Morgunblaðið - 21.12.1976, Blaðsíða 17

MORGUNBLAÐIÐ, ÞRIÐJUDAGUR 21. DESEMBER 1976
17
veitinganefnd. Auk þess, og ekki
síður, tel ég ekki við eiga að þing-
menn séu að viðra hugsanlegar
breytingartillögur sínar við fjár-
lagafrumvarpið fyrirfram í blöð-
um.
MagnúsTorfi Ölafsson.
„1,5 milljarða
framlagi til
jámblendiverk-
smiðju betur varið
til annarra hluta”
Spurningin er illa orðuð. Fjár-
lög eru ekki afgreidd ennþá og
frumvarpið á eftir að taka mikl-
um breytingum; sumum vonandi
til bóta, þannig að of snemmt er
að fullyrða um endanlega gerð
fjárlaga. Fjölmörg atriði mætti
telja upp þar sem mjög áríðandi
er að þoka verklegum fram-
kvæmdum áleiðis. Hvað varðar
Norðurland vestra eru mjög brýn-
ar framkvæmdir í heilbrigðismál-
um og stærst verkefni á því sviði
er bygging heilsugæslustöðva á
Sauðárkróki og Blönduósi. Ég
legg mjög mikla áherzlu á að
verulegt fé fáist til framkvæmda
við graskögglaverksmiðjur í
Hólminum í Skagafirði og Saltvík
í Suður-Þingeyjarsýslu. Sveitaraf-
væðingin hefur orðið gjörsamlega
útundan í fjáraustri til orkumála
undanfarin ár, ég óttast að nægi-
leg úrbót fáist ekki þar.
Við Áburðarverksmiðjuna i
Gufunesi væri mjög hagkvæmt að
byggja nýja saltpétursýruverk-
smiðju, þannig að aðrar verk-
smiðjur þar mætti reka af fullum
afköstum og framleiða þar þann
köfnunarefnisáburð er við þurf-
um að nota og gæti þá áburðar-
verð lækkað. Þetta mál er á
ákvörðunarstigi og ég vona að það
hljóti farsæla afgreiðslu og láns-
fjáráætlun verði gerð í samræmi
við það.
Hvað varðar liði i frumvarpinu
sem mættu að skaðlausu lækka þá
eru þeir margir og gætu sumir
þeirra numið miklu hærri fjár-
hæðum en hér voru nefndar á
undan. Til járnblendiverksmiðju
á Grundartanga er áætloð hluta-
fjárframlag 680 milljónir, fjár-
magnsútgjöld 217 milljónir,
hafnarframkvæmdir á Grundar-
tanga 450 milljónir í hluta ríkis-
ins og 150 milljönir sem lán frá
ríki til sveitarfélaga vegna hluta
þeirra í höfninni. ÞessL verk-
smiðjuhugmynd er dæmalaus
endaleysa og getur aldrei orðið
annað en ráðleysis og vandræða-
framkvæmd, þess vegna eru
þarna 1,5 milljarðar sem betur
væri varið til annarra hluta.
Það er engin goðgá þó að
heildarupphæð skatta hækkaði,
vandamálið er einungis að dreifa
skattabyrðinni réttlátlega og
grundvallaratriði til lækningar á
okkar sjúka efnahagskerfi er að
taka alla skatta út úr vísitölunni
þannig að menn fái ekki skatta
sína strax endurgreidda í hækk-
uðu kaupi og velti þeim yfir á
atvinnurekstur og ríki, sem síðan
þarf sífellt hærri skatttekjur til
þess að greiða óbeint í hækkuðum
launum skattana, beina og
óbeina, sem innheimtir voru fyrir
skömmu. Þannig hleður óðaverð-
bólgan stöðugt utan á sig.
Tekjur verður ríkið að hafa og
réttmætt að þegnarnir standi
straum af ríkisrekstrinum jafnóð-
um, fremur en með erlendum lán-
tökum sem raunar eru komnar
langt úr hófi meðal annars vegna
óðagots og óspilunarsemi í sum-
um orkuframkvæmdum undan-
farin ár. Fjárlagagerðin er mjög
mikilvægt verkefni sem hefur
mikil áhrif á líf fólksins í landinu.
