Morgunblaðið - 05.01.1982, Blaðsíða 26

34
MORGUNBLAÐIÐ, ÞRÍÖÍÍM'ÖÚK 5. JANÚAR 1982
Athugasemd framkvæmdastjórnar ÍSÍ:
Arnarflug getur
ekki veitt sömu
þjónustu og
Flugleiðir
Vegna athuKasemdar Arnar-
flugs í Morgunblaðinu 29. desem-
ber um samning ÍSI og Flugleiða,
vill framkvæmdastjórn ISI, að eft-
irfarandi komi fram:
Forsendan fyrir áðurnefndum
samningi ISI og Flugleiða er fyrst
og fremst sú, að það er aðalatriði
þessa máls, að hvorki Arnarflug
né neinir aðrir innlendir aðilar,
geta boðið íþróttahreyfingunni
upp á þá alhliða þjónustu, sem
Flugleiðir gera í dag. Þess vegna
er bæði eðlilegt og rökrétt að ISÍ
semji við Flugleiðir, enda hefur
framkvæmdastjórn ISI fyrirmæli
um að gera slíkan samning frá
þingum sínum. Er rétt að ítreka,
að gefnu tilefni, að nýgerður
samningur er ekki bindandi held-
ur stendur einstökum aðilum
íþróttahreyfingarinnar til boða,
og því fjarri lagi, að í honum felist
nokkurs konar þvingun, eins og
Arnarflugsmenn halda fram.
Framkvæmdastjórn ISI gengur
ekki að því gruflandi, að í einstaka
tilfellum geti Arnarflug eða önnur
leiguflugfélög boðið upp á betri
þjónustu en Flugleiðir. Fyrir þeim
möguleika er raunar gert ráð fyrir
í samningi ÍSI og Flugleiða, og
geta þá viðkomandi aðilar fengið
undanþágu frá samningnum. Það
er því alrangt, sem haldið er fram
af Arnarflugsmönnum, að forseti
ISI hafi með undirskrift sinni
heitið því, að íþróttamenn fari
ekki með öðru áætlunar- og/eða
leiguflugfélagi milli landi, þó að
hugsanlega væri hægt að ná betri
kjörum annars staðar.
Það er hins vegar ætlazt til
þess, að samningurinn sé nýttur
allur, en ekki að hluta, enda bjóði
Flugleiðir betri kjör en aðrir, og
fljúgi á þeim leiðum, sem íþrótta-
fólk þarf að ferðast á. í þeim til-
fellum, sem Flugleiðir bjóða ekki
upp á slíka þjónustu, er sjálfgert,
að íþróttafólk leiti annarra leiða.
Framkvæmdastjórn ÍSÍ vill lýsa
furðu sinni á ósmekklegum dylgj-
um Arnarflugsmanna um frímiða
til handa ISI. Framkvæmdastjórn
ISI kemur fram og vinnur fyrir
hinn breiða fjölda íþróttafólks í
öllum íþróttagreinum í öllum hér-
uðum landsins. Frímiðar og af-
sláttur, sem samningi ÍSI og
Flugleiða fylgja, koma til úthlut-
unar til þessara aðila, en ekki til
framkvæmdastjórnar ÍSÍ.
Framkvæmdastjórn ÍSÍ þarf
ekki að kvarta undan viðbrögðum
íþróttafólks og íþróttaforystu-
manna vegna nýgerðs samnings
við Flugleiðir, sem sést bezt á því,
að nú þegar hefur fjöldi íþrótta-
fólks notfært sér hann, enda þótt
ekki hafi verið gert ráð fyrir, að
hann tæki gildi fyrr en 1. janúar
nk.
Hafi Arnarflug áhuga á viðræð-
um við framkvæmdastjórn ÍSÍ
getur það tæplega talizt heppileg
aðferð að birta stóryrði og rang-
færslur á opinberum vettvangi.
