Morgunblaðið - 09.12.1978, Qupperneq 33

MORGUNBLAÐIÐ, LAUGARDAGUR 9. DESEMBER 1978
33
Fella- og
Hólasókn
Aðventukvöld verður í
safnaðarheimilinu að
Keilufelli 1 á sunnudags-
kvöld kl. 20.30. Séra Lárus
Halldórsson flytur erindi,
frú Guðbjörg Halldórsdótt-
ir les upp og kirkjukór
Fella- og Hólasóknar syng-
ur undir stjórn Guðnýjar
Magnúsdóttur.
Jörgen-Frantz Jacobsen:
Dýrmæta líf
Bók þessi er úrval af sendibréf-
um sem færeyski rithöfundurinn
Jörgen-Frantz Jakobsen
(1900 — 38) ritaði á löngu ára-
skeiði vini sfnum og landa,
skáldinu William Ileinesen. Segir
höfundurinn hispurslaust og af
óvenjulegri bersögli frá sálarlífi
sínu í baráttunni við banamein
sitt, svo og frjórri lífsnautn sinni,
en sér í lagi óstýrilátum ástum
sínum og „Barböru“, og gerir
grein fyrir hrifnæmri aðdáun á
uppruna og átthögum. margþætt-
um skoðunum og listrænum
viðhorfum.
Jörgen-Frantz Jacobsen er víð-
kunnur fyrir hina sérstæðu skáld-
sögu Barböru (Far, veröld, þinn
veg) sem hann samdi á dönsku og
kom út að honum látnum. Hafði
hann samtíðarfólk að fyrirmynd-
um margra persóna hennar og
lýsir m.a. sjálfum sér í dulargervi
séra Páls og fjöllyndri æskuunn-
ustu sinni sem Barböru. Jörgen-
Frantz Jacobsen kom hingað til
Islands, ritaði greinar um íslensk
efni og var nákunnugur mönnum
og málefnum hér. Aðalsteinn
Sigmundsson kennari þýddi tvær
bækur hans á íslensku, skáldsög-
una Barböru og ritið Færeyjar,
land og þjóð.
William Heinesen tók saman og
bjó til prentunar bréfin í Dýrmæta
lífi, en Hjálmar Ólafsson mennta-
skólakennari íslenskaði bókina.
Hún er 121 blaðsíða að stærð,
prentuð í Odda. Bókin er prýdd
nokkrum ljósmyndum.
r
Islenzkar
úrvals-
greinar III
BÓK þessi er 3. bindi greina-
safnsins sem Bjarni Vilhjálmsson
þjóðskjalavörður og Finnbogi
Guðmundsson landsbókavörður
hafa valið. Flytur hún 24 greinar
frá 19. öld. Er þeim raðað eftir
aldri og um röð sumra fremur
farið eftir því hvenær þær voru
ritaðar eða fluttar en birtinga-
tíma þeirra á prenti.
Höfundar ritsmíðanna í íslenzk-
um úrvalsgreinum III eru.Magnús
Stephensen, Jóhanna Briem, Jónas
Hallgrímsson, Sigurður Breið-
fjörð, Konráð Gíslason, Tómas
Sæmundsson Jón Hjaltalín, Jón
Sigurðsson, Gísli Brynjólfsson,
Sveinbjörn Hallgrímsson, Svein-
björn Egilsson, Jón Árnason,
Arnljótur Ólafsson, Guðbrandur
Vigfússon, Benedikt Gröndal, Páll
Melsteð, Jón Ólafsson, Grímur
Thomsen, Steingrímur Thorsteins-
son, Gestur Pálsson, Vilhelm H.
Pálsson, Bríet Bjarnhéðinsdóttir,
Valtýr Guðmundsson og Einar
Benediktsson.
Um tilurðartíma greinanna
segja útgefendur í formála: „19.
öldin er heillandi tímabil í sögu
íslenzkrar tungu og bókmennta.
Þjóðin vaknar þá til nýs skilnings
á hlutverki sínu og rétti og þeim
fjölgar óðum, er kveðja sér hljóðs
og hvetja hana til dáða á hreim-
miklu og hrífandi máli.“
Fjögur
innbrot á
Akranesi
TVEIR piltar, 14 og 15 ára,
brutust inn á fjórum stöðum á
Akranesi á þriðjudags- og mið-
vikudagskvöld. Stálu þeir sam-
tals um tvö þúsund krónum og
ollu einhverjum skemmdum. Þeir
voru handteknir á fimmtudag og
játuðu strax.
Á þriðjudagskvöld brutust pilt-
arnir inn í barnaskólann og stálu
þar um tvö þúsund krónum.
Kvöldið eftir brutust þeir inn á
skrifstofu Hafarnarins hf., verk-
stjóraherbergi hjá niðursuðu Har-
aldar Böðvarssonar & Co og í
beitiskúra Heimaskaga. Ekkert
fémætt fundu þeir á þessum
stöðum.
Philips kann tökin
á tækninni - Næg bílastæöi í Sætúni 8
heimilistæki sf
HAFNARSTR/ETI 3 — 20455 — SÆTÚN 8 — 15655