Morgunblaðið - 30.10.1979, Blaðsíða 23

MORGUNBLAÐIÐ, ÞRIÐJUDAGUR 30. OKTÓBER 1979
31
Frá vinstri. Alfreð Guðmundsson, Davíð Oddsson, Sjöfn Sigurbjörnsdóttir, Þorkell Valdintarsson,
Þóra Kristjánsdóttir og Þorgerður Ingólfsdóttir við móttöku málverksins.
Reykjavíkurborg f ær
málverk eftir K jarval
Þorkell Valdimarsson hefur gefið Reykjavíkurborg olíumálverk eftir Jóhannes Sveinsson Kjarval.
Myndin sýnir Dyrfjöll. Málverkið var afhent stjórn Kjarvalsstaða á 94. afmælisdegi Kjarvals 15. október
síðast liðinn, til varanlegrar varðveislu að Kjarvalsstöðum og sýningar þar eftir ákvörðun stjórnar og
listráðunauta Kjarvalsstaða, eins og segir í gjafarbréfinu.
Afturhvarf til verndar
stefnu og viðskiptahafta
Þorláks-
hafnarbúar
leggja upp
í leikför
LEIKFÉLAG Þorlákshafnar er
um þessar mundir að leggja i
leikför um Suðurland með leikrit-
ið Grenið eftir Kjartan Heiðberg,
leikstjóri er Eyvindur Erlends-
son.
Laugardaginn 3. nóvember
verður sýnt í Leikskálanum í Vík í
Mýrdal, sunnudaginn 4. nóvember
klukkan 14 í Gunnarshólma í
Landeyjum, og um kvöldið í Hellu-
bíói á Hellu á Rangárvöllum.
Laugardaginn 10. nóvember verð-
ur sýnt í Vestmannaeyjum, og
hinn 17. nóvember verður sýnt í
Félagsheimilinu á Seltjarnarnesi.
Einnig er í bígerð að sýna á
Selfossi, en ákvörðun um sýn-
ingardag hefur ekki verið tekin.
Grenið hefur nú verið sýnt
fimm sinnum í Þorlákshöfn við
mjög góða aðsókn, og lætur nærri
að helmingur þorpsbúa hafi nú séð
leikritið. Að lokinni leikförinni er
síðan áætlað að hafa eina sýningu
í heimabyggðinni á ný.
Barney Dawson aðalpersóna
kvikmyndarinnar „Hrakförin“.
Ævintýra-
mynd í
Stjörnubíói
STJÖRNUBÍÓ hefur í dag sýn-
ingar á bandarísku ævintýra-
kvikmyndinni „Hrakförin““.
Handritið er eftir Colin Drake,
framleiðendur eru John Williams
og David S. Waddington sem
jafnframt er leikstjóri. Tónlistin
við myndina er eftir Tommy
Tycho.
Með aðalhlutverkin fara Sean
Kramer, Brett Maxworthy, Lionel
Long, Jack Alleb og Spike Milli-
gan.
Myndin greinir frá ungum
dreng, Barney Dawson, sem ætlar
til föður síns sem vinnur við
námur í Ballarat í Ástralíu. Barn-
ey tekur sér far með skipinu Lady
Jane sem ferst við ströndina í
fárviðri. Barney bjargast og á
ströndinni hittir hann Rafe Dugg-
an sem er afbrotamaður og hafði
verið fangi á skipinu. í leit að
föður Barneys komast þeir Rafe
og Barney í margar hættur og
undir lok myndarinnar virðist sem
þeir félagar verði að lúta í lægra
haldi fyrir óvinum.
adalumræduefni
á fundi þing-
mannanefnd-
ar EFTA
AÐALUMRÆÐUEFNI á
fundi þingmannanefndar
EFTA, Fríverzlunarsam-
taka Evrópu, í síðustu
viku, var tilhneiging til að
hverfa aftur til verndar-
stefnu og viðskiptahafta í
milliríkjaviðskiptum.
Nefndin komst að þeirri niður-
stöðu, að öflugs þrýstings í átt til
verndarstefnu hefði gætt á því
tímabili lítils hagvaxtar, mikillar
verðbólgu, gengissveiflna og vax-
andi atvinnuleysis, sem staðið
hefur frá 1973. Ríkisstjórnir hafa
gripið til ýmissa aðgerða, sem
aflaga viðskiptakjör, en samt hef-
ur ekki átt sér stað neitt meiri
háttar hrap niður í almennar
verndaraðgerðir.