Slík vinnubrögð eru ekki til þess
fallin að vekja traust íþrótta-
hreyfingarinnar á Arnarflugs-
mönnum.
Þeir, sem hlutu viðurkenningu í umbúðasamkeppni FÍI 1981, framleiðendur, hönnuðir og notendur.
Ljósmynd Mbl. ÓI.K.M.
_r
Viðurkenningar veittar f umbúðasamkeppni FII 1981:
Dómnefnd bárust alls yfir
150 mismunandi einingar
Tvennar þeirra umbúða, er hlutu viðurkenningu f.v., síldartunnur Síldarút-
vegsnefndar og olíuflöskur Smjörlíkis hf. l.júsmvnd Mbl. ÓI.K.M.
VHMIRKENNINGAR hafa verið
veittar í umbúðasamkeppni Félags ís-
lenzkra iðnrekenda fvrir árið 1981 en
það var í sjötta sinn, sem Félag ís-
lenzkra iðnrekenda gengst fyrir
slíkri samkeppni. Brynjólfur Bjarna-
son, formaður dómnefndar, ávarpaði
gesti við afhendinguna og sagði m.a.,
að samkeppnin hefði verið fyrir allar
gerðir umbúða, svo sem flutnings-
umbúðir, útstillingarumbúðir og
neyzluumbúðir.
Umbúðirnar urðu að vera hann-
aðar á íslandi og hafa komið á
markað hér eða erlendis. Allir ís-
lenzkir umbúðaframleiðendur og
umbúðanotendur gátu tekið þátt í
samkeppninni, svo og þeir aðrir,
sem hafa með höndum gerð og
hönnun umhúða. Einungis var
leyfilegt að senda inn umbúðir, sem
komið hafa á markað frá miðju ári
1977.
Þátttaka varð mjög mikil í
keppninni og bárust alls 74 tegund-
ir umbúða, alls fyrir 150 mismun-
andi einingar, en dómnefnd ákvað
að veita sex umbúðum viðurkenn-
ingu. Ákveðið var að veita póst-
umbúðum, sem íslenzkur markaður
hf. notar, viðurkenningu. Framleið-
andi þeirra er Plastprent hf., hönn-
uður Auglýsingastofan hf. — Gísli
Bj. Björnsson, en það voru þau
Guðjón Eggertsson og Þóra Bald-
ursdóttir, sem unnu verkið. I um-
sögn dómnefndar segir: Vandaðar
og hagnýtar umbúðir, sem veita
vörunni góða vernd. Hönnun ein-
föld og stílhrein.
Viðurkenning var veitt umbúðum
utan um ávaxtasúpur og grauta frá
Vilko, en framleiðandi þeirra er
Kassagerð Reykjavíkur hf. Hönnun
fór fram á Auglýsingastofu Krist-
ínar hf. og sá Anna Þóra Árnadótt-
ir um hana. I umsögn dómnefndar
segir: Fallegar umbúðir, þar sem
ljósmyndir eru notaðar á virkan
hátt í söluhvetjandi tilgangi. Upp-
lýsingar ítarlegar og greinilegar.
Prentun góð.
Umbúðir fyrir Eplajóga, jarðar-
berjajóga og sopa, frá Mjólkursam-
sölunni fengu viðurkenningu.
Framleiðandi þeirra er sænska
fyrirtækið Tetra pak, en hönnun
fór fram á Auglýsingastofu Krist-
ínar hf., og sáu Tryggvi T. Tryggva-
son og Stephen Fairbairn um hana.
í umsögn dómnefndar segir: Fal-
legar umbúðir. Skemmtilega út-
færðar teikningar og frágangur
góður. Upplýsingar nákvæmar.
Viðurkenning var veitt fyrir um-
búðir utan um rjómaost, sem Osta-
& smjörsalan framleiðir. Framleið-
andi umbúðanna er Torsten
Jeppsson í Svíþjóð, en hönnun fór
fram á Auglýsingastofu Kristínar
hf. en Sigríður Bragadóttir sá um
hana. I umsögn dómnefndar segir:
Skemmtilegt form umbúða. Frá-
gangur góður. Upplýsingar ná-
kvæmar.
