Morgunblaðið - 09.01.1982, Blaðsíða 5

MORGUNBLAÐIÐ, LAUGARDAGUR 9. JANÚAR 1982
5
Árni Kristjinsson Gisela Depkat
Gisela Depkat og Arni
Kristjánsson á tónleikum
FIMMTII tónleikar Tónlistarfélagsins verða haldnir í dag klukkan 14.30 í
Austurbæjarbíói. Þar leika Gisela Depkat sellóleikari og Árni Kristjánsson
píanóleikari verk eftir Boccherini, Bach, Beethoven, Ware og Debussy.
Gisela Depkat, sem í föðurlandi
sínu er talin meðal fremstu einleik-
ara, á sér marga aðdáendur meðal
íslenzkra tónlistarunnenda. Hún
var fyrsti sellóleikari í Sinfóníu-
hljómsveit íslands veturinn 1973 til
1974 og kenndi jafnframt mörgum
efnilegum tónlistarmönnum við
Tónlistarskólann í Reykjavík. Hélt
hún einleikstónleika m.a. á vegum
Tónlistarfélagsins. Gisela hefur
ferðazt víða um heim og haldið
tónleika og hlotið margs konar við-
urkenningu. Hún hefur kennt selló-
leik við þrjá stærstu tónlistarhá-
skóla Kanada.
Árni Kristjánsson, sem óþarft er
að kynna íslenzkum tónlistarunn-
endum, hefur leikið með Giselu
Depkat áður, m.a. fyrir Tónlistar-
félagið veturinn 1973 til 1974.
Aldraðir í Neskirkju
í DAG hefjast „samverustundir aldradra" í Neskirkju á ný. Dagskrá þessara
samverustunda hefur verið skipulögð þannig, að ýmist verður haft svokallað
„opið hús“ í safnaðarhcimili kirkjunnar, þar sem boðið verður upp á kaffisopa og
eitt og annað til fróðleiks og skemmtunar eða þá að farið verður í stuttar
kynnisferðir.
í fréttatilkynningu frá prestinum
í Neskirkju, segir að til kynnisferð-
anna sé efnt til þess að gefa kost á
því að fylgjast ofurlítið með borg-
arlífinu og skoða næsta nágrenni.
Dagskráin verður í stórum dráttum
sú, að í dag flytur dr. Gunnlaugur
Þórðarson hugleiðingar um tilver-
una í Reykjavík. Þá mun Ragnar
Hinriksson hinn 16. janúar sýna
myndir frá öræfum Islands, 23.
janúar verður ferð um Reykjavík og
farið upp í turn Hallgrímskirkju og
hinn 30. janúar verður bingó og fé-
lagsvist.
Kanna markaði á Arabíuskaganum:
Sýna iðnvarning og
sjávarafurðir og ræða
um flug- og ferðamál
ALLMÖRG íslenzk fyrirtæki kynna vörur sínar á mikilli matvæla- og þjón-
ustusýningu í Bahrain á næstunni, en sýningin hefst í næstu viku. Auk
sjávarafurða og iðnvarnings verður rætt um hugsanlegt leiguflug Flugleiða
eða annarra íslenzkra fyrirtækja þar, en einnig í Saudi-Arabíu og Kuwait og
hugsanlega einnig um aðra ferðamálastarfsemi.
Fyrir nokkru var stofnað fyrir-
tæki íslenzkra og saudi-arabískra
aðila og í framhaldi af stofnun
þess fyrirtækis er þessi þátttaka
Islendinga á fyrrnefndri sýningu.
íslendingar hafa ekki áður gert
slíkt átak til að komast inn á
markað í hinum olíuauðugu lönd-
um á Arabíuskaganum.
Fulltrúar Útflutningsmiðstöðv-
ar iðnaðarins á þessari sýningu
verða þeir Úlfur Sigurmundsson,
framkvæmdastjóri, Guðmundur
Svavarsson, aðstoðarfram-
kvæmdastjóri og Víglundur Þor-
steinsson, stjórnarformaður, frá
Búvörudeild Sambandsins verður
Gunnlaugur Björnsson, aðstoðar-
framkvæmdastjóri í Bahrain, þeir
Heimir Hannesson, framkvæmda-
stjóri og Eyþór Ólafsson, söl-
ustjóri, frá Sölustofnun lagmetis,
Árni Finnbjörnsson frá Sölu-
miðstöð hraðfrystihúsanna og
loks Pétur Thorsteinsson, sendi-
herra frá utanríkisráðuneytinu.