Þingmannanefndin var sam-
mála um að í verndaraðgerðum er
enga Iausn að finna á vandamál-
um sem uppi eru í heimsviðskipt-
um. Verndaraðgerðir hafa í för
með sér þegar frá líður sóun
verðmæta, þær magna verðbólgu,
stöðva eða tefja nauðsynlegar
kerfisbreytingar og aðlögun og
fækka atvinnumöguleikum frekar
en fjölga þeim.
þar að auki bera verndaraðgerð-
ir ætíð í sér hættu á gagnráðstöf-
unum, og þingmannanefndin taldi
ástæðu til að rifja upp, hversu
verndaraðgerðir og verndarstefn-
an magnaði heimskr-eppuna á
fjórða áratug aldarinnar og dró
hana á langinn.
Nefndin fagnaði undirritun
marghliða fríverzlunarsamkomu-
lags milli EFTA-landanna og
Spánar, bæði sem vitnisburði um
ásetning ríkisstjórna að vinna
áfram að afnámi viðskiptahafta
og sem þýðingarmiklu skrefi til að
færa evrópska fríverzlunarkerfið
út til enn einnar evrópskrar lýð-
ræðisþjóðar. Nefndarmenn skipt-
ust á upplýsingum varðandi full-
gildingu í þjóðþingum ríkjanna og
létu í ljós von um að samkomulag-
ið kæmi til framkvæmda 1. janúar
1980.
Þá fjallaði nefndin um mögu-
leika á óformlegu sambandi við
þing Efnahagsbandalagsins, EBE.
Hún lét í ljós ánægju með viðleitni
sameiginlegrar nefndar EFTA og
Júgóslavíu til að koma á iðnaðar-
samvinnu milli fyrirtækja í
EFTA-löndum og Júgóslavíu.
r
Islenzka
grafíkin
veigamest
- segir gagnrýnandi
Politiken
NORRÆNA grafíksam-
bandið hélt nýlega sýn-
ingu í Nikolajkirkju í
Kaupmannahöfn. Hefur
sýningin fengið lofsam-
lega dóma í dönskum blöð-
um, þótt fundið sé að því
hve yfirgripsmikil hún er,
en sýndar voru næstum
300 grafíkmyndir frá öll-
um Norðurlöndunum.
Bertel Engelstoft, myndlist-
argagnrýnandi Politiken, hæl-
ir mjög framlagi íslenzkra
grafíklistamanna og segir
meðal annars: „í fljótu bragði
verður ekki annað séð en hin
íslenzka deild sýningarinnar
sé hin veigamesta. Ætimyndir
Jennýjar E. Guðmundsdóttur
af klæðisplöggum á herðatré
eru markvissar og afdráttar-
lausar. Ætimyndir Eddu Jóns-
dóttur af blómablöðum eru
prýðilegar abstraksjónir og
Valgerður Bergsdóttir sýnir
fjaðrir og fuglavængi á hug-
myndaríkan hátt. Súrrealísk-
ar myndir Ragnheiðar Jóns-
dóttur bera vott um dirfsku og
ógnvekjandi eru abstraksjónir
Bjargar Jónsdóttur, þar sem
fyrirmyndin er sótt í svefnbæi
nútímans."
Renault 5
í rallkeppni sem haldin var helgina 20.-21. okt. sl. á vegum BÍKR og Bandag,
sigraöi Renault 5 Alpine. Keppnin var mjög erfiö, og sýndi Renault 5
hversufrábærlegatrausturogöruggur hann er.
í könnun hins virta þýska bílarits Auto Motor und Sport, reyndust þrír sparneytnustu
bensínbílar heims vera:
1. Renault 4 GTL. 2. Citroen 2 CV. 3. Renault 5 GTL.
Það er engin furða, að hinn aflmikli, mjúki og eyðslugranni Renault 5 sé mest selda
gerð franskra bíla, því margur er knár, þó hann sé smár.
Renault skrefi á undan.
KRISTINN GUÐNASON HF.
SUÐURLANDSBRAUT 20, SÍMI 86633