Þá var veitt viðurkenning fyrir
flöskur undir olíur hjá Smjörlíki
hf., en framleiðendur þeirra eru
Sigurplast hf. og Vörumerking hf.
Hönnuður miða er Auglýsingastof-
an Agus hf. en hönnuður flösku er
Sigurður Jónsson. í umsögn dóm-
nefndar segir: Heildarsamræmi
gott með samhæfðum litum, letri
og myndskreytingum.
Umbúðir fyrir Ora-lifrarkæfu
fengu viðurkenningu, en notandi
þeirra er Ora — Kjöt & og rengi hf.
Framleiðandi er Moblik Sannem
A/S í Noregi, en hönnun fór fram á
Auglýsingastofu Kristínar hf., og
sá Anna Þóra Árnadóttir um hana.
I umsögn dómnefndar segir: Hand-
hægar umbúðir, sem veita inni-
haldi góða vernd. Frágangur góður
og upplýsingar fullnægjandi.
Loks var veitt viðurkenning fyrir
sildartunnu Síldarútvegsnefndar,
en framleiðandi hennar er Moblik
Sannem A/S í Noregi. Hönnun fór
fram á Auglýsingastofu Kristínar
hf. og Stephen Fairbairn sá um
hana. I umsögn dómnefndar segir:
Vandaðar umbúðir með hreinlegt
og heilsteypt yfirbragð. Vernd góð.
Við mat umbúðanna notaði
nefndin matskerfi, sem notað hefur
verið í fyrri samkeppnum. Er þar
m.a. tekið tillit til ýmissa þátta,
m.a. hönnunar, verndar gegn utan-
aðkomandi áhrifum, hagkvæmni í
sölu og neyzlu, upplýsinga og frá-
gangs.
Hið mikla framboð iðnvarnings í
heiminum í dag hefur gert umbúðir
að einum þýðingarmesta þætti í
nútíma vörudreifingu.
Blönduvirkjun
Athugasemdir við grein Torfa
Jónssonar á Torfalæk „Eftir
Kastljós" sem birtist í Morgun-
blaðinu á bls. 16, þriðjudaginn 29.
desember sl.
Undirrítaðir starfsmenn Búnað-
arfélags íslands óska hér með eftir
að koma eftirfarandi athugasemd-
um á framfæri, vegna þeirra um-
mæla og tilvitnana í grein Torfa
um virkjun Blöndu, sem snerta um-
sagnir þeirra til Rafmagnsveitna
ríkisins:
1. Samkvæmt bréfi frá Raf-
magnsveitum ríkisins til Búnaðar-
félags íslands, dags. 19. febrúar
1981, fól stjórn félagsins undirrit-
uðum að kanna og leggja mat á
hugsanleg áhrif Blönduvirkjunar á
landtap og afréttarnýtingu á Auð-
kúlu- og Eyvindarstaðaheiðum.
Sundurliðað álit var sent í tveim
bréfum til Kristjáns Jónssonar
rafmagnsveitustjóra, hið fyrra
dags. 4. mars og hið síðara dags. 20.
mars. Að sjálfsögðu önnuðust
Rafmagnsveitur ríkisins dreifingu
afrita þessara bréfa ásamt öðrum
gögnum. Er okkur óviðkomandi,
hversu snemma og með hvaða
hætti heimamenn fengu álit okkar
í hendur, enda áttum við þar ekki
hlut að máli.
2. Á þeim tíma, sem bréfin voru
skrifuð, voru virkjunaraðilar að
leggja mat á uppgræðsluþörf, bóta-
þörf o.fl. vegna undirbúnings
samningsdraga fyrir virkjun
Blöndu, og höfðu nokkrir mismun-
andi virkjunarkostir verið kynntir.
