Skagfirðingabók - 01.01.2011, Page 127

ÆSKUMINNINGAR FRÁ SAUÐÁRKRÓKI
in, dökk yfirlitum og bráðmyndarleg.
Eftir fermingu fór hún eitt sumar
vest ur á Ísafjörð að vinna þar á hóteli.
Þá vann hún um tíma í verslun á
Króknum hjá Sigurði Sigfússyni. Hún
gekk í gagnfræðaskóla á Króknum.
En það var litla vinnu að fá á Sauðár­
króki og leiðin lá suður á Kefla­
víkurflugvöll til að vinna þar. Þá var
hún 16–17 ára. Hún hefur átt þar
heima síðan. Hún giftist Gunnari
Árna syni sem ættaður var úr Norður­
Þingeyjarsýslu. Þau eignuðust tvo
syni, þá Árna og Pál. Ásta fór á nám­
skeið í málaralist hjá Eiríki Smith og
fleirum. Hefur hún lagt það fyrir sig
sem aðalstarf að mála og teikna og
full yrði ég að hún er meðal fremstu
vatnslitamálara okkar. Þá vann hún í
nokkur ár í fríhöfninni á Kefla­
víkurflugvelli. Þau Ásta og Gunnar
slitu samvistum fyrir um 26 árum.
Það er ávallt notalegt að heimsækja
hana. Hún er mjög gestrisin og frábær
kokkur. Hún var ein í mörg ár eftir að
þau Gunnar skildu. En fyrir fjórum til
fimm árum kynnist hún ekkjumanni
úr Keflavík, Sveini Guðnasyni. Búa
þau nú saman og er mjög kært á milli
þeirra.
Bragi
Yngstur okkar systkina er Bragi.
Hann fæddist á Sauðárkróki 4. apríl
1939. Honum var ungum komið í
fóst ur til mæðgna á Sauðárkróki en
þær fluttu til Dalvíkur þegar hann var
á fyrsta ári. Var hann hjá þeim til 11
ára aldurs að hann kom heim. Bragi
var vel gefinn og skemmtilegur
strákur. Hann átti mjög gott með að
læra og lá allt opið fyrir honum. Þegar
hann var 15–16 ára fór hann til sjós og
í framhaldi af því fór hann að vinna
suður á Keflavíkurflugvelli. Síðan fór
hann í millilandasiglingar, varð eftir í
Osló og var þar í nokkra mánuði. Þá
fór hann til Kaupmannahafnar og var
þar í ein 20 ár. Hann átti heima hjá
fullorðinni konu sem rak gistiheimili.
Var hún afar góð við hann og átti hann
þar gott skjól. Hann var mjög óreglu­
samur á þessum tíma og fór það svo að
Gunnar, maður Ástu, náði í hann til
Kaupmannahafnar. Hann var orðinn
heilsulítill sökum slarks og óreglu.
Eftir að hann kom heim fór hann eitt­
hvað að vinna. Stuttu seinna greindist
hann með krabbamein í efri vör og
leiddi það hann til dauða. Hann var þá
47 ára. Bragi var alltaf einhleypur og
eignaðist engin börn.
Vorum sendir í sveit
Við eldri bræðurnir fórum allir til
dval ar í sveit á sumrin fram að ferm­
ing u. Haukur fór í Réttarholt í Blöndu­
hlíð, Óskar í Villinganes í Lýtings ­
staðahreppi og Miðsitju í Blönduhlíð.
Ég fór 8 ára með móðursystur minni,
Ágústu Jónsdóttur, að Selnesi á Skaga,
en bóndinn dó stuttu eftir að ég kom
þar og fór ég þá að Gauksstöðum í
sömu sveit og var þar í tvö sumur.
Síðan fór ég að Syðstu­Grund í
Blöndu hlíð og var þar fram að ferm­
ingu. Einnig var ég þar einn vetur og
gekk í skóla að Stóru­Ökrum. Það var
ánægjulegur tími. Kolli bróðir fór
með mömmu að Sveinsstöðum í Lýt­
ingsstaðahreppi og síðar var hann á
Frostastöðum í Blönduhlíð og öðrum
bæ sem ég man ekki hver var. Ásta og
Bragi sluppu við að vera send í sveit.
127