SunnudagsMogginn - 20.11.2011, Blaðsíða 14

24. október 1996. Quarashi gefur út sína fyrstu smá-
skífu, Switchstance. Sveitin samanstendur af Sölva
Blöndal, Steinari Orra Fjeldsted og Höskuldi Ólafssyni.
Fyrsti plötudómur Quarashi birtist í Morgunblaðinu.
1
Tímalína
QUARASHI
15.október 1997.
Quarashi gefur út
sína fyrstu breiðskífu,
samnefnda bandinu.
2
Eftir að hafa tekið upp
Popp í Reykjavík árið
1998 og spilað um landið
þvert og endilangt, fer Sölvi til
Suður-Ameríku, og dvelur þar í
rúmlega hálft ár.
3
Þegar hann kemur til baka byrjar hann
að semja fyrir aðra breiðskífu Quarashi,
Xeneizes. Platan kemur út í lok
september árið 1999. Quarashi varð
fyrsta hljómsveitin á Íslandi og kannski
víðar til að gefa út lag á mp3-formi en
það var í samstarfi viðmbl.is. Ingibjörg
Sólrún Gísladóttir þáverandi borgarstjóri
hlóð niður fyrsta laginu. Platan var nefnd í höfuðið á
aðdáendaklúbbi Boca Juniors í Buenos Aires, tileinkuð fólki
sem Sölvi hafði hitt þar.
4
Í framhaldi
af Iceland
Airwaves árið
1999 flytur hljómsveitin
til Bandaríkjanna í byrjun
árs 2000 og dvelur þar
meira eða minna næstu
tvö árin. Þarna hefur
Ómar Hauksson gengið
til liðs við sveitina.
Fjórmenningarnir búa í
New York og vinna að
næstu breiðskífu.
5
Quarashi skrifar undir plötu-
samning við Colombia Records
árið 2000 og EMI árið 2001.
6
Breiðskífan Jinx kom
út árið 2002. „Í kjölfarið
byrjuðum við að túra eins og
brjálæðingar,“ segir Sölvi.
„Svo mikið að Steini sneri
sig einu sinni á fæti og þurfti
að koma fram í hjólastól
fyrir framan 30.000 manns, þegar
við hituðum upp fyrir Eminem í
Washington DC. Við spiluðum um
öll Bandaríkin þver og endilöng á
þessum tíma, og heimsóttum nánast
hvert einasta ríki.“ Platan Jinx kom
út um allan heim og hefur selst í
tæplega hálfri milljón eintaka.
7
þéttur kjarni, sem flestir hverjir eru útlensk-
ir, sem hafa verið ódrepandi í að breiða út
boðskapinn,“ segir Sölvi sem er þakklátur
fyrir þetta.
„Eins og hjá svo mörgum listamönnum hef
ég alltaf verið þjakaður af sjálfsefa. Þetta lifði
þarna þó ég hefði algjörlega sleppt takinu.
Það fóru blóð, sviti og tár í þessar plötur á all-
an hátt. List er ekki eitthvað sem ég skutla
fram úr erminni. Ég þarf að hafa virkilega
fyrir þessu,“ segir hann.
Vann í greiningardeild Kaupþings
Sölvi spilaði á trommur í pönksveitum í
nokkur ár áður en hann stofnaði Quarashi.
Það skýrir það ef til vill að sveitin var aldrei
hreinræktuð hipp hopp-sveit. Stafræna upp-
tökutæknin var líka að byrja á þessum tíma
og naut Sölvi sín við takkana.
Tónlist sveitarinnar var tilraunakennd og
sveitin tók oftar en ekki áhættu, ekki síst í
upphafi ferilsins með óhefðbundnum útsetn-
ingum. „Þegar við vorum að gera þetta fannst
okkur þetta hinsvegar afskaplega mikið
popp!“
Síðan Quarashi leið undir lok hefur Sölvi
aðeins haft tónlist sem áhugamál. „Eftir að
Quarashi hætti fór ég í hagfræði við Háskóla
Íslands. Seinasta árið mitt í hagfræðinni vann
ég síðan í greiningardeild Kaupþings. Ég fann
mjög fljótlega að mig langaði að prófa eitt-
hvað nýtt og halda áfram í námi þannig að ég
hætti þar í ágúst 2008,“ segir Sölvi sem var
fluttur til Svíþjóðar og byrjaður í meistara-
námi í hagfræði þegar hrunið varð. „Ég horfði
síðan á Ísland hrynja á netinu. Ég er ekki einn
af þeim sem vissu að þetta myndi gerast. Ef
það var til klúbbur þeirra sem vissu hvað væri
fyrir höndum þá var ég ekki í honum. Ef
maður vissi alltaf hvenær kreppur kæmu
yrðu aldrei neinar kreppur!“
Í fótspor afa sinna
Hann tók meistaragráðuna við Stokkhólms-
háskóla. „Ég fékk að heyra það eftir að ég var
kominn út að ég væri að feta í fótspor beggja
afa minna sem námu hagfræði við sama
skóla,“ segir hann.
Varstu alltaf góður í stærðfræði?
„Hefði ég ætlað að fara í eitthvert öruggt
nám þá hefði ég farið í sagnfræði en ég varð
að fá áskorun. Ég les mikið af sagnfræðibók-
um því mér finnst það skemmtilegt. Góð tón-
list er oft góð stærðfræði. Ég er ágætis stærð-
fræðingur en ég þurfti að hafa fyrir þessu.“
Sölvi segir að þegar hann fór í hagfræðina
hafi hann lokað svolítið á sitt fyrra líf. „Ég fór
úr því að vera einhvers konar poppstjarna í
að sitja í flíspeysu í tíma í Odda. Þetta voru
svolítið þung skref úr poppbransanum yfir í
Háskóla Íslands,“ segir Sölvi sem fór í námið
af fullum þunga.