Við búum í félagslegu velferðar-
ríki og vil ég að svo verði áfram.
Við eigum mjög margt ógert i
verklegum framkvæmdum og á
sviði menningarmála, þess vegna
er sá söngur sem ónefnd þjóð-
félagsöfl hafa uppi haft nú í haust
um það að nauðsyn beri til að
draga sem allra mest úr samneyzl-
unni en auka einkaneysluna hlut-
fallslega bæði leiðinlegur og
hættulegur því að ef einkaneyzl-
an vex á kostnað samneyzlunnar
þá vex lífsaðstöðumunur fólksins
og þjóðfélag okkar verður rang-
látara.
Páll Pétursson.
„Samneyslan má
alls ekki minnka”
Morgunblaðið spyr, hvaða tvö
mál ég telji að brýnast sé að veita
fé til á fjárlögum næsta árs, sem
ekki er getið þar, og hver sé áætl-
aður kostnaður.
Á fundi í Sameinuðu þingi 26.
janúar s.l. lýsti félagsmálaráð-
herra, dr. Gunnar Thoroddsen,
því yfir að það væri ætlun ríkis-
stjórnarinnar að hlaupa undir
bagga með íbúum Presthóla,
öxarfjarðar og Kelduneshrepps
vegna jarðskjálftanna þar, með
svipuðum hætti og gert var af
hálfu ríkisvaldsins á árinu
1974—75 vegna tjóns þess, sem
varð af náttúruhamförum i Norð-
firði. Sama dag skipaði hann
nefnd til að kanna tjónið af völd-
um jarðskjálftanna og gera tillög-
ur um úrbætur.
Formaður þessarar nefndar ér
Hallgrímur Dalberg ráðuneytis-
stjóri. Um miðjan ágúst s.l. sendi
formaður nefndarinnar Fjárlaga-
og hagsýslustofnun bréf, þar sem
gerð .var glögg grein fyrir hver
fjárþörfin myndi verða af hendi
ríkisjóðs í sambandi við umrætt
tjón og yfirlýsingar ríkisstjórnar-
innar þar að lútandi. En þrátt
fyrir það, sem að framan greinir,
er engin tillaga finnanleg í fjár-
Iagafrumvarpinu um fjárveitingu
Framhald á bls. 32
Haraldur Sigurðsson, formaður
Stúdentafélags Hafnarfjarðar
AÐALFUNDUR Stúdentafélags Hafnar-
fjarðar var haldinn 1 2 des s.l.
Félagið var stofnað fyrir rúmu ári af
allmörgum fyrri nemendum skólans, í
tilefni þess að Flensborgarskóli útskrif-
aði stúdenta i fyrsta sinn vorið 1975.
Félagssvæði er Hafnarfjörður og nær-
liggjandi byggðarlög
Fyrsti formaður félagsins var Matthi-
as Á. Mathiesen en aðrir i stjórn voru
Vilhjálmur Skúlason. Bragi Guð-
mundsson, ■ Gunnar Linnet og Ásta
Lúðvíksdóttir.
Við skólaslit Flensborgarskóla i vor
efndi félagið til kvöldfagnaðar þar sem
nýstúdentum var fagnað og afmælis-
árgangar skólans hittust Ræðumaður
kvöldsins var Guðlaugur Þorvaldsson
háskólarektor. Er það von félagsmanna
að fagnaður sem þessi geti orðið árviss
atburður i félagslífinu
Á aðalfundinum baðst fráfarandi for-
maður eindregið undan endurkjöri og i
stað hans var Haraldur Sigurðsson
kosinn formaður Aðrir i stjórn eru
Vilhjálmur Skúlason, Bragi Guð-
mundsson, Helga Guðmundsdóttir og
Sólveig Axelsdóttir.
7/A
Eittódýrasta
gæðasettið
. á markadnum er frá
OrD PIOMŒGR

SA 5300 stereomagnari framleiddur á hagstæðu verði,
en samt sem áður útvarpstæki.
PL. 112 plötuspilari með
Ortofon hljóðdós (pick-up)
2 CS-313
hátalarar,
sem skila úrvals tón
Allt þetta fyrir
staðgreiðsluverð
aðeins kr. 128.300
Komið og hlustið
í nýrri hljómdeild

Hljómdeild

&

ABÆR
LAUGAVEGI 66, 1. HÆÐ
Simi frá skiptiborði 28155