Morgunblaðið - 06.12.1980, Blaðsíða 15

Morgunblaðið - 06.12.1980, Blaðsíða 15
MORGUNBLAÐIÐ, LAUGARDAGUR 6. DESEMBER 1980 15 KRÖFLUELDAR „FYRRVERANDI forseti, Krist- ján Eldjárn, fær næstu eldsum- brotahrinu hér í Mývatnssveitinni í afmælisgjöf, það er í dag 6. desember," sagði Mjörtur Tryggvason mæiingamaður þar nyrðra i spjalli við Hlaðvarpann. Annars eru þessar spár minar að mestu leyti gerðar i grini, þó i þeim felist nokkur alvara. Manni skjátlast venjulega oftar en hitt. Ég hef annars nokkrum sinnum hitt nákvæmlega á upphaf gosa og jarðhræringa. 1978 hafði ég sagt norskum jarðfræðingi og fyrirles- ara svona í gríni að næsta gos yrði 10. júlí kl. 2 eftir hádegi. Hann sagði síðan frá þessu í mikilli fyrirlestrarferð um Noreg og varð alveg himiniifandi þegar spáin stóðst. I annað skipti hafði ég sagt norskum ritstjóra að landsig myndi HELGARVIÐTALIÐ „Spámaðurinn" Hjörtur Tryggvason. „Spámaðurinn" býst viö eldgosi í dag hefjast einhvern ákveðinn dag. Hann hringdi í mig þennan dag, og það stóðst, landsigið var hafið. Fyrir síðustu umbrotahrinu hafði ég lofað stúlku, sem lengi hefur unnið í Kröflu, gosinu í afmælisgjöf og sagt, að það yrði 15. október. Ég frétti svo skömmu síðar, að hún hefði frestað afmælisveizlunni til þess 18. svo ég sagði við hana, að þá yrði ég að fresta gosinu líka. Gosið hófst svo í sama mund og afmælis- veizlan. Ég vil nú samt taka það fram að ekki er mikil ástæða til að taka þessar dagsetningar mjög alvar- lega sagði Hjörtur Tryggvason að lokum. EFNAHAGSMÁLIN Gildi kommanna eykst AÆTLADAR efnahagsráðstafanir ríkisstjórnarinnar um áramótin hafa lengi vel verið vel faldar almenningi og öðrum, sem þær koma ekkert við. Það hefur þó kvisast út, að samfara myntbreyt- ingunni, þegar komman verður færð fram um tvö sæti, sé ætlunin að beita sama vopni á verðbólguna, en þó ekki eins harkalega, enda er engin ástæða til að ganga af þessu óskabarni þjóðarinnar dauðu. Það hefur því verið ákveðið að þar verði komman aðeins færð fram um eitt sæti og verði því eftir áramótin aðeins í kringum 7%. Menn skilja nú einnig betur þá andstöðu gegn Gunnari sem ríkir innan Sjálfstæðisflokksins. Hann er stöðugt að auka gildi kommanna! HELGI TÓMASSON DANSKUR? Helgi Tómasson listdansari danskur? I>að er ekki líklegt að íslendingar samþykki það, en engu að siður er hann talinn til dönsku „mafiunnar i Balachines New York City Ballet". Það er greinilegt að Donum þykir þetta ekkert verra og í BT er frétt um það að Helgi sé væntanlegur til Danmerkur til að dansa gestahlutverk í Konunglega leikhúsinu i Kaupmannahöfn. Textinn undir meðfylgjandi mynd er á þessa leið: Vor nœstum samlandi Helgi Tómasson dansar i desember i Kongunglega leikhúsinu i fyrsta sinn. Danir hafa lengi sótzt eftir íslandi og gæðum þess og nú er greinilega betra að fara að gæta sin. GEIR HALLGRÍMSSON GEFUR VÍDA GÓÐ RÁD GEIR Hallgrimsson kemur víða við og gefur góð ráð á ólikleg- ustu sviðum. í Timanum mið vikudaginn 3. desember segir Viðar Simonarson, þjálfari og leikmaður i meistaraflokki Hauka i handknattleik, að hann hafi þegið góð ráð hjá þeim Axel Axelssyni, Bjftrgvin Björgvins- syni, sem báðir þekki þýzkan handknattieik mjög vel, svo og Geir Hallgrímssyni. Síðan segir orðrétt: „Það er ætlunin að reyna að leika stífa pressuvörn gegn þeim og láta bakkarana taka á móti þeim framarlega á vellinum. Klippa út hornamennina og hugsanlega taka tvo leikmenn hjá þeim úr umferð ef ástæða þykir til." Hvort Geir hefur þar með ljóstrað upp baráttuaðferð stjórnarandstöðunnar og ætlunin sé að taka þá Pálma og Friðjón úr umferð, eða að hann hefur stúd- erað handknattleik á laun skal látið ósagt. Erlingur Páll Ingvarsson heitir einn af okkar ungu og upprennandi myndlistarmönnum. Eftir stúdentspróf frá MA fór hann til náms í Handíða og myndlístaskóla íslands og lauk þaðan námi úr nýlistadeild eftir 4 ár. Síðan lá leiö hans til Amsterdam í Hollandi og þaðan í listaakademíuna í Dusseldorf, en þaðan lauk hann prófi í vor. Síðast liðinn vetur kynnti hann nútímalist í einn mánud við Myndlistaskófa Akureyrar. í apríl á þessu ári hélt hann sína fyrstu einkasýningar í St. Petri Galerie í Lundi, en áöur haföi hann sýnt á Akureyri ásamt