Tímarit hjúkrunarfræðinga - 01.03.2003, Page 38

Fríða Proppé ræðir við Helga Benediktsson, hjúkrunarfræðing
hjá Heimahlynningu Krabbameinsfélags Islands
Líknarmeðferð er að
hlúa að lífinu
Þeir sem eru mest menntaðir eru lengst frá sjúklingunum.
Stefna sjúkrahúsanna er sú að sjúklingar dvelji æ skemur á
sjúkrahúsum. Sjúklingur er minna kvíðinn og spenntur
dvelji hann í heimahúsi og allar upplýsingar komast þar
betur til skila. Heimahlynning Krabbameinsfélags Islands
hefur reynst hagkvæm fyrir sjúklinginn, aðstandendur og
þjóðfélagið í heild og hún byggist á víðtæku samstarfi við
líknardeildir, sjúkrahús og heimaþjónustuna. Tilhneiging
mun verða í þá átt að þjónusta utan sjúkrastofnana aukist.
Líknarmeðferð er að hlúa að lífinu og er sérgrein bæði í
læknis- og hjúkrunarfræðum.
Þetta og margt fleira kemur fram f viðtalinu sem fer hér á
eftir við Helga Benediktsson, hjúkrunarfræðing hjá Heima-
hlynningu Krabbameinsfélagsins. Helgi útskrifaðist sem
hjúkrunarfræðingur frá Hjúkrunarslcóla Islands árið 1977.
Sérnámi í gjörgæsluhjúkrun lauk hann 1983 frá Nýja
hjúkrunarskólanum. Hann hefur starfað á handlæknis- og
lyflæknisdeildum hérlendis, í Noregi og Svíþjóð. Við gjör-
gæslu vann hann í tíu ár og sl. tíu ár við Heimahlynningu
Krabbameinsfélagsins.
36
„Hjúkrun og störf á spítala taka mið af hverjum tíma.
Hjúkrun fyrir 20 árum var til dæmis öðru vísi en hjúkrun
fyrir 50 árum. Ég hef ekki séð mælieininguna yfir hvað er
betra og hvað verra. Margt hefur áunnist, annað staðið í
stað“ sagði Helgi fyrst er við settumst niður í húsnæði
Heimhlynningar að ræða reynslu hans og viðhorf.
Við hófum viðtalið með spurningunni um, hvort hjúkrunar-
fræðingar væru hugsanlega að fjarlægjast sjúklingana og þá
sérstaklega á spítölunum. Helgi svaraði: „Ég hef starfað mik-
ið erlendis og séð það gerast, að þeir hjúkrunarfræðingar,
sem eru mest menntaðir, eru hvað lengst frá sjúklingunum.
Hraðinn á spítölunum er miklu meiri en áður og stefnan er
sú að sjúklingar dvelji eins stutt og hægt er á spítölunum.
Ymislegt varðandi umönnun fer því eflaust forgörðum vegna
tímaleysis, en það má ekki einblína á það." Jákvæðan þátt í
Timarit íslenskra hjukrunarfræöinga 1. tbl. 79. árg. 2003
Helgi Benediktsson, hjúkrunarfræðingur hjá Heimahlynningu
Krabbameinsfélags islands.
þessari þróun nefndi Helgi t.d. gífurlega fram-
þróun í aðgerðum og meðferð og þessi þróun
styttir stöðugt dvalartíma sjúklinga á spftölum.
Minnkar kvíöa og spennu
Að sögn Helga hófu hjúkrunarfræðingar starf-
rækslu Heimahlynningar K1 með líknandi með-
ferð í heimahúsum fyrir 15 árum. Starfsemin
er á þeirra eigin ábyrgð. „Við höfum því engan
annan til að agnúast út í,“ sagði Helgi um upp-
haf þjónustunnar og bætti við: „Þetta voru
straumhvörf að svo mörgu leyti. Sjúklingurinn
fékk tækifæri á að dvelja heima hjá sér í sínu
umhverfi og hafði að baki hjúkrunar- og lækn-
isþjónustu allan sólarhringinn. Spítalar eru ó-
persónulegir og kvíðvænlegir fyrir sjúklinginn
og aðstandendur og sjúklingar fara í fósturstell-
ingarnar við innlögn. Það minnkar kvíða og
spennu að vera á sínu heimili og þannig kom-
ast allar upplýsingar betur til skila, jafnt til
sjúklingsins og aðstandendanna. Með Heima-
hlynningunni fengust nýjar víddir. Sjúklingar-
nir geta verið heima og notið þar öryggis og það
hefur reynst hagkvæmt fyrir alla aðila, sjúkling-
inn, aðstandendur og þjóðfélagið."
Aðspurður hver munurinn væri fyrir hjúkrunar-
fræðinginn að vinna í heimahúsum miðað við
spítala, sagði Helgi m.a.: „Við að annast sjúkl-
ing í heimahúsi fást ýmsar nytsamlegar upplýs-
ingar með því að skoða nánasta umhverfi,
einnig næst betra samband og aukið traust á
milli sjúklingsins og fagaðila."