Tungl almyrkvað í kvöld
ALMYRKVI á tungli verður í kvöld og verði heiðskírt á
myrkvinn að sjást vel á austurhimninum. Samkvæmt upp-
lýsingum í almanaki Þjóðvinafélagsins byrjar hálfskuggi
jarðar að færast yfir tunglið klukkan 17.15 og alskugginn,
sem fylgir á eftir, klukkan 18.14. Tunglið er síðan al-
myrkvað klukkan 19.17.
Almyrkvun tungls er til
klukkan 20.35, er al-
myrkva lýkur. Miður
myrkvi er klukkan 19.56.
Tungl er laust við al-
skugga klukkan 21.38 og
hálfskugga klukkan 22.37.
A þessu ári verður al-
myrkvi á tungli tvisvar
sinnum utan myrkvans í
dag. Hinn 6. júlí verður
almyrkvi, sem ekki sést
hér á landi. Hinn 30. des-
ember, daginn fyrir gaml-
ársdag, verður síðan al-
myrkvi, sem hést hér. Sá
myrkvi er að morgni. Síð-
ast varð almyrkvi á
tungli, sem sást á íslandi,
árið 1978.
Kemst íslenzkt þjóð’
félag af án sjávarútvegs?
eftir (Haf Örn Jónsson,
togarasjómann
Á SAMA tíma og sjávarútvegs-
ráðherra lýsti því yfir að sjómenn
yrðu að lækka laun sín vegna auk-
ins afla, tróð hæstvirtur forsætis-
ráðherra í ræðustól á Alþingi og
lýsti sjómönnum og tekjum þeirra
sem stærsta vandamáli þjóðarinn-
ar.
Hvað er að ske, er eina stéttin,
sem sýndi biðlund á biðlund ofan í
baráttunni við efnahagsvanda, orð-
in svo mikið vandamál?
Er ástæðan sú, að sjómenn fara
þess á leit að laun þeirra verði ekki
skert meira en orðið er?
Eða er ástæðan sú, að sjómenn
vilja ekki lengur borga útgerðar-
mönnum þóknun í formi tímabund-
is olíugjalds, upphæðir sem nema
tugum þúsunda króna á ári?
Eða ætli ástæðan sé sú, að íslenzk-
ir sjómenn hafa aldrei áður komið
með jafnmikinn fisk að landi og
fengið jafn smánarlega lítið og nú
fyrir það gífurlega vinnuálag, sem
þeir hafa lagt á sig?
Það heyrast kröfur hjá fólki, sem
vinnur í landi um 36 klukkustunda
vinnuviku, á sama tíma og sjómenn
•eggja á sig 84 og upp í yfir 100
klukkustunda vinnuviku, til að færa
að landi mikinn, góðan og
óskemmdan afla. Hvers eiga þessir
menn síðan að gjalda þegar stjórn-
völd taka höndum saman um að
skerða svo tekjur þeirra að mögu-
leikar á 2ja til 3ja mánaða hvíld á
ári verða að engu, og því síðan lýst
yfir að þeir séu vandamál þjóðar-
innar númer eitt, þrátt fyrir að bú-
seta í landinu byggist að lang mestu
leyti á störfum þeirra.
En hvað er ég aumur sjómanns-
ræfill að raupa? Því tek ég ekki
brosandi við 30 til 40% launaskerð-
ingu eins og þrælar forfeðra okkar
tóku við sparki?
Nei, það verður ekkert af því. Nú
er mælirinn mikið meira en fullur
og allt hjal um að leysa málið eftir
einhverjum krókaleiðum (félags-
málapakka) er út í hött. Sjómenn
hafa axlað sínar byrðar og mikið
meira en það, hækkun og afnám
tímabundins olíugjalds eru skýlaus-
ar kröfur sjómanna á hendur ríkis-
stjórninni, sem á tveggja ára
stjórnarferli sínum hefur rýrt
tímakaup sjómanna meira en nokk-
ur önnur ríkisstjórn, sem setið hef-
ur við völd.