Okkar hlutverk var að kanna ýms-
ar skýrslur og gögn í málinu, svo
sem um gróður og beitarþol, hugs-
a.nleg áhrif á umhverfi lóns og
veituskurða, og uppgræðsluþörf, og
gefa álit, en ekki vinna að ákveðn-
um rannsóknum á svæðinu. Okkur
Athugasemd vid grein
Torfa Jónssonar á
Torfalæk, „Eftir Kast-
ljós“, sem birtist í Mbl.
29. des. sl.
er ekki kunnugt um að aðrir hafi
látið slíka samantekt frá sér fara.
Efni framangreindra bréfa hefur
ekki verið birt, en að okkar hálfu er
ekkert sem mælir á móti að svo
verði.
3. I áliti okkar reyndum við m.a.
að gera okkur grein fyrir, með til-
vísunum í margvísleg gögn, hversu
mikið hugsanlegt tap á beitilandi
kunni að verða, og berum saman
virkjunarkosti I og II. Samkvæmt
þeim athugunum töldum við aug-
Ijóst, frá landverndar og beitarnýt-
ingarsjónarmiði, að virkjunarkostur
I væri verstur allra þeirra kosta
sem kynntir höfðu verið. M.a. kem-
ur fram í gögnum frá Rannsókna-
stofnun landbúnaðarins, dags. 3.
mars 1981, að um 25 km2 eða 46%
minna af algrónu landi fari undir
vatn ef virkjunarkostur II yrði val-
inn í stað virkjunarkosts I. Hér er
að okkar dómi um hlutlaust, en þó
afdráttarlaust álit að ræða, og
reyndist okkur ekki erfitt að kom-
ast að þessari niðurstöðu með
hliðsjón af fyrirliggjandi gögnum.
4. Við teljum eðlilegt, að við mat
á hugsanlegri landrýrnun vegna
virkjana og annarra mannvirkja sé
hliðsjón höfð af ýmiss konar
óvissuþáttum t.d. varðandi um-
hverfisáhrif og uppgræðslumögu-
leika. Við erum raunar dálítið
hreyknir af þeirri viðurkenningu,
sem felst í skrifum Torfa um álits-
gerð okkar og vitum, að hún hefur
komið að notum við gerð þeirra
samningsdraga, sem nú eru til, en
er ekki gagnslaust plagg til þess
eins fallið að auka á þykkt þess
fylgiskjalabunka sem jafnan er
samfara samningum sem þessum.
5. Að sjálfsögðu er öllum frjálst
að mynda sér skoðanir um álit
okkar. við gerum okkur ljóst, að í
slíku stórmáli, þar sem skoðanir
eru skiptar, líki mönnum misjafn-
lega hinar ýmsu álitsgerðir og
skýrslur. Þá er ætíð hætt við að
kappsfullir baráttumenn ásaki sér-
fræðinga um hlutdrægni, eftir því
sem málstaðnum þykir henta
hverju sinni. Okkur þykir þó miður,
ef samhengisiausar glefsur úr bréf-
um okkar til Rafmagnsveitna ríkis-
ins eru notaðar til að gera mál-
flutning deiluaðila í Blönduvirkj-
unarmálinu tortryggilegan í aug-
um þeirra, sem ekki hafa séð bréf-
in. Mál þetta verður að kanna öfga-
laust frá öllum hliðum og m.a. að
reyna að gera sér grein fyrir,
hverjar afleiðingar virkjunar gætu
verstar orðið fyrir gróður og beiti-
lönd. Það má ekki „bara sjúga upp
í nefið" eins og Torfi Jónsson,
oddviti á Torfalæk orðar það, og
láta koma sér í opna skjöldu, ef illa
fer.
Bændahöllinni 29. des.
1981
Olafur R. Dýrmundsson,
landnýtingarráðunautur
Óttar Geirsson,
jarðræktarrádunautur.