Morgunblaðið - 26.04.1980, Síða 20

20
MORGUNBLAÐIÐ, LAUGARDAGUR 26. APRÍL 1980
Fræðslufundur í
Skógræktarstöðinni
Fræðsluíundur verður hald-
inn í Skógræktarstöðinni í Foss-
vogi laugardaginn 26. apríl kl. 2
eh. Þar verður sérstaklega leið-
beint með uppeldi á trjám og
runnum, svo sem sáning, um-
plöntun, græðlingaklipping og
fjölgun plantna á þann hátt. Þá
verður sýnikennsla í klippingu
og snyrtingu runna, gróðursetn-
ingu trjáplantna og færslu
stórra trjáa.
Sigurður Blöndal skógræktar-
stjóri, Hulda Valtýsdóttir fram-
kvæmdastjóri Árs trésins ásamt
sérfræðingum Skógræktarfélgs-
ins verða til viðtals um skógrækt
og trjárækt. Væntanlega not-
færir fólk sér þetta einstæða
tækifæri til að fá upplýsingar
frá fagfólki.
Jafnframt þessari fræðslu
verður hægt að fá ýmsa bækl-
inga og rit um trjárækt og
garðrækt á staðnum.
Kvikmyndasýningar verða í
Skógræktarstöðinni frá kl. 3—5.
Sýndar verða skógræktarmynd-
ir.
18 drengir
keppa um
skólaskák-
meistaratitil
Landsmót Skólaskákar fer fram
í Varmalandsskóla í Bprgarfirði
dagana 25.-27. apríl. Á mótinu
keppa skákmeistarar kjördæm-
anna í yngri og eldri flokki að
viðbættum þeim sem urðu í 2. sæti
í Reykjavík, um titilinn Skóla-
skákmeistari íslands 1980.
Sigurvegararnir hljóta „skák-
fáka“ sem geymdir skulu í skólum
þeirra til næsta árs en einnig
hljóta þeir sjálfir litla skákfána
til eignar. Skákfákarnir voru
gefnir af Samvinnubankanum og
Skákhúsinu í Reykjavík.
Y ngri flokkur
Kristján Pétursson
Reykj aneskj ördæmi
Birgir Örn Birgisson
Vesturlandskjördæmi
Eyþór Sigurðsson
Vestfjarðakjördæmi
Páll Ágúst Jónsson
Norðurlandskjördæmi vestra
Hermann Friðriksson
Norðurlandskjördæmi eystra
Helgi Hansson
Austurlandskj ördæmi
Ulfhéðinn Sigurmundsson
Suðurlandskj ördæmi
Davíð Ólafsson
Reykjavík
Arnaldur Loftsson
Reykjavík
Eldri flokkur
Björgvin Jónsson
Reykjaneskjördæmi
Ólafur Brynjarsson
Vesturlandskjördæmi
Guðmundur Gíslason
Vestfj arðakj ördæmi
Guðmundur Traustason
Norðurlandskjördæmi vestra
Pálmi Pétursson
Norðurlandskjördæmi evstra
Magnús Steinþórsson
Austurlandskjördæmi
Ingimundur Sigmundsson
Suðurlandskj ördæmi
Karl Þorsteins
Reykjavík
Lárus Jóhannesson
Reykjavík
Sigurvegararnir í hvorum flokki
munu hljóta bókargjöf frá Frið-
riki Ólafssyni forseta FIDE.
Yngsti keppandinn á mótinu
verður Birgir Örn Birgisson,
skólaskákmeistari Vesturlands-
kjördæmis í yngri flokki, en hann
er aðeins 8 ára að aldri.
Leiklistarhátíð
í tilefni 80 ára
afmælis L.H.
FYRSTU helgi maí, nánar tiltek-
ið 2.-4. maí, hyggst Leikfélag
Húsavikur halda upp á 80 ára
afmæli sitt, en afmælisdagurinn
var 14. febrúar sl.
Stofnað verður til eins konar
leiklistarhátíðar, hinnar fyrstu á
Islandi hjá áhugaleikfélögum. Þar
koma fulltrúar leikfélaga saman,
ræða hagsmunamál og sýna verk
sín. Hefjast leiksýningar á laugar-
deginum kl. 14.00 og á sunnudeg-
inum kl. 16.00.
Þrjú leikfélög koma í heim-
sókn til Húsavíkur:
Leikfélag Sauðárkróks með
Týndu teskeiðina eftir Kjartan
Ragnarsson; Leikfélag Siglufjarð-
ar með Skírn eftir Guðmund
Steinsson og Litla leikfélagið í
Garðinum með Spegilmanninn,
barnaleikrit eftir Brian Way, sem
•frumsýnt var á menningarvöku
Suðurnesja fyrir skömmu.
Auk þess mun Leikfélag Húsa-
víkur sýna Vals eftir Jón Hjartar-
son, En það leikrit er nú á leikför í
Finnlandi og kemur heim um
næstu mánaðamót.
