Morgunblaðið - 26.08.1978, Blaðsíða 38

38
MORGUNBLAÐIÐ, LAUGARDAGUR 26. ÁGÚST 1978
• Hörður Hilmarsson lætur eins og hann sé heima hjá sér á ritstjórn
Mbl.
— OKKUR hefur alltaf gengið
mjög vel í leikjum okkar gegn
Skagamönnum. hvort sem leikið
er heima eða heiman, þess vegna
verður maður að vera bjartsýnn
um úrslitin, þrátt fyrir að búast
megi við harðri mótspyrnu frá
hendi ÍA, þeir eru að sjálfsögðu
orðnir langeygir eftir bikarsigri
eftir 8 mislukkaðar tilraunir —
sagði Hörður Hiimarsson hinn
hávaxni miðvallarspilari Vals-
manna í stutu spjalli við Mbl.
fyrir skömmu.
— Þetta verður annar úrslita-
leikurinn minn, ég lék með gegn
Fram í fyrra, er Valur vann 2—1
í barningsleik. Ég vil alls ekki
spá hver úrslitin verða að þessu
sinni, að öðru leyti en því, að
Valur verður bikarmeistari, það á
enginn í liðinu við meiðsl að
stríða, þannig að við teflum fram
okkar sterkasta liði —.
Að lokum lögðum við þá spurn-
ingu fyrir Hörð, hvort að liðsandi
og keppnisvilji Valsmanna hafi
ekki beðið hnekki við það að
tryggja sér sigurinn í deildinni
svona skömmu fyrir úrslitaleik-
inn, hvort ekki yrði erfitt að rífa
leikmennina upp úr sigurvím-
unni.
— Vissulega er það til í dæm-
inu, spennunni hefur létt gífur-
lega, við fengum á okkur markið,
við töpuðum stiginu, en unnum
samt titilinn nokkuð örugglega.
betta hefur verið erfitt sumar,
leikirnir hafa verið allt of tiðir og
við áttum okkar slöku daga cins
og aðrir. Heppnin var hins vegar
með okkur, svo það kom ekki að
sök.
„ÉG Á 3 SILFURPENINGA
- EN NÚ ER ÞAÐ GULLIÐ"
— ÉG á orðið þrjá silfurpeninga,
eftir þá þrjá úrslitaleiki, sem ég
hef tekið þátt í, sagði Karl
Þórðarson, þegar hann loksins
fannst eftir mikla leit um allan
Akranessbæ. Og hvar fannst
hann? Jú. um borð í ryðguðum
netabát niður við höfn. Karl, sem
er rafvirki, var að lappa upp á
rafkerfið í bátnum og virtist fara
verkið vel úr hendi — ekki siður
en þegar hann leikur sér með
knöttinn á fótboltavellinum.
— Ég er bjartsýnn og við
munum allir að sjálfsögðu gera
okkar besta — bætti Karl við eftir
að hafa boðið blm. upp í brú.
— Ef nokkuð, þá er það betra
fyrir okkur Skagamenn að leika í
Reykjavík, völlurinn er betri og
skemmtilegri, áhorfendur
jákvæðir og það skapar ákveðna og
skemmtilega stemmningu — Karl
lagði einnig áherslu á þann
ásetning Skagamanna að leggja
Valsara að velli bæði í bikarleikn-
þori um og deildarleiknum.
Spá um leikinn? — Nei, ég
ekki að spá, ég vona bara og trúi
því að sigurinn verði okkar — Það
þýddi ekkert fyrir blm. að pumpa
Karl frekar en Jón Áskelsson, það
virðist loða við Skagamenn að
hafa vaðið fyrir neðan sig og spá
engu, en vona bara hið besta.
Kannski það sé vegna vonbrigð-
anna sem fylgdu því að sjá á eftir
Islandsmeistaratitlinum að
Hlíðarenda í greipar Valsmanna.
• Karl Þórðarson, hinn leikni framherji IA, býður Blm. upp í brú
til frekara skrafs.
„LEIKURINN VINNST
MEÐ EINS MARKS MUN"
ALBERT Guðmundsson var að
vinna við húsasmíðar úti á
Eiðisgranda, þegar Mbl. truflaði
hann. — Leikurinn vinnst með
einu marki, ef ekki 1—0, þá 2—1
og það lið sem skorar fyrsta
markið mun sigra, það lið verður
auðvitað Valur — voru hans
fyrstu orð.
— Leikurinn leggst mjög vel í
mig og ég er mjög bjartsýnn, það
verður nefnilega enginn spenna á
okkur. Keppnistímabilið hefur
þegar heppnast ágætlega hjá
okkur, við erum íslandsmeistarar,
þó að við leikum auðvitað til sigurs
gegn IA, er enginn stórskaði
skeður þó að við töpum, við getum
samt verið ánægðir með okkar
hlut.
Ýmsir virðast telja, að Vals-
menn muni eiga erfitt að vinna
upp réttan anda, þar sem toppin-
um virðist vera náð með stiginu
sem þeir kræktu í gegn KA fyrir
skömmu og tryggði íslands-
meistaratitilinn. Við spurðum
Albert um hans álit.
— Það tel ég ekki, þvert á móti
erum við enn ákveðnari að vinna
einnig bikarinn, það er ávallt
sérstakt að vinna tvöfalt eins og
Valur gerði 1976 og vann þá
einmitt ÍA í úrslitaleiknum 3—0,
ég var með þá og þetta verður
þriðji úrslitaleikurinn sem ég tek
þátt í.