„Poppstjörnuheimurinn er þegar allt kem-
ur til alls mjög upptekinn af sjálfum sér og
snýst í kringum sjálfan sig. Þannig langar mig
ekki að lifa. Góði hlutinn af listalífinu er að
það er ótrúlega gaman að skapa.“
En eru hagfræðingar ekki nýju poppstjörn-
urnar? Íslendingar eru allavega almennt farn-
ir að þekkja nöfn margra hagfræðinga eftir
hrun.
„Persónulega finnst mér hagfræðin mjög
falleg fræðigrein. Það höfðar til mín að það sé
hægt með henni að hafa jákvæð áhrif á fólk,“
segir hann og vísar til einnar af poppstjörnum
hagfræðinnar, Jeffreys Sachs, sem meðal
annars hefur fjallað um hvernig það geti haft
jákvæð áhrif á hagvöxt og heiminn að fleiri
hafi greiðan aðgang að vatni. Hagfræði getur
svo sannarlega verið hluti af því að koma
fleirum upp fyrir fátækramörk, segir Sölvi, og
hægt er að sýna fram á að ríkari hluti heims-
ins njóti góðs af því að fátækari hlutinn kom-
ist upp fyrir þessi mörk. „Það finnst mér
heillandi.“
Allir hafa skoðun á hagfræði
Er hinn hlutlausi hagfræðingur til?
„Eftir því sem ég hef tekið þátt í fleiri
rannsóknum þeim mun meira hef ég reynt að
fjarlægja mínar pólitískar skoðanir. Ég var
einu sinni mikill vinstrimaður í hjarta en er
kannski hægri krati í haus!“
Sölvi hefur fundið góða leið til að sameina
hagfræði og áhugamálið sagnfræði. „Ég les
frekar mikið um hagsöguna. Mér finnst það
skemmtilegt en þetta er ótrúlega vanmetið
fyrirbæri innan hagfræðinnar og er að alltaf
verða stærra og stærra.“
Hann bendir á að núna virðist allir hafa
skoðun á hagfræði. „Hrunið hefur breytt
miklu. Það er svolítið sérstakt með hagfræð-
ina. Ég þekki marga eðlisfræðinga og þeir
lenda ekki í því að fólk hafi almennt skoðun á
eðlisfræði. En það hafa allir skoðun á hag-
fræði. Ég reyni að fela það í lengstu lög að ég
sé hagfræðingur þegar ég mæti í partí!“
Hann segir að framhaldsnámið í Svíþjóð
hafi gert honum mjög gott. „Ég kynntist hag-
fræði algjörlega uppá nýtt þegar ég flutti til
Svíþjóðar. Ég var búinn að fá leiða hérna
heima. Það hefur líka verið mjög gaman að
vinna með sænskum hagfræðingum,“ segir
Sölvi sem kann reglulega vel við sig í Svíþjóð.
„Það ef margt í fari þeirra sem hentar mér
vel, reglusemi, formlegheit og fleira.“
Hann dvaldi þó í sumar á Íslandi. „Ég skrif-
aði eina skýrslu í sumar með Ásgeiri Jónssyni
fyrrverandi hagfræðingi hjá Kaupþingi um
íbúðamarkaðinn á Íslandi þannig að ég hef
ekkert sleppt hendinni alveg af landinu.“
Gott að þurfa ekki að keyra
Honum finnst gott að búa í Stokkhólmi, sem
er stærsta borgin á Norðurlöndunum, en á
Stokkhólmssvæðinu búa rúmar tvær milljónir
manna. „Ég kann mjög vel við mig þarna. Ég
þarf til dæmis ekki að eiga bíl, það að keyra
fyllir mig mjög neikvæðri spennu!“
Frumburðurinn mun því fæðast í borginni
og hlakkar Sölvi mjög til. Hann segist til að
byrja með hafa hugsað eins og sumir: „Er líf-
inu núna lokið?!?“ og grínast með að það hafi
hvarflað að honum hvort hann þyrfti að flytja
í Garðabæinn, grilla pylsur og fá sér vinnu á
Hagstofunni.
Hann hefur að undanförnu verið að vinna
að stórri rannsókn fyrir Seðlabankann í Sví-
þjóð. „Þetta er verkefni sem ég fékk beint
eftir námið en einn af prófessorunum mínum
bauð mér að vera með. Maður situr í herbergi
með mörgum öðrum og er að rýna í tölur. Við
vorum að búa til fasteignaindex sem nær aft-
ur til ársins 1880. Það auðveldar Seðlabank-
anum að bera kennsl á fasteignabólur.“
Ekki nóg að græða pening
Hann kann vel við að vinna í lausamennsku
eins og við svona rannsóknir. „Ég kann að
meta frelsið sem því fylgir. Ég hef ekki viljað
binda mig,“ segir hann en útilokar ekki að
hann muni binda sig í fasta vinnu síðar.
„Tónlistin mun alltaf verða stór hluti af
mínu lífi og ég ætla ekki lengur að neita því,“
segir Sölvi, sem komst að þeirri niðurstöðu
’
Þegar ég fór í hagfræðina lokaði ég svolítið á mitt fyrra
líf. Ég fór úr því að vera einhvers konar poppstjarna í
að sitja í flíspeysu í tíma í Odda. Þetta voru svolítið
þung skref úr poppbransanum yfir í Háskóla Íslands.