Morgunblaðið - 26.04.1980, Qupperneq 26

26
MORGUNBLAÐIÐ, LAUGARDAGUR 26. APRIL 1980
Oánægja
með kerfi
ÓÁNÆGJA hefur verið meðal
steypuvinnufólks og bifreiða-
stjóra hjá verktakanum Foss-
virki við Hrauneyjarfoss með
„premiu“-kerfi, sem verktak-
inn og verkalýðsfélögin hafa
orðið ásátt með og hafa þessir
hópar af þeim sökum fellt
niður vinnu í hádeginu við
steypuvinnu, en áður fór
helmingur hópsins í mat, en
hinn hélt áfram að vinna, en
var síðan leystur af síðar af
hinum hópnum. Einnig hefur
hópurinn afþakkað vinnu eft-
ir klukkan 19 á kvöldin.
Jón Snorri Þorleifsson, formað-
ur Trésmiðafélags Reykjavíkur
kvað fulltrúa verkalýðsfélaganna
hafa verið á fundi í fyrradag við
Hrauneyjarfoss vegna þessa máls
og kvaðst hann vonast til að harka
færðist ekki í málið umfram það
sem þegar er orðið. Hann sagði að
fulltrúar stéttarfélaganna myndu
aftur hitta talsmenn verktakans í
dag. Að öðru leyti kvað Jón Snorri
samstarfið við verktakann hafa
verið með ágætum, haldnir hafi
verið á hálfsmánaðar fresti fund-
ir, þar sem vandamálin hafi verið
rædd. Kvað hann flesta fundina
hafa verið þannig að þeir hafi
aðeins verið rabbfundir, þar sem
engin vandamál hafi verið í sam-
vinnu félaganna og verktakans.
Óskalisti rikis-
stjórnarinnar:
Vill 38
mál af-
greidd
fyrir
þinglok
— ekki hægt, nema
þing sitji lengur
en til 10. maí
segir Lárus Jónsson
varaform. þingflokks
Sjálfstæðisflokksins
„ÞAÐ gefur auga leið, að það er
enginn vegur að koma þessum
málum öilum i gegn fyrir þing-
lok, ef ríkisstjórnin stefnir á þau
10. maí, eins og síðustu fréttir
herma. Ég tel hins vegar ekkert
óeðlilegt að Alþingi vinni lengur
á þessu vori, þar sem það var
minna að störfum í haust en
oftast áður vegna kosninga,“
sagði Lárus Jónsson varafor-
maður þingflokks Sjálfstæðis-
flokksins, er Mbl. leitaði álits
hans á þeim óskalista, sem rikis-
stjórnin hefur lagt fram um þau
38 stjórnarfrumvörp, sem hún
óskar eftir að fái afgreiðslu á
þessu þingi. Af þessum málum
eru 16 lögð fram í efri deild, 11 i
neðri deild, ein tillaga til þings-
ályktunar lögð fram í sameinuðu
þingi og 10 væntanleg þingmál.
Sverrir Hermannsson forseti
neðri deildar sagði það fjarri lagi,
að þessi 38 mál mætti afgreiða
fyrir þinglok í byrjun maí. „Enda
læt ég mér ekki til hugar koma, að
öll þessi mál þurfi endilega að
afgreiðast og vil geta þess að
einstök þingmannamál bíða líka
afgreiðslu, sum hver ekki
ómerkari en ýmislegt á óskalista
ríkisstjórnarinnar."
Fjöldinn fylgist með skemmtiatriðum á Lækjartorgi. Ljósm. Emilía.
Marmfjöldi fagnaði sumrinu
UNGIR og gamlir
Reykvíkingar fjölmenntu
í miðborgina á sumardag-
inn fyrsta, gangandi og
akandi og fylgdust með
því sem fram fór þar.
Mátti bæði hlýða á ýmis
dagskráratriði eða líta við
í tjöldum skátanna sem
reist höfðu verið eftir
endilöngu Austurstræt-
inu, en þar mátti fá ýmiss
konar afþreyingu og menn
gátu reynt hæfni sína á
mörgum sviðum. Um tíma
var Austurstrætið nánast
troðfullt af fólki svo sem
sjá má af myndunum, en
veðrið var þó varla nema
sæmilegt þennan fyrsta
dag sumarsins.

hausnum í gatinu, sem menn máttu reyna að hitta. Ljósm. Rut Melsted.
Svampurínn, vatnsósa, á lofti og á fleygiferð i áttina að... Ljósm. ÓI. K. M,