Morgunblaðið - 16.02.1980, Blaðsíða 25

MORGUNBLAÐIÐ, LAUGARDAGUR 16. FEBRÚAR 1980
25
Atriði úr einum af þremur þáttum um Meistara Jakob sem
Leikbrúðuland mun sýna á næstunni.
Leikbrúðuland:
Meistari Jakob
kominn á kreik
ÞRÍR þættir um Meistara Jak-
ob verða sýndir í Leikbrúðu-
landi á næstunni. Þeir heita:
Meistari Jakob bakar, Meist-
ari Jakob gerist barnfóstra og
Meistari Jakob og afmælistert-
an.
Fyrsta sýningin verður á
morgun, sunnudaginn 17. febr-
úar, á Fríkirkjuvegi 11, kl. 3.
Síðan verða sýningar 3 næstu
sunnudaga á sama tíma.
Meistari Jakob bakar var
fyrsta leikritið sem Leikbrúðu-
land setti upp á Fríkirkjuvegi
11 fyrir 7 árum. Meistari Jakob
gerist barnfóstra var sýnt árið
eftir. Meistari Jakob og afmæl-
istertan er nú sýnt í fyrsta sinn
í Reykjavík.
Finnskir tónlistarmenn
í Norræna húsinu
Fiðluleikarinn Seppo Tukiainen
og píanóleikarinn Tapani Valsta
halda tónleika i Norræna húsinu
þriðjudaginn 19. febrúar nk.
Seppo Tukiainen er fæddur 1939,
Seppo Tukiainen
nam við Sibeliusarakademíuna í
Helsingfors og síðar erlendis t.d. í
París hjá Chr. Ferras. Hann hélt
sína fyrstu tónleika 1965, og hefur
síðan leikið einleik á tónleikum í
Finnlandi, Svíþjóð, Danmörku,
Frakklandi og í Bandaríkjunum
og unnið til margra verðlauna í
tónlistarkeppnum.
Tapani Valsta er fæddur 1921,
hiaut menntun í píanó- og orgel-
leik í Finnlandi og Frakklandi,
varð dómorganisti í Helsingfors
1956 og frá 1967 hefur hann verið
prófessor við Sibeliusarakademí-
una. Hann hefur farið í tónleika-
ferðir bæði sem píanó- og orgel-
leikari í Vestur-Evrópu og Sovét-
ríkjunum, og hann er þekktur sem
framúrskarandi kammertónlistar-
maður.
Á efnisskrá listamannanna
verða verk eftir Brahms (Sónata í
d-moll), Debussy (Sónata), Wien-
iawski, Jonas Kokkonen og Aulis
Sallinen, sem hlaut tónlistarverð-
laun Norðurlandaráðs 1978.
Tæpar 70
millj. hafa
safnast í
Sundlaugar-
sjóðinn
GJAFIR í Sundlaugarsjóð Sjálfs-
bjargar nema nú 67.235.000 krón-
um. Laugin er nú fokheld og er
kostnaðurinn þegar kominn upp í
90 milljónir.
Á síðasta ári gengust Hjálpar-
stofnun kirkjunnar og Lions-
klúbbarnir fyrir söfnun í sund-
laugarsjóðinn. Árangurinn af
þeirri söfnun nam 30 milljónum
króna.
SJÓNVARPSBUDIN
Sjötugur:
Guðjón Sigurðsson
múrarameistari
Hann valdi sér múrverkið að
ævistarfi, og ekki verður annað
sagt en að hann hafi átt erindi inn
á þann starfsvettvang. Mörg eru
þau húsin hér í höfuðborginni,
sem hann hefur reist, og öll bera
þau meistara sínum hið fegursta
vitni. Enginn hefur nokkurn tíma
verið svikinn af verkum Guðjóns,
því að þekktur er hann af vand-
virkni, hagleik og heiðarleik.
Um hágleik Guðjóns mætti
margt skrifa. Fyrir utan sína
eiginlegu iðn er hann liðtækur við
margt annað. Hagleikur hans á
tré og járn er frábær, og er það
hreint með ólíkindum hverju Guð-
jón getur komið í lag um hluti,
sem aðrir myndu hvorki hafa
nennu né útsjón til að glíma við.
Iðjulaus hefur því Guðjón aldrei
verið um dagana, og hefur margur
skilað minna ævistarfi en hann.
Guðjón fæddist hér í Reykjavík
16. feþrúar 1910. Foreldrar hans
voru hjónin Sigurður Sigurðsson,
verkamaður og steinsmiður, og
Ólafía Jónsdóttir. Voru þau bæði
ættuð úr Rangárþingi. Rætur ætt-
anna lágu þó sumar hverjar
lengra austur, því meðal forfeðr-
anna voru fjölskyldur, sem misst
höfðu allt sitt undir hraun og ösku
í Skaftáreldum og leituðu sér þá
athvarfs vestan sands og jökla. í
þessum ættum hafa margir
kjarnakvistir verið, einstaklingar
kunnir fyrir hagleik og fjölþættar
gáfur.
