Morgunblaðið - 01.05.1980, Síða 17

MORGUNBLAÐIÐ, FIMMTUDAGUR 1. MAÍ1980
17
Fundur
um
þingslit
ÞINGFORSETAR og formenn
þingflokka ætluðu að koma sam-
an til fundar i dag, 1. maí, til að
fjalla um þingslit. Upphafleg
ætlun ríkisstjórnarinnar var að
þingslit yrðu 10. mai, en útilokað
er talið að af þvi geti orðið, m.a.
vegna óskalista ríkisstjórnarinn-
ar um 48 mál, sem hún vildi fá
afgreidd á þinginu. Rætt hefur
verið um 14. maí og 17. mai sem
þingslitadaga. ef ríkisstjórnin
styttir óskalista sinn, en að hon-
um óbreyttum telja stjórnarand-
stæðingar einsýnt að Alþingi geti
setið fram í júnimánuð.
Fjáröflun-
ardagur
Kvennadeild-
ar Þróttar
KVENNADEILD Knatt-
spyrnufélagsins Þróttar
verður með sína árlegu
fjáröflun nk. laugardag í
félagsheimili Þróttar við
Holtaveg. Svava Sigurjóns-
dóttir formaður deildarinn-
ar sagði í samtali við Mbl.
að þær yrðu með flóamark-
að, kaffisölu og kökubasar
og rynni allur ágóðinn í
félagsheimilasjóð, en bygg-
ing félagsheimilisins er nú
á lokastigi, reyndar flutt
inn í það að hluta.
Svava sagði að félags-
heimilið hefði hleypt mjög
miklu blóði í starf félagsins
í vetur og þar hefðu verið
fundir og spilakvöld þar sem
eldri og yngri félagar hefðu
hitzt.
Félagsheimilið verður
opnað á laugardaginn
klukkan 14.00.
maga. Þessi tilraun var talin hafa
tekist vel en ekki varð framhald á
þessum rannsóknum, aðallega
vegna þess hversu dýrar þær voru
og lítil afköst með tilliti til
fjöldaleitar.
Árið 1974 gaf Kiwanisklúbbur-
inn Hekla einnig kennslusmásjá í
tilefni af 10 ára afmæli klúbbsins.
Var mikill fengur í að fá þessa
kennslusmásjá. Með tilkomu
hennar var auðveldara að þjálfa
þær stúlkur sem eru að læra
frumurannsóknir. Yfirlæknir
frumurannsóknastofunnar, Gunn-
laugur Geirsson, hefur kennt þess-
um stúlkum síðan hann kom til
landsins, 1974, en áður fyrr þurfti
að senda allt þetta fólk til útlanda
til sérnáms í frumufræði.
Þessar smásjár koma sér einkar
vel fyrir félagið þar sem til stóð að
fara að endurnýja tækjakost
frumurannsóknastofunnar. Er
þetta ómetanlegur stuðningur við
þá starfsemi sem félagið beitir sér
einkum fyrir, krabbameinsleit.
Stjórn Krabbameinsfélags ís-
lands færir þeim Kiwanisbklúbbs-
meðlimum þakklæti sitt fyrir
þessi góðu og verðmætu tæki.
Einnig vill stjórnin þakka skilning
og áhuga þessa hóps á starfsemi
krabbameinsfélaganna.
Erlingur Ellertsson, formaður tslendingafélagsins og Þórhildur
kona hans.
*
Gunnar Tómasson, fyrsti formaður tslendingafélagsins. og Lóa
kona hans.
Rueben M. Monson:
Þorrablót í
Washington
Hans G. Andersen, sendi-
herra íslands, gaf tóninn með
þessum gömlu íslensku orðum
„Far vel vetur, komdu sæl
sól“, sem voru vel við hæfi á
ellefta árlega þorrablótinu.
sem að þessu sinni var haldið
á mildu kvöldi snemma vors í
Alexandra í Virginíuríki.
Þegar um það bil 290 íslend-
ingar og kjarninn úr hópi
einlægra íslandsvina
streymdu að til fagnaðarins til
að dansa og hitta vini sem ekki
höfðu sést í heilt ár, varð
Holiday Inn eina kvöldstund
vettvangur þorrablóts.
