Morgunblaðið - 09.01.1982, Blaðsíða 16

16
MORGUNBLAÐIÐ, LAUGARDAGUR 9. JANÚAR 1982
MORGUNBLAÐIÐ, LAUGARDAGUR 9. JANÚAR 1982
25

Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrrr - Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Að-
alstræti 6, sími 22480. Afgreiðsla: Skeifunni 19, sími 83033. Áskrift-
argjald 100 kr. á mánuði innanlands. í lausasölu 6 kr. eintakiö.
X"
Islenzk ópera -
menningarviðburður
Það er merkur menninKarviðburður er Islenzka óperan hefur
störf í kvöld — í eigin húsi, Gamla bíói, með frumsýningu á
gamanóperunni Sígaunabaróninum eftir Jóhann Strauss í þýðinfju
Efjils Bjarnasonar.
Ópera hefur að vísu starfað áður hér á landi og var allmikil gróska
í óperuflutningi á árunum milli 1950 og 1965. Síðan má segja að þetta
menningarstarf hafi legið niðri um nokkurt árabil, en hafi vaknað til
nýs lífs á næstliðnum árum, t.d. í Þjóðleikhúsinu. Nú hefur hinsvegar
verið stofnuð sérstök íslenzk ópera, sem hefur starfsemi sína í eigin
húsnæði í kvöld. Garðar Cortes sagði í viðtali við Mbl. á sl. ári: „Tíma
áhugaóperunnar er ekki lokið og við þurfum enn um sinn að byggja á
áhuganum, en hins vegar stefnir Islenzka óperan að atvinnu-
mennsku."
Ástæða er til að vekja athygli á því að hér er um framtak einstakl-
inga að ræða, sem nú stíga merk skref til menningarauka, en for-
senda þess að vel takist til, er að sterk samstaða skapist milli allra
þeirra íslenzku listamanna, er búa yfir hæfileikum og menntun á
þessu sviði listsköpunar og túlkunar. Þá er ekki síður ástæða til að
minna á, að það var dánargjöf þeirra merku hjóna, Helgu Jónsdóttur
og Sigurliða Kristjánssonar, kaupmanns í Reykjavík, sem gerði kaup
Islenzku óperunnar á Gamla bíói möguleg.
Á þessum tímamótum er bæði skylt að horfa um öxl og þakka þeim
brautryðjendum, sem ísinn brutu um og upp úr 1950, söngvurum,
hljómlistarmönnum og stjórnendum, og fram á veginn — með góðum
óskum um samstöðu og samstarf allra listamanna okkar á þessu
sviði. Ein af okkar beztu söngkonum, Þuríður Pálsdóttir, sagði í
viðtali við Mbl. á síðasta ári: „Við verðum að horfast í augu við, að
við erum fá og smá og ef við ætlum að halda uppi menningarstarf-
semi á borð við reglulegan óperuflutning, verður það ekki gert nema
virkja afl áhugafólks með fullum stuðningi almennings og hins
opinbera."
Megi þessi merka viðleitni vel takast.
Brugðizt á öllum
vígstöðvum
Leiðarar Tímans verða æ dularfyllri með hverjum deginum sem
líður.
Ritstjóri blaðsins kemst að þeirri niðurstöðu í gær að í raun og
veru sé allur vandi atvinnuveganna, þjóðarbúskaparins og ríkis-
stjórnarinnar stjórnarandstöðunni að kenna, hvorki meira né minna!
Þessi niðurstaða kemur á hæla fyrri fullyrðinga um, að núverandi
stjórnarandstaða sé sú lélegasta, kraftminnsta og áhrifarýrasta í
manna minnum!! Ekki er nú samræminu fyrir fara í vopnatilburðun-
um.
Spyrja má:
Er innbyrðis ágreiningur stjórnarliða um gengisskráningu og
hugsanlegar efnahagsaðgerðir stjórnarandstöðunni að kenna?
Er ágreiningur hagsmunaaðila í veiðum og vinnslu um fiskverð —
og ágreiningur stjórnarliða um aðgerðir til að greiða fyrir fiskverðs-
ákvörðun stjórnarandstöðunni að kenna?
Er það stjórnarandstöðu að kenna að ríkisstjórnir hafa, allar
götur síðan 1978, saumað svo að íslenzkum atvinnuvegum, varðandi
starfsskilyrði, á sviði skattamála, gengismála og verðlagsmála, að
undirstöðuatvinnuvegirnir hafa verið reknir með siauknu tapi og
vaxandi skuldasöfnun, þrátt fyrir ytra góðæri aflaaukningar, hækk-
aðs útflutningsverðs og hagstæðrar gengisþróunar?
Er það stjórnarandstöðu að kenna að ríkisstjórn og stjórnarliðar
hafa mánuðum saman setið aðgerðarlausir og flotið sofandi að feigð-
arósi, þótt löngu væri sýnt að hverju stefndi um stöðvun fiskiskipa-
flotans — og þar með atvinnuleysi þúsunda fiskvinnslufólks um allt
land — og stöðvunar í helztu útflutningsframleiðslu þjóðarinnar?
Er algjör tæming atvinnuvegasjóða og stóraukin erlend skulda-
söfnun, sem hvort tveggja eru dæmigerð eyrnamörk allra vinstri
stjórna, verk stjórnarandstöðu?
Þannig mætti spyrja lengi enn. Hvert mannsbarn, sem fylgist
sómasamlega með framvindu mála í þjóðarbúskapnum og býr yfir
eðlilegri dómgreind, veit og skilur, að sökin er ríkisstjórnarinnar,
sem brugðizt hefur á öllum vígstöðvum. Slagorðið um verðbólgu-
hjöðnun niður á sama verðlagsstig og í nágrannalöndum þegar á
árinu 1982, slagorðið um stöðugt gengi nýkrónunnar og slagorðið um
að ná kaupmætti sólstöðusamninganna frá 1977 hafa öll orðið sér
rækilega til skammar. Samt rembist ritstjóri Tímans enn við að bera
ímyndaða birtu í rökieysuhripi sínu inn í skammdegi stjórnarsam-
starfsins. Vissulega er slík þrákelkni bæði einstæð og undraverð. En
skörin færist þó heldur betur upp í bekkinn þegar hann reynir að
hengja alla axarskaptasmíð og ágreining ráðherranna á klakk
stjórnarandstöðunnar. Það ber a.m.k. ekki vott trúar á eigin stað-
hæfingu Tímaritstjórans um veikleika stjórnarandstöðunnar, ef
hann heldur hana geta borið öll glöp ríkisstjórnarinnar!
Rekstur kyndistöðvar
Hitaveitunnar kostar
240 þús. krónur á dag
Mikil hætta á vatnsskorti ef hvessir segir hitaveitustjóri
„I»AU HÚS, sem standa efst á Kópavogshálsinum, hafa þegar
orðið vatnslaus í nokkrar klukkstundir og ef hvessir eitthvad
að ráði, þá er Ijóst að þau hverfi höfuðborgarsvæðisins sem
hæst standa, verða vatnslaus,“ sagði Jóhannes Zoega hita-
veitustjóri í samtali við Morgunblaðið í gær.
í fyrradag lá við að allir vatnsgeymar Hitaveitu Reykjavík-
ur tæmdust alveg, en ástandið lagaðist aðeins í fyrrinótt.
„Við notum hvern einasta dropa
aL vatni sem við höfum og auk
þess eru katlar kyndistöðvarinnar
kyntir til hins ýtrasta. Rekstur
kyndistöðvarinnar kostar Hita-
veituna 240 þúsund krónur á sól-
arhring, en sólarhringstekjur
fyrirtækisins eru 320 þúsund
krónur. Lætur því nærri að % af
tekjunum fari í rekstur kyndi-
stöðvarinnar," sagði Jóhannes.
Jóhannes sagði, að óhætt væri
að segja, að útlitið væri ekki
glæsilegt og að vatnsskorturinn,
sem nú væri, stafaði eingöngu af
því, að Hitaveitan hefði ekki haft
fjármagn til að bora eftir vatni á
síðustu árum. Hér væri því ein-
göngu slæmum fjárhag um að
kenna, en Hitaveita Reykjavíkur
hefði engan veginn fengið að
hækka taxta sína til jafns við
verðbólguna. Ef það færi að
hvessa og frostið minnkaði ekki,
þá litist sér hreint ekki á blikuna.
„Og skora ég á fólk að spara vatn
til hins ýtrasta," sagði Jóhannes
að lokum.
Heita vatnið
kynt í fyrsta
sinn í þrjú ár
VEGNA óvenjumikilla kulda og
vatnsskorts hefur undanfarna tvo
daga þurft að kynda heitt vatn til
upphitunar í húsum upp í 110 gráður
og eru til þess notuð 70 tonn af olíu
á sólarhring en kostnaður við það er
240.000 kr. í söfnunartönkunum út
af Grafarholti var ekkert vatn í
fyrradag en þá náði vatn tvo metra
upp í tankana í Öskjuhlíð.
Að sögn vélstjórans, Sveins Ax-
elssonar, í kyndi- og hverfisstöð
Hitaveitu Reykjavíkur í Árbæ, er
ástandið heldur að lagast því nú
næði vatnið í tönkunum í Öskju-
hlíð fjóra metra upp og taldi hann
að ekki þyrfti að grípa til skömmt-
unar vegna vatnsskorts. Sagði
Sveinn að þeir hefðu byrjað í
fyrradag að kynda vatnið en þá
var það í fyrsta sinn í þrjú ár sem
slíkt er gert. Vatnið, sem kemur
frá Reykjum, er 86 gráðu heitt en
í kyndistöðvum er það hitað upp í
110 gráður og síðan sent í geym-
ana í Öskjuhlíð en þar kólnar það
aftur í 80 gráður þegar það mætir
40 gráðu heitu vatni sem farið hef-
ur um húsið og er afgangsvatn.
