hefir landið
smám saman breytzt í víði heiði. Merki um slíka þróunarröð gróður-
hverfa sjást alloft í hálendinu. Öllum þessum þremur blettum er það
sameiginlegt, að jarðvegur er í rakara lagi og snjór mun liggja alllengi.
Líkjast staðhættir því að ýmsu grávíði heiðinni.
Blettur XXV. 10 við Svartá á Kili, hæð um 450 m. Hverfi þetta vex
þar innan um krækilyngs-bláberja hverfi sjá athugasemd um blett
XXIV. 6.
Blettur XXVI. 6, Króksdalur á Bárðdælaafrétti, hæð um 480 m.
Bletturinn er í brekku, og er hverfi þetta mjög útbreitt þar um neðan-
verðar hlíðar dalsins í allt að 50—70 m hæð yfir dalbotninn. Gróður
er samfelldur, og verður ekki séð, að um nýgræður sé þar að ræða.
74 Flora - tímarit um íslenzka grasafræði