Þeir komu frá a.m.k. 12
ríkjum: Norður- og Suður-
Carolínu, Florida, Pennsyl-
vaníu, Delaware, Utah, New
Jersey, New York, Massachus-
etts, Minnesota, Maryland og
Virginíu. Nokkrir komu meira
að segja frá íslandi. Allir voru
komnir til að gæða sér saman
á íslensku góðmeti, sem konur
í íslendingafélaginu í Wash-
ington höfðu matreitt.
Undirbúningurinn hófst
mörgum dögum og jafnvel
vikum áður. A heimili Þórhild-
ar Ellertsson í Woodbridge í
Virginíuríki voru méir en 700
kleinur snúnar og steiktar.
Síðan fóru u.þ.b. 15 konur til
Camp Springs í Maryland í
þeim tilgangi að framleiða hið
fíngerða laufabrauð í stórum
stíl. Heima hjá Esther Harris
skáru þær út og steiktu a.m.k.
350 kökur, sem allar voru
skreyttar að hefðbundnum
hætti með listfengu móti
hverrar konu. í Millersville í
Maryland bjó Björg Pétursson
til flatkökurnar og lét sig ekki
muna um að búa til einar 175 á
eigin spýtur fyrir þorrablótið,
sem fram fór 15. mars.
Þegar forseti félagsins í ár,
Erlingur Ellertsson leit yfir
veislugesti, gat að líta greini-
legt aðstreymi ungs fólks í
hópinn. Með hverju árinu
eykst fjöldi íslenskra þorra-
blótsgesta á aldrinum milli
tvítugs og fertugs.
Þannig var því ekki farið,
þegar Gunnar Tómasson,
fyrsti forseti félagsskaparins,
stýrði hátíðinni, en þá, árið
1969, var þorrablótið hátíðlegt
haldið með áberandi eldra
fólki. Sendiherra íslands þá
var Magnús heitinn Magnús-
son. Aðrir sendiherrar — Guð-
mundur í. Guðmundsson og
Haraldur Kröyer — hafa tekið
þátt í þessari árlegu vorhátið
gegnum árin.
Að þessu sinni voru fyrrver-
andi forsetar félagsins heiðr-
aðir fyrir framlag þeirra til
félagsskapar íslendinga í
Bandaríkjunum. Auk Gunnars
Tómassonar voru þau Sigrún
Rockmaker, Laufey Downey,
Svala Daly, Birna Lenahan og
Ásgeir Pétursson í þeim hópi.
Formlegum athöfnum var
lokið af í skyndingu, þegar
hljómsveitin tók að lokka
dansara út á gólf. Ungir sem
gamlir fylgdu hljómfalli polk-
anna, valsanna og tónlistar
þriðja áratugsins.
Þegar hljómsveitin þagnaði
til að gefa dansfólkinu
smáhvíld, stóð veislustjórinn,
Sigrún Rockmaker fyrir hluta-
veltu með fjölda vinninga, þar
á meðal ókeypis ferðar fram og
aftur til íslands, sem Loftleið-
ir gáfu. Margir viðstaddra
minntust þess, þegar óeigin-
gjarn vinningshafi Loftleið-
amiðans skilaði vinningi
sínum aftur fyrir tveimur ár-
um síðan, til að gefa einhverj-
um öðrum kost á að vinna
þessa ókeypis ferð. Sú íslensk-
ameríska fjölskylda hafði
fengið þann vinning árið áður.
Henni fannst, að það væri ekki
sanngjarnt að fá sama vinn-
inginn aftur.
Þjóðleg íslensk-amerísk
kímnigáfa ásamt rag-píanó-
tónlist barst úr óvæntu horni
frá dr. Bill Holm frá Minneota
í Minnesota, Fulbright-próf-
essor, sem var nýlega kominn
aftur frá kennslustörfum við
Háskóla íslands.
Þannig hélt þessi „vorfagn-
aður“ áfram fram eftir nóttu,
þar sem sífellt fleiri vinir
hittust á ný, er flestir ráfuðu
um danssalinn frá einu borð-
inu til annars.
Sumir, sem komnir voru um
langan veg, gistu á Holiday
Inn. Áður en lagt var af stað
heimleiðis morguninn eftir,
hittust þeir við morgunverðar-
borðið og fengu tækifæri til að
dvelja örlítið lengur meðal
vina og ljúka þannig þorra-
blótinu árið 1980.
í önnum við laufabrauðsbaksturinn. Á fyrri myndinni eru þær Hulda Sargent, Lóa Tómasson og Þóra Hines, en Þórhiídur Éllertsson og
Elsa Pétursson á þcirri neðri.