Ekki var Guðjón alinn upp við
auð og munað. Fór hann snemma
að vinna og var um tíma í sveit á
ágætu heimili í Borgarfirði. Sú
dvöl hefur e.t.v. átt sinn þátt í að
efla ást Guðjóns á náttúru, fegurð
hennar og sérkennum. Hefur hann
alla tíð haft mikið yndi af að
ferðast um landið og kynna sér
sögu og sérkenni mannlífs g
byggða.
Kona Guðjóns er Margrét
Gunnarsdóttir frá Vestmannaeyj-
um, ættuð úr Árness- og Rangár-
vallasýslum. Er Margrét greind
kona og gjörvuleg eins og hún á
kyn til. Eignuðust þau hjónin
fjögur börn, en þau eru: Auður,
kennari, gift séra Kristjáni Rób-
ertssyni fríkirkjupresti, Unnur,
ballettdansari í Svíþjóð, Bergljót,
húsfreyja í Reykjavík, gift Jó-
hannesi Eiríkssyni prentara, og
Bragi múrarameistari á Egils-
stöðum, kvæntur Sigrúnu Bene-
diktsdóttur.
Heimili Guðjóns og Margrétar
hefur lengst af verið að Reykja-
hlíð 12. Hafa þau hjónin verið
þekkt fyrir gestrisni og rausnar-
brag. Ber heimili þeirra þess vott,
að þau eru bæði unnendur fróð-
leiks, góðra bóka og fagurra lista.
Um langt skeið var Guðjón
virkur í félagsmálum, bæði innan
félagasamtaka múrara og Oddfell-
ow-reglunni. Þá hafa þau hjónln
ávallt verið tryggir meðlimir Frí-
kirkjusafnaðarins í Reykjavík.
Á seinni árum hefur Guðjón
dregið saman seglin í atvinnu-
rekstri og umsvifum. Hafði hann
þegar skilað góðu verki, enda ekki
vanur að hlífa sér meðan hann var
upp á sitt besta. En þó að Guðjón
sé nú orðinn sjötugur fer því fjarri
að hann beri áratöluna utan á sér.
Enn er hann unglegur í yfirbragði,
léttur á fæti og kvikur i hreyfing-
um. Áhugi hans á mannlífi og
málefnum er enn lifandi. Hugðar-
efni á hann mörg. í góðar bækur
sækir hann margan fróðleik. Skák
stundar hann með góðum vinum
af talsverðri íþrótt. Þá leikur
hann einnig á ýmis hljóðfæri, og
hefur það veitt honum marga
ánægjustund. Ýmis eru þau verk-
efni önnur, sem Guðjón er fundvís
á, meðal annars það að gera
öðrum greiða. Hjálpsamari maður
en Guðjón Sigurðsson er vand-
fundinn.
Ættingjar og vinir Guðjóns
óska honum og konu hans allra
heilla á þessum merku tímamót-
um. Mættum við öll enn um langa
hríð njóta samvista þeirra og
ánægjustunda á þeirra ágæta
heimili.
Tengdasonur.
Nemendafélag Fósturskóla íslands:
Tvískinnungur
í innra starfi
dagvistarheimilis
BORIST hefur eftirfarandi til-
kynning frá nemendaféiagi Fóst-
urskóla íslands:
„Fundur hjá nemendafél. F.í.
vill benda á þann tvískinnung,
sem ríkir í innra starfi dagvist-
arheimila. Úttekt á sameigin-
legum viðverutíma starfsmanna á
deildum leiddi í ljós, að minnstan
hluta dagsins annast báðir starfs-
menn börnin. Á 20 barna deild á
leikskóla má ætla, að sameigin-
legur viðverutími fóstru og starfs-
stúlku sé 3—3(4 klst. á dag.
Er raunhæft að ætla einum
starfsmanni það hlutverk að ann-
ast 20 börn % hluta dagsins?
Er rökrétt að tala um að 2
starfsmenn séu í fullu starfi, er
ekki um að ræða 1 starfsmann í
fullu starfi og 1 í hlutastarfi?
Matar- og kaffitímar starfsfólks
eru sjálfsögð réttindi, en á hvaða
hátt snertir þetta innra starf á
heimilunum?
Er ekki tími til kominn, að
rekstraraðilar og þeir, sem hags-
muna eiga að gæta, horfist í augu
við staðreyndir?"
ÚTBOÐ
H.F. Ölgerðin Egill Skallagrímsson óskar eftir til-
boði í byggingu 4000 m2 verksmiðjubyggingar, sem
er fyrsti áfangi byggingaframkvæmda fyrirtækisins
að Grjóthálsi 9-11 Reykjavík.
Utboðsgögn geri ráð fyrir að hægt sé að bjóða í
verkið í heild eða verkhlutana hvern fyrir sig,
burðarvirki, veggklæðningu o.fl. og þakklæðningu.
Utboðsgögn verða afhent gegn kr. 100.000 skila-
tryggingu hjá Vinnustofunni Klöpp h.f. Lauga-
vegi 26, þriðjudaginn 19. febrúar næstkomandi.
Tilboðum skal skilað eigi síðar en kl. 11.00 þriðju-
daginn 18. mars 1980 til Vinnustofunnar Klöpp
Laugavegi 26.
HF. Ölgerðin Egill Skallagrímsson