Morgunblaðið - 30.10.1979, Blaðsíða 11
MORGUNBLAÐIÐ, ÞRIÐJUDAGUR 30. OKTÓBER 1979
11
Flóttamenn i Thailandi.
Engir kettir
Á sama hátt eru engir kettir og
hundar í landinu. Þetta eru smá
ýkjur — ég sá einn í Phnom Penh
og einn varðhund hjá landstjóran-
um í Seam Riep. Og á sama hátt
var þetta vegna þess að Pol Pot
drap þá sem lið í tilraunum sínum
til að njósna um íbúana.
Uppljóstrarar í þorpunum voru
látnir hlusta á samtöl fólksins á
kvöldin — það var ólöglegt á
dögum Pol Pot stjórnarinnar að
loka dyrum og gluggum að nætur-
lagi að viðlagðri dauðarefsingu.
Fólk settist á hækjur sinar við
húsin, hlustaði á samræður og
sagði frá þeim til að koma sér í
mjúkinn hjá her Pol Pots. Hundar
og kettir hefðu truflað slíka upp-
ljóstrara og njósnara, svo að þeim
var útrýmt.
Heildarmyndin sem maður fær
er að þjóðfélagsbyggingin hefur
öll verið lögð í rúst. Eg get bent á
örfá atriði til að sýna ykkur þetta.
Fyrir rúmri viku ók ég um 60 til
70 mílna vegalengd frá Phnom
Penh eftir Þjóðvegi I áleiðis til Ho
Chi Minh borgar (Saigon). Þetta
var langur og beinn vegur og
meðfram honum höfðu verið gróð-
ursett tré fyrir um 30 til 40 árum
og þau hafa náð talsverðri hæð.
Þau höfðu verið gróðursett til þess
að verkamenn á hrísgrjónaekrun-
um sem liggja að veginum gætu
verið í forsælu.
Nú eru öll þessi tré með aðeins
þremur undantekningum naktar,
dauðar beinagrindur. Pol Pot
hafði hoggið hringi í þau — og sjá
mátti merki eftir axir á
trjáberkinum. Þetta er aðferðin til
að drepa þroskuð tré. Þetta var
gert vegna þess að fólki var skipað
í tíð Pol Pots að vinna á ökrunum
frá kl. 4 f.h. til hádegis og síðan
aftur frá kl. 1 e.h. til 10 e.h.
Iðjuleysi
Hann var þeirrar skoðunar að
fólk þyrfti ekki forsæluna — það
var merki um iðjuleysi og leti —
og að þess vegna ætti ekki að veita
forsælu.
Ibúarnir sem heild eru greini-
lega í hættu og þeim stafar mikil
hætta af vannæringu og þeim
sjúkdómum sem leiða af vannær-
ingu allt fram í ágúst á næsta ári.
Að okkar dómi er riflega áætlað
að segja að uppskeran í janúar
verði 20% miðað við meðalupp-
skeru. Aðrar stofnanir segja á
grundvelli eftirlits frá gervihnött-
um að þessi tala sé aðeins 5 til 10
af hundraði.
Þegar ég fór frá Kambódiu nam
heildaraðstoð Vesturlanda næstu
níu mánuði á undan meðan á
þessum ósköpum stóð 200 lestum
matvæla. Ég fæ ekki séð hvernig
nokkur okkar getur verið stoltur
af svona ástandi.“
íslenzka kennd
við 126 háskóla
Handbók fyrir kjörræðismenn Islands
Utanríkisráðuneytið heíur nýverið gefið út handbók fyrir kjörræðis-
menn íslands erlendis. Pétur Thorsteinsson sendiherra tók saman bókina.
sem er 392 blaðsíður. rituð á ensku og heitir á því máli „Manual for
Consuls of Iceland."
I formála segir, að bókin geymi
almennar reglur um störf kjörræð-
ismanna Islands og leiðbeiningar um
framkvæmd þeirra. í þremur köflum
sé fjallað um alþjóðasamþykktir
varðandi störf ræðismanna, fram-
kvæmd þeirra og sérréttindi ræð-
ismanna. Þá sé í stuttum kafla
greint frá ræðismönnum erlendra
ríkja á Islandi og loks sé þrír kaflar
um íslensk málefni og mál tengd
íslandi. Meginefni bókarinnar fylgir
21 viðauki, þ.e. lagatextar, samning-
ar o.fl. og loks hefur handbókin að
geyma fyrirmyndir að ýmiss konar
skjölum, sem snerta störf kjörræð-
ismanna.
ísland hefur stjórnmálasamband
við 62 ríki og þar að auki ræðissam-
band við 10 ríki. Ræðisskrifstofur
eru í um 150 borgum í 50 löndum
víðs vegar um heiminn. Sendiráð
Islands eru hins vegar í 9 höfuðborg-
um auk sendisveitanna hjá Samein-
uðu þjóðunum og EFTA í New York
og Genf. I handbókinni segir, að
Island sé eitt fárra ríkja, sem hafi
langtum fleiri kjörræðismenn en
ræðismenn, sem hljóti laun fyrir
störf sín. Raunar hafi ísland aðeins
einn slíkan launaðan ræðismann,
alræðismanninn í New York.
Meðal þeirra fjölþættu upplýsinga
um land og þjóð, sem handbókin
hefur að geyma, er skrá yfir þá
háskóla, sem vitað er að hafa
íslensku á kennsluskrá sinni. Sám-
kvæmt skránni er íslenska, bæði
nútímamálið og fornmálið, kennt í
a.m.k. 126 háskólum. Meirihluti
skólanna hefur þó aðeins fornmálið
á námsskrá sinni. Hægt er að læra
íslensku í 22 háskólum á Bretlands-
eyjum og 25 háskólum í Bandaríkj-
unum. 10 háskólar í Vestur-Þýska-
landi kenna íslensku, 7 í Kanada og 4
í Ástralíu.
Handbókin er gefin út í góðu
bandi og í henni eru litprentuð kort
og litmyndir af íslenska fánanum og
skjaldarmerkinu. Bókin verður ekki
fánleg á almennum markaði, en
þeim sem áhuga hafa á að eignast
hana, er bent á að snúa sér beint til
útgefanda, utanríkisráðuneytisins.
Vitni vantar
Mánudaginn, 22. okt. var til- '
kynnt að ekið hefði verið á bifr.
R-64792, sem er Trabant, ljós-
grænn, við Hraunbæ 81. Vinstra
afturaurbretti er skemmt á bifr.
Átti sér stað frá kl. 23.00 þann
21.10 tii kl. 13.00 þann 22.10. Grár
litur er í skemmdinni.
Mánudaginn 22. okt. var ekið á
bifreiðina G-11628, sem er Fíat
127, grænn á lit, á Túngötu við
Landakotsspítalann á milli kl.
14.45 til 14.50. Vinstri framhurð er
skemmd. Rauðbrúnn litur er í
skemmdinni.
Þriðjudaginn 23. okt. var til-
kynnt að ekið hefði verið utan í
bifr. Ö-5295, sem er Austin Mini,
rauður á lit, við K.R.-heimilið við
Kapiaskjólsveg. Vinstri hurð er
skemmd á bifreiðinni.
Miðvikudaginn 24. okt. var ekið
á bifreiðina R-28207, sem er Sun-
beam, gulsanseraður á lit, á bifr.
stæði á horni Vonarstrætis og
Tjarnargötu. Kom á bifreiðina frá
kl. 07.45 til kl. 11.10 þennan dag.
Bifreiðin sneri að Vonarstræti.
Hægri framhurð er skemmd og er
blá málning í skemmdinni.
Miðvikudaginn 24. okt. var til-
kynnt, að ekið hefði verið á bifr.
R-44359, sem er Volvo, rauð á lit, á
Hótel íslandsplani þann 23. okt.
Átti sér stað frá kl. 11.30 til 12.30.
Hægra framaurbretti er skemmt.
Lítilsháttar gult lakk er í
skemmdinni og er skemmdin
sennilega eftir jeppabifr.
þusund kronur.
K Tilþinnar
ráðstofunar eftir 3 mánuði.
Dæmi um nokkmvatosti af mörgum sem bjóöast.
SPARNAÐAR- TÍMABIL DÆMIUM MÁNAÐARLEGA INNBORGUN SPARNAÐUR í LOK TÍMABILS IÐNAÐARBANKINN LÁNARÞÉR RÁÐSTÖFUNAR- FÉ MEÐ VÖXTUM MANADARLEG ENDURGREIÐSLA ENDURGR. TÍMABIL
3 30.000 90.000 90.000 182.650 31.515 3
70.000 210.000 210.000 425.850 73.536
man. 100.000 300.000 300.000 609.000 105.051 man.
40.000 240.000 240.000 495.000 43.579
70.000 420.000 420.000 866.375 76.264
liiáii. 100.000 600.000 600.000 1.238.350 108.948 man.
12 50.000 600.000 600.000 1.272.750 58.510 12
70.000 840.000 840.000 1.781.950 81.914
máii. 100.000 1.200.000 1.200.000 2.545.500 117.020 man.
Gerum ekki einfalt dæmi flókið:
Það býður enginn annar IB-lán.
Bankfþeiira sem hyggja aó framtiöinni
Iðnaðaitankinn
Aóalbariki og útíbú