Flóra: tímarit um íslenzka grasafræði - 01.04.1966, Page 98

inn því meira eða minna rauðgulur eða egggulur. Hold sveppsins er
af seigri gerð, minnir dálítið á lint gúmmí, og af því og öllum sveppn-
um leggur sæta ilman, sem minnir á aprikósur. Vex í skóglendi.
Kantarellinn er eins og sjá má af lýsingunni, auðþekktur sveppur,
og engar aðrar sveppategundir líkjast honurn verulega mikið. Þó geta
nokkrar tegundir af kyninu Clitocybe (skyrsveppur) minnt á hann, t. d.
tegundin Clitocybe infundibuliformis, sem er algeng hér á landi en
vex oftast í grasmóum en kantarellinn vex hins vegar nær alltaf í skóg-
um. Blöð skyrsveppanna eru líka alltaf ljós að lit, en ekki gul eins og
á kantarellinum.
Kantarellinn fannst fyrst hér á landi af höfundi í Aðaldalshrauni
í Þingeyjarsýslu sumarið 1961 (rétt við afleggjarann niður í Sand).
Ox hann þar á dálitlu svæði í grasi vöxnu rjóðri í skóginum, senni-
lega nokkur hundruð eintök. Virtist liann vera mjög fallegur og þroska-
mikill jDarna. í annað sinn fann ég hann svo skammt fyrir utan eyði-
býlið Sker á Látraströnd við F.yjafjörð austanverðan. Óx liann þar í
lágvöxnu birkikjaiTÍ rétt við göturnar. Ekki er mér kunnugt um aðra
fundarstaði sveppsins hér á landi. Hins vegar Jrykir mér sennilegt, ef
dæma skal eftir útbreiðslu ýmissa annarra tegunda, að hann finnist
víðar á skaganum rnilli Eyjafjarðar og Skjálfanda, og í Aðaldal. Ekki
er heldur ósennilegt að hann finnist á Austfjörðum og Vestfjörðum
er tímar líða fram.*
Kantarellinn er algengur um mestalla Evrópu, m. a. í Skandinavíu,
en hefur hvorki fundizt í Færeyjum né á Grænlandi svo vitað sé.
Kantarellinn er með eftirsóttustu sveppum til matar og Jrykir mörg-
um iiann beztur allra sveppa, enda er hann mjög mikið tíndur í Ev-
rópu, t. d. í Svíjrjóð en Jrar er hann talinn algengasti matarsveppurinn.
Hefur sums staðar kveðið svo rammt að Jressu, að sveppnum hefur ver-
ið útrýmt af stórum svæðum í nánd við J^éttbýlið.
Það er þó ekki eingöngu bragðið sem veldur Jrví hvað þessi svepp-
ur er eftirsóttur af sveppaætum, heldur einnig Jrað hve hann er auð-
þekktur og Jrví lítil hætta á að menn taki eitursveppi í misgripum fyrir
hann. Auk þess virðast skordýr alveg sneiða hjá sveppnum og maðkar
hann Jrví ekki. Hann er auðveldur í meðförum, þolir langan flutning
án skemmda, og auðvelt er að þurrka hann og geyma þannig jafnvel
um árabil.
* Cantharellus cibarius hefur einnig fundizt ;í tveimur stöðum ;í Vestfjörðum, í Skjald-
fannardal við norðanvert ísafjarðardjúp og í Trostansfirði við Arnarfjörð (safnað af Helga
Jónassyni). Er svo að sjá sem hann vaxi víða á Vestfjörðum.
96 Flórn - tímarit um íslenzka grasafræði