Leikfélag Húsavíkur var stofn-
að 14. febrúar árið 1900 og hét þá
Sjónleikafélag Húsvíkinga. Það
starfaði með allmiklum blóma
fram undir 1920. Árið 1928 var svo
félagið endurskipulagt, því sett ný
lög og nafninu breytt í Leikfélag
Húsavíkur. Síðan hefur starf þess
verið óslitið og nú síðustu árin
sérstaklega þróttmikið. Er
skemmst að minnast uppfærslu á
Fiðlaranum á þakinu í leikstjórn
Einars Þorbergssonar, sem sýnt
var 38 sinnum á Húsavík á sl. ári,
sáu sýninguna tæplega 5000
manns.
Síðasta verkefni félagsins er
Fjalla-Eyvindur, sem sett var upp
sem afmælissýning og jafnframt í
minningu 100 ára afmælis höfund-
arins, Þingeyingsins Jóhanns Sig-
urjónssonar.
Vegna þessara tvennu tímamóta
verður einnig gefið út afmæliskort
í litlu, tölusettu upplagi í tilefni af
frímerkjasýningunni FRÍM ÞING
80, sem haldin verður hér á
Húsavík dagana 25.-28. apríl n.k.
Á leiklistarhátíðinni mun Sig-
urður Hallmarsson flytja yfirlit
yfir sögu Leikfélags Húsavíkur.
Núverandi formaður leikfélagsins
er Anna Jeppesen.
Zontaklúbbur Akureyrar
gefur út útgáfudagsumslög
legs minjasafns um hinn kunna
rithöfund, sem átti heima í þessu
húsi á bernskuárum, en fór 12 ára
út í heim og vann sér þar frægð og
frama.
Umslögin með álímdum frí-
merkjum, stimpluðum með út-
gáfudagsstimpli, verða til sölu í
Nonnahúsi, sem verður opið út-
gáfudaginn (mánudag) kl. 10—18.
Þar verða einnig til sölu frímerkt
kost með sérstimpli safnsins í
takmörkuðu upplagi.
Nánari upplýsingar verða veitt-
ar og tekið verður við pöntunum í
síma (96 22777. Sv. P.
Akureyri. 22. apríl.
ZONTAKLÚBBUR Akur-
eyrar gefur út áprentuð
umslög með mynd af
Nonnahúsi í tilefni útgáfu
Nonna-frímerkis 28. apríl.
Myndina af Nonnahúsi
teiknaði Ragnar Lár.
Húsið er í eigu klúbbsins, og þar
sér klúbburinn um rekstur merki-
Guðsþjónusta fyr-
ir heyrnarskerta
Fj ölskylduguðsþj ónusta
verður fyrir heyrnarskerta í
Garðakirkju, Garðaholti,
sunnudaginn 27. apríl kl. 14.
Sr. Bragi Friðriksson þjónar
fyrir altari.
Heyrnleysingjar taka þátt í
guðsþjónustunni og verða m.a.
með helgileik. Túlkað verður
yfir á táknmál.
Nemendafélag Heyrnleys-
ingjaskólans verður með köku-
sölu eftir messu í anddyri
Flataskóla við Vífilsstaðaveg
til styrktar Svíþjóðarferð
nemenda.
Afhentu forsetan-
um „í uppnámi44
PERLA íslenzkra skák-
bókmennta, skákritið „í
uppnámi“, hefur um ára-
tuga skeið verið með öllu
ófáanlegt, en prófessor
Willard Fiske gaf ritið út
á árunum 1901—2 og lét
prenta það í Leipzig.
Skáksamband íslands og Tafl-
félag Reykjavíkur standa nú að
endurútgáfu ritsins, sem bundið
hefur verið í eina bók (300 bls.),
þar af eru 250 eintök ljósrituð á
fornritapappír, árituð og tölusett
og bundin í alskinn. í móttöku á
Bessastöðum fyrir FIDE-ráðið og
nokkra aðra gesti afhentu þeir
Einar S. Einarsson, forseti S.Í., og
Stefán Björnsson, formaður T.R.,
forseta íslands, dr. Kristjáni Eld-
járn, eintak nr. 1 af viðhafnarút-
gáfu ritsins. (Fréttatilkynning).
Frá bókasýningunni á HaHveigarstöðum þar sem verk Leníns eru til
sýnis. Ljósm. Kristján.
Sýning á verkum
Lenins í tilefni 110
ára fæðingaraf mælis
OPNUÐ hefur verið á Hallveigar-
stöðum sýning á ýmsum bókum
Leníns, en sýningin er í tilefni
110 ára fæðingarafmælis hans.
Eru það sendiráð Austur-Þýzka-
lands. Póllands, Tékkóslóvakíu
og Sovétríkjanna ásamt verzlun-
arfulltrúum, sem undirbúið hafa
sýningarhaldið.
Á sýningu þessari er að finna
auk bóka Leníns ýmsar hljómplöt-
ur, frímerki og veggspjöld. Hún
verður opin næstu daga kl. 14—19
og lýkur henni 29. apríi. Árið 1902
kom út í London enska þýðingin á
bók hans „Hvað þarf að gera“ og
eru því liðin nálega 80 ár frá því
verk hans komust á framfæri og
hafa þau verið gefin út á 130
tungumálum í 63 löndum.