SunnudagsMogginn - 20.11.2011, Blaðsíða 6
Michelle Williams er 31 árs
að aldri. Hún vakti fyrst at-
hygli í sjónvarpsþáttunum
Dawson’s Creek en hefur leik-
ið í kvikmyndum á borð við
Brokeback Mountain, Decep-
tion og Shutter Island. Hún
bjó um tíma með leikaranum
sáluga Heath Ledger og á
með honum eina sex ára dótt-
ur, Matilda Rose Ledger.
Rísandi stjarna
á hvíta tjaldinu
Fáar konur, fyrr og nú, hafa heillaðheimsbyggðina með sama hætti ogbandaríska kvikmyndaleikkonan ogkyntáknið Marilyn Monroe. Á næsta
ári verður hálf öld liðin frá því að of stór lyfja-
skammtur varð henni að fjörtjóni en ekkert lát
er á vinsældum Monroe og sífellt fleiri verða til
þess að rýna í helgimyndina, nú síðast breski
kvikmyndaleikstjórinn Simon Curtis en mynd
hans, My Week with Marilyn, verður frumsýnd
í næstu viku.
Handritið að myndinni skrifar Adrian Hodges
en það byggist á tveimur bókum eftir breska
rithöfundinn og kvikmyndagerðarmanninn
Colin Clark sem vann sem aðstoðarmaður að
gerð kvikmyndarinnar The Prince and the
Showgirl sem Monroe lék í árið 1957 ásamt
sjálfum Laurence Olivier. Kyntáknið kom ekki
aðeins til Bretlands til að leika í myndinni,
heldur líka til að eyða hveitibrauðsdögunum
með þriðja eiginmanni sínum, leikskáldinu
Arthur Miller. Þegar Miller hélt vestur um haf
fékk Clark það hlutverk að veita Monroe innsýn
í breska tilveru og eyddu þau viku saman. Hún
þrítug en hann aðeins 24 ára.
Takmark myndarinnar mun vera að gægjast
bak við glansmyndina og sýna gyðjuna í öðru
ljósi en við eigum að venjast – í rúllu-
kragapeysu en ekki kvöldkjól, ef svo má að orði
komast.
Aðdáandi frá fyrstu tíð
Margar leikkonur voru orðaðar við aðal-
hlutverkið, svo sem Scarlett Johansson, Kate
Hudson og Amy Adams en það féll á endanum
Michelle Williams í skaut. Í viðtali við tímaritið
Vogue viðurkennir hún að hafa verið tvístígandi
þegar tilboðið kom í fyrstu en eftir að hafa lesið
handritið sló hún til. Williams hefur alla tíð
verið heilluð af Monroe og fóðraði veggi sína
með myndum af gyðjunni í æsku.
Williams sökkti sér í heimildavinnu, lifði og
andaði Marilyn Monroe í hálft ár áður en tökur
hófust, sofnaði ýmist út frá bókum eða kvik-
myndum tengdum viðfangsefninu. Hún þurfti
að þyngja sig og fékk sérstaka tilsögn í hreyf-
ingum og göngulagi, auk þess sem mikil áhersla
var lögð á raddblæ, sem Williams þykir hafa
náð afar vel.
Enda þótt Michelle Williams sé bráðhugguleg
kona hefur hún ekki endilega verið löðrandi í
kynþokka í hlutverkum sínum á hvíta tjaldinu
til þessa. Það hefur verið val hennar sjálfrar.
Eðli málsins samkvæmt varð hún að nálgast
hlutverk Marilyn Monroe á öðrum forsendum.
„Þegar ég var stelpa fannst mér alltaf eins og
kvenlegar línur og kynþokki væru óæskileg –
enginn tæki þannig konur alvarlega, menn mis-
notuðu þær jafnvel. Ég hef því aldrei fundið mig
í þessu. Mér finnst ég alltaf vera ljót þegar ég á
að gera mig sæta vegna þess að ég stend ekki
undir því,“ segir hún við Vogue.
Svo virðist sem það hafi breyst þegar Willi-
ams var komin í karakter. „Eitt sinn þegar ég
var komin í gervi Marilyn og að æfa dillandi
göngulagið frá búningsherberginu á tökustaðinn
sá ég nokkra menn útundan mér – og þeir
störðu á mig. Í fyrsta skipti á ævinni fékk ég
eitthvað út úr athygli af þessu tagi; ekki mann-
anna vegna, heldur mín vegna. Síðan hugsaði
ég með mér: Ef til vill hefur Marilyn liðið svona
þegar hún gekk um götur.“
Þá er bara spurningin: Er það til gæfu?
Gægst bak við
glansmyndina
Ný kvikmynd um Marilyn
Monroe senn frumsýnd
Michelle Williams í gervi
gyðjunnar, Marilyn Monroe, í
nýju kvikmyndinni, My Week
with Marilyn.
Reuters
Vikuspegill
Orri Páll Ormarsson orri@mbl.is
Arthur Miller og Marilyn Monroe 1957. Hjónaband
leikkonunnar og leikskáldsins vakti mikla athygli.
Reuters
6 20. nóvember 2011
Ekki verður annað sagt en My
Week with Marilyn sé stríðmönn-
uð kvikmynd. Hver gæðaleikarinn
er þar upp af öðrum.
Bretar eru eðli málsins sam-
kvæmt áberandi. Kenneth Bra-
nagh fer með hlutverk Sir Laur-
ence Oliviers, mótleikara Monroe
í The Prince and the Showgirl;
Dame Judi Dench leikur Dame Sy-
bil Thorndike og Derek Jakobi
gæðir konunglega bókavörðinn
Sir Owen Morshead lífi. Þá fékk
Emma Watson (oft kennd við
Harry Potter) leyfi frá námi við
Brown-háskólann til að fara með
lítið hlutverk, búningadömunnar
Lucy.
Dougray Scott leikur Arthur
Miller og Julia Ormond fer í silki
sjálfrar Vivien Leigh. Þá fer Zoë
Wanamaker með hlutverk Paulu
Strasberg, leiklistarkennara
Monroe. Um fjörutíu leikarar sótt-
ust eftir hlutverki hins unga Col-
ins Clarks en það kom á endanum
í hlut Eddies Redmaynes, verð-
launaðs bresks sviðsleikara.
„Það var ekki auðvelt að finna
leikara í hlutverk Clarks sem nam
í Oxford og flaug fyrir konunglega
flugherinn,“ segir framleiðandi
myndarinnar, David Parfitt.
Valinn maður í hverju rúmi
Aðalleikararnir Eddie Redmayne og Michelle Williams í hlutverkum sín-
um í myndinni. Mikið mæðir á búningahönnuðinum, Jill Taylor.
Reuters169.900.-
Fæstmeð hægri
eða vinstri skemli
á frábæru verði!
verd: