Frjáls verslun - 01.10.1946, Blaðsíða 40

Jóhannes Nordal, fyrrv. íshússtjóri, lézt 8. okt. s. I.
r. háum aldri.
Jóhannes var fæddur 8. apr. 1850 að Kirkjubæ í
Norðurárdal, A.-Hún., sonur hjónanna Guðmundar
Ólafssonar og Margrétar Jónsdóttur, er voru bæði hún-
vetnsk. Ungur missli Jóhannes föður sinn, en er hann
komst til fullorðinsára, vann hann um allmörg ár að
hústörfum hjá bróður sínum, Jónasi bónda á Eyjólfs-
stöðum í Vatnsdal, eða lil ársins 1887. Þá fór hann
til Vesturheims og slundaði fiskveiðar á Winnipeg-
vatni á sumrum en vann við íshús um vetur.
Árið 1894 kom Jóhannes heim aftur og gekk þá í
þjónustu ísfélagsins við Faxaflóa. Stóð hann fyrir
hyggingu fyrsta íshússins í Reykjavík og var forstjóri
þess alla stund síðan til ársins 1933. íshúsið var jafnan
við hann kennt og kallað „Nordalsíshús“. Var það
eitt þekktasta atvinnu- og verzlunarfyrirtæki bæjarins
um marga tugi ára, eða allt til þess er það var rifið
fvrir fáeinum árum. Þessi fyrsti íshúsrekstur mark-
aði tímamót í atvinnulífi höfuðstaðarins, með fryst-
ingu beitusíldar og matvæla.
Jóhannes Nordal var óvenju heilsteyptur maður,
greindur, starfssamur, viljafastur, glaðvær, trygglynd-
ur og hóglátur. Þessir mannkostir lians áunnu honum
óskoraðar vinsældir allra þeirra, sem höfðu af honum
náin kynni, og sennilega flestra viðskiptamanna sinna.
Hann var riddari Fálkaorðunnar og heiðursfélagi
Styrktar- og sjúkrasjóðs verzlunarmanna.
Jóhannes var ókvæntur en átti tvö börn: Sigurð
Nordal prófessor og frú Önnu, konu séra Ingólfs Þor-
valdssonar í Ólafsfirði.
Samúel Púlsson, fyrrv. kaupmaSur í Bíldudal, and-
aðist hér í Reykjavík 25. nóv. s. 1.
Samúel var fæddur 6. marz 1878 á Brennistöðum
í Borgarfirði. Foreldrar hans voru hjónin Páll Guð-
mundsson bóndi þar og Oddrún Sigurðardóttir. Hann
fluttist til Bíldudals árið 1901 og stundaði þar skó-
smíðar. Árið 1916 setti hann þar á stofn verzlun, sem
hann rak með hagsýni og atorku fram á síðasta ár,
er hann tók sig upp þaðan og settist að í höfuðstaðn-
um.
200
FRJÁLS VERZLUN