Furðurleg ummæli formælenda
frystihúsa og útgerðar, í blöðum
fyrir hátíðarnar, þar sem þeir eru
með dylgjur um að olíugjaldið sanni
að umsamin skiptaprósenta sé of
há, sýna að útgerðarmenn og frysti-
húsaeigendur höfðu gleypt við agni
ríkisstjórnarinnar um að etja sam-
an hagsmunum sjómanna annars
vegar og útgerðar og vinnslu hins
vegar.
En staðreyndin er sú, að allar
greinar sjávarútvegs eiga líf sitt að
verja í þjóðfélagi öngþveitisins og
lífæð hvort heldur er sjómanns, út-
gerðar eða vinnslu liggur í hafinu.
Þessar greinar eiga nú að snúa bök-
um saman um hagsmuni sína, því ef
þjóðfélagið telur sig komast betur
Ólafur Örn Jónsson
af án sjávarútvegs, þá kæmist sjáv-
arútvegur örugglega af án þess
þjóðfélags, sem rekið er hér í dag
með öllum sínum félags- og uppeld-
is- ráðgjöfum og spekúlöntum sem
spretta upp eins og gorkúlur um
alla afkima og deildir kerfisins.
Ég vil minna útgerðarmenn á þá
tíma, þegar togararnir lágu fyrir
utan hafnir oft á annan sólarhring
meðan verið var að smala mönnum
úr afkimum þjóðfélagsins til að
koma skipunum á veiðar. Sem betur
\P>HNKV=»STRI«
úfwóföF aim
EKKI
ERíðFflLLl UF HIAfU
'* , EKKI
\LLR 06
tlNR TlLGflNÖ W ófííq
"Í6 \i£F 6ERT ÖVEftULEúfl BRE'fT-
IM6U fl WflSKRIPTINNI.EN flO
fer sést þetta ekki í dag og ég vona
að það sé sameiginleg ósk sjómanna
og útgerðarmanna að þeir tímar
endurtaki sig ekki. Dæmin sýna að
skerðing á launum sjómanna hefur
ekki runnið til útgerðar, í staðinn
fer minna til sjávarútvegs og meira
í ríkishítina.
Sjómenn, við fengum okkar síð-
asta glaðning frá ríkisstjórn hinna
vinnandi stétta í haust er við feng-
um 5% hækkun fiskverðs á sama
tíma og aðrir launþegar fengu full-
ar vísitölubætur á launataxta sína.
Nú höfum við stungið við fæti og
litið um öxl, horfum á tveggja ára
tímabil niðurlægingar þar sem
troðið hefur verið á kjörum okkar
með alls konar aðgerðum. Við
spyrjum sjálfa okkur hvers vegna
erum við að þessu? Síðan setjumst
við niður og látum okkur líða vel í
faðmi fjölskyldu og vina á meðan
forráðamenn þjóðarinnar eru að
komast að sömu niðurstöðu og við,
um, að sjómenn láti ekki sjálfvilj-
ugir hneppa sig í ánauð, þótt svo að
hróður vinstri stjórnar sé í veði.
Að lokum óska ég sjómönnum til
hamingju með þá samstöðu sem
náðst hefur og veit, að hún mun
standa þar til réttlætanlegum kröf-
um okkar hefur verið fullnægt. Með
von um að sjást einhvern tíma fyrir
vorið óska ég öllum sjómönnum og
fjölskyldum þeirra gleðilegs nýs
árs.
Opnum í dag nýja stórglæsilega ver/lun að
Grensásvegi 8 (áður Axminster).
Nýtt á íslandi. Al.NO eldhúsinnrcttingar frá
Vestur-Þý/kalandi.
«
Vörukynning laugardag og sunnudag 1 — 6.
I jölmargar gerðir á verði sem allir ráða við.
Hagstætt verð og greiðsiuskilmálar.
♦
Húsbyggjendur og þið sem hyggist beyta
eldri eldhiisum komið — sjáið — og sann-
færist.
nuio eldhús
Grensásvegi 8 (áður Axminster) sími 84448