— Ég held að það breytti litlu
þó að leikurinn færi fram á
Akranesi eða annars staðar, okkur
hefur gengið vel gegn ÍA síðustu
árin og eins og ég segi, er öll
pressan á leikmönnum í A, þeir eru
í öðru sæti í íslandsmótinu og það
yrði þeim illbærilegt að vera með’
annað af tveimur yfirburðaliðum
landsins og vinna síðan ekki
nokkurn skapaðan hlut. — gg.
Albert Guðmundsson reisir fjölbýlishús.
„ALLTAF GENGIÐ VEL
GEGN SKAGAMÖNNUM"
UPPGJÖRIÐ
ÚRSLITALEIKURINN í bikarkeppni KSÍ er orðinn sá leikur á hverju keppnistímabili
knattspyrnumanna, sem flestir bíða eftir. Sérstök eftirvænting ríkir vegna leiksins á morgun kl. 14.00,
en þar iciða saman hesta slna þau tvö lið, sem í sumar hafa haft algjöra yfirburði í íslen/.kri knattspyrnu.
Fylgismenn liðanna trúa staðfastlega á sigur sinna manna, en ef litið er á töflur undanfarinna ára kemur
í Ijós að Val hefur vegnað betur í bikarkeppninni. Það segir þó ekki að Valur vinni á morgun, en ef
tölva sérfróð um knattspyrnu yrði mötuð á upplýsingum um Íiðin kæmist hún trúiega að þeirri niðurstöðu,
eítir að hafa legið undir feldi góða stund, að Valur hefði betur eftir snarpa og skemmtilega viðureign.
Bæði lið stilla upp sínum sterkustu liðum og bæði Ingi Björn Albertsson. fyrirliði Vals, og Jón Áskeisson,
fyrirliði ÍA. eiga sér þá ósk örugglega heitasta að taka við hikarnum að leik loknum úr hendi heiðursgests
KSÍ á leiknum, Einari Ágútssyni, utanrikisráðherra. Valsmenn mæta til leiksins sem nýbakaðir
íslandsmeistarar og bikarmeistarar í tvö síðastliðin ár. Reyndar hafa Valsmenn ekki tapað bikarleik síðan
1975 að þeir töpuðu 0*1 fyrir ÍA.
Akurnesingar hafa harma að hefna. Þcir töpuðu fyrir Val á Akranesi í fyrri leik liðanna í íslandsmótinu
og þeir hafa átta sinnum orðið að þoia tap í úrsiitaleik bikarkeppni. í þessum leik hafa Skagamenn allt
að vinna, engu að tapa. Valsmenn hafa hins vegar þegar sigrað f einni keppni á árinu, en vilja og ætla
sér örugglega tvöfaldan sigur í íslenzkri knattspyrnu í ár.
- áij.
Sigurður Ilaraldsson 1
Guðmundur Kjartansson 2
Grímur Sæmundsen 3
Sævar Jónsson 4
Dýri Guðmundsson 5
Hörður Hilmarsson 6
Ingi Björn Albertsson 7
Atli Eðvaldsson 8
Albert Guðmundsson 9
Jón Einarsson 11
Guðmundur Áskelsson 12
Magnús Bergs 13
iMagni Pétursson 14
Vilhjálmur Kjartansson 15
Ilálfdán örlygsson 16
Gyala Nemes Þjálfari
Jón Þorbjörnsson
Guðjón Þórðarson
Kristinn Björnsson
Jóhannes Guðjónsson
Jón Gunnlaugsson
Jón Áskelsson
Karl Þórðarson
Jón Alfreðsson
Matthías Ilallgrímsson
Árni Sveinsson
Ilörður Helgason
Andrés óiafsson
Sveinbjörn Ilákonarson
Ástvaldur Jóhannsson
Sigurður Halldórsson
George Kirby
r,Eg er að sjálfsögðu
bjartsýnn á sigur ÍA'
„LEIKURINN leggst vel í mig og
ég er bjartsýnn á að við vinnum
sigur“ sagði Jón Áskelsson,
fyrirliði Skagamanna, er hann
var kominn niður á jörðina, en
hann hékk utan í nýrri blokk við
einhverja iðju sem erfitt var að
sjá hver var, er blm. tókst loks að
hafa uppi á honum.
— Ég var varamaður þegar
Skagamenn léku síðast til úrslita
í bikarnum og kom ekki inn á. Mér
þykir auðvitað kominn tími til að
ÍA vinni bikarinn. Og við ætlum
einnig að leggja Valsmenn að velli
í deildarleiknum sem eftir er, það
þýðir ekkert að láta þá komast upp
með að leika heilt tímabil tap-
lausa.
Blm. spurði þá hvort einhverjir
í liðinu ættu við meiðsli að stríða
og hvort það myndi há Skaga-
mönnum að leikið skyldi í bænum.
— Eins og er, eru allir frískir og
við mætum með okkar sterkasta
lið svo fremi sem ekkert óvænt
gerist og ég tel það ekki munu há
okkur hið minnsta þó að leikurinn
fari fram í Reykjavík, við eigum
þar marga stuðningsrnenn og
fjöldi manns fylgir okkur suður.
Svo var Jón auðvitað beðinn um
að spá um úrslit leiksins, en hann
svaraði þá — „Þú færð enga tölu
upp úr mér karl minn“ — og er
blm. reyndi að pumpa hann hertist
hann aðeins í afstöðu sinni. Létum
við því þetta gott heita og slitum
talinu. — 88-
• Jón Áskelsson, fyrirliði IA, kominn niður á jörðina.
(Ljósmyndiri — gg.)