Holiendingi, Þjódverja auk eins islendings og tekið þátt í nemendasýningum I Dusseldorf. „Við getum sagt að hjá mér ráði hugmyndir og út- færsla þeirra helst efnisvalínu og sýningin sem ég hélt í fyrra og stóð í 5 daga byggð- ist upp á 5 mismunandi „skúlptúrum" og var hver fyrir sig sýndur einn dag í senn," sagöi Erlingur er Mbl. haföi tal af honum. „Ég miö- aði uppsetningu sýningarinn- ar viö húsakynni gallerísins og kom til dæmis ekki meö neitt efni undir hendinni til Svíþjóðar, aöeins hugmyndir. Ég dvaldi síöan á staönum um hálfan mánuð við undir- búning og efnisval." Verkin og útfærsla þeirra miðast við and- rúmsloftið á staðnum „Sýningin snerist ákaflega mikið um tímann og mann- Erlingur Páll Ingvarsson. (Ljósm. KÖE.) Hugmyndir og út- færsla þeirra ráða effn- isvali og uppsetningu eskjuna sjalfa, þetta voru allt saman sjálfstæö verk, en þetta var þemað í þeim öllum. En í raun og veru réðst útfærsla hugmyndanna, og þá verkin sjálf, af andrúms- loftinu á staðnum. Einn dag- inn haföi ég raöaö múrstein- um upp á þann hátt að þeir gáfu til kynna þróun í tíma og enduðu þeir í vegg, sem ég hlóö upp í einar dyrnar í sýningarsalnum. Þegar nokk- uð var liðið á daginn kom sænskur abstraktmálari á staóinn og reiddist vegna þess að þaö var ekki Svíi, sem hafði fundið upp á þessu og hreinlega kastaöi sér á vegginn. Eigandi gallerísins varð alveg miður sín og sagöist ætla að búa tit verk úr rústunum, sérstaklega til- einkaö mér. Þegar hann hafði lokið því, leizt mér svo vel á hugmyndina að ég lét hana standa út næsta dag." The gallery was empty of art, — but now you have entered „Viðbrögð Islendinga á staönum voru mjög misjöfn, sumir tóku sýningunni mjög vel, en aörir voru óánægðir eins og gengur og gerist. Þeir oanægöu boöuöu mig á sinn fund og urðu þar mjög haröar umræður um það hvað list. væri. Þeir ákváðu síöan að koma síöasta sýningardaginn og þá hafði ég alla sýningar- salina alveg tóma, nema aö innst í einum salnum hengdi ég upp skilti með áletruninni: „The gallery was empty of art, — but now you have entered." Og margir urðu ókvæöa við og móðguðust og gerðu sér greinilega ekki grein fyrir því aö mannslík- aminn og hugur hans eru listaverk." Færa verður listina í þann búning, sem henni hentar Viö hvað miöar þú list þína? „Mín list miðast ekki við þaö, aö ekki sé hægt að eiga hana, skoöa og njóta, þó þessi sýning hafi kannski gefið það til kynna. Hitt er svo annað mál að fyrst og fremst verður að taka mið af listinni sjálfri og færa hana í þann búning, sem henni hentar, burtséð frá öllum markaðs- og sölumöguleik- um. Að öðrúm kosti skiptir hugtakið list ekki lengur málí. Þá er listin fyrst og fremst Eina verkið síðasta sýningardaginn vakti verulegt umtal. orðin þjónkun við stöðluð form og þá yrði myndlistin ekki lengur söm. Ég hef alltaf litiö þannig á aö listin sé eitthvert mikilvægasta afl mannsandans til að forða sér frá stöðnun og ég held að listin sé glæðandi fyrir frjáls- borna hugsun og haidi fólki vakandi í svefngengilsþjóðfé- laginu. Þá má ekki gleyma því, hvaö sem sagt verður um skoöanir, aö bókmenntir hafa verið einhver mesta kjölfest- an í íslenzku þjóöiífi fram á okkar daga og ég er ekki í vafa um að myndlistin getur orðið stór hluti þessarar kjölfestu." íslenzkir nútíma- myndlistamenn vekja mikla athygli erlendis „Sem dæmi um veg ís- lenzkrar listar má nefna, aö erlendis hefur sá ferski blær, sem kemur frá íslenzkum nútíma-myndlistamönnum, vakiö mikla athygli og hin Norðurlöndin standa okkur talsvert að baki í nútíma listsköpun. íslendingar hafa ekki verið bundnir mjög fast- heldinni myndlistarhefð og hefur það -haft mikið að segja. Sem dæmi um þetta má nefna að Jón Gunnar Árnason myndlistamaður er nú kennari við myndlista- akademíuna í Kaupmanna- höfn, þar sem Danir töldu sig ekki hafa hæfan mann í starfið. Ég vil aö lokum taka þaö fram," sagði Erlingur, „að listin og þeir, sem hana skapa, verða að vera frjálsir. Ég rakst einhvers staðar á þessa klausu: „Ef listin væri sá baggi á þjóðfélaginu, sem margir ætlast til, væri það fyrir löngu búiö aö varpa honum af sér." Mér finnst hæfilegt aö enda spjalliö á þessu."

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.