Sagði Sveinn að vegna erfiðrar
fjárhagsstöðu hitaveitunnar hefur
ekki verið unnt að afla vatns sem
skyldi en þrýstingur er mjög lítill
á vatninu og getur það haft áhrif á
hitun húsa sem hæst liggja í borg-
inni.
Guðmundur Einarsson rafvirki og Sveinn Axelsaon vélstjóri í kyndi- og
hverfisstöð HiUveitu Reykjavíkur ( Árbæ. Ljó«m. Mbi. Kmiiu.
Ragnar Gíslason bóndi á Melhóli í Meðallandi á varnargarðinum við Leirvallarhólma í fyrradag, en á þessum slóðum
voru varnargarðar þá í sömu hæð og fljótið og í gær fór vatn yfir garða á þessum slóðum og einnig sunnar á
garðinum. Ljósm. Kagnar Axelsson.
Vatn yfir garða og að
túnfætinum við Strönd
KÚÐAFLJÓT rann á nokkrum stöð-
um yfir varnargarða í Meðallandi í
gær og var vatn komið fast að túnum
við bæinn Strönd, en það er syðsti
bær í byggð í vestanverðu Meðal-
landi. Ekki var það þó ýkja mikið
vatn, sem braut sér leið yfir varnar
garðana, og þó víða væri vatnsborð
fljótsins orðið jafnt varnargörðunum
lagði vatnið víða ofan á görðunum í
gaddinum og lítil hreyfing var á
fijótinu næst varnargörðunum
í Skaftártungu var flóðið farið
að réna verulega í gærkvöldi, neð-
an við brúna yfir Eldvatn við Ása
var mikið vatn í Flögulóni t.d. og
vatnsborð Tungufljóts hafði
hækkað upp fyrir brú. Vatn í
Kúðafljóti var enn að aukast fram
eftir degi í gær, en búist var við
því, að vatn í fljótinu færi að réna
í nótt sem leið.
Sighvatur Björgvinsson formaður þingflokks Alþýðuflokks:
Staðan miklu alvarlegri en
svartsýnustu menn héldu
„VIÐ fengum á fundinum upplýsingar frá Þjóðhagsstofnun,
sem okkur voru afhentar sem trúnaðarmál, um stöðu fisk-
veiða og vinnslu. Við fengum þessar upplýsingar með kröfu
og tilvitnun til laga eftir að hafa margbeðið um þær, en í þeim
kemur fram að staðan í þessum tveimur undirstöðuatvinnu-
greinum er miklu alvarlegri heldur en svartsýnustu menn
héldu fyrir áramót,“ sagði Sighvatur Björgvinsson, formaður
þingflokks Alþýðuflokksins, í lok þingflokksfundar í gær.
Sighvatur sagði einnig, að sér
væri kunnugt um að til viðbótar
þessum upplýsingum hefði ríkis-
stjórnin frekari upplýsingar um
alvarlega stöðu í ríkisbúskapnum.
„Þessar upplýsingar fela m.a. í sér
að niðurstaða efnahagsaðgerða
ríkisstjórnarinnar á síðasta ári er
ástæða þessarar hrikalegu stöðu
og ég tel stórhættulegt, ef ríkis-
stjórnin ætlar að láta fara fram
almenna umræðu um þessi mál án
þess að kynna þessar niðurstöð-
ur.“
Sighvatur var spurður um
hvaða þætti þessar leyndu upplýs-
ingar væru og sagði hann að sem
dæmi mætti nefna upplýsingar frá
Seðlabankanum um alvarlegan
viðskiptahalla við útlönd, bága
stöðu bankakerfisins, stöðu inn-
flutningsverzlunarinnar o.fl.
Sighvatur sagði í lokin: „Mér
finnst dæmigert að ríkisstjórnin
ætlar að leyna þessum upplýsing-
um. Það er skylda stjórnvalda að
skýra þetta rækilega fyrir lands-
mönnum.“
Beðið eftir olíu-
gjaldsákvörðun
„ÞAÐ ER verið að athuga með hvaða hætti við eigum að halda áfram okkar
aðgerðum, en á meðan engin niðurstaða er fengin varðandi olíugjaldið, er
engin ástæða til að ræða um það,“ sagði Óskar Vigfússon, formaður Sjó-
mannasambands Islands, þegar Morgunblaðið ræddi við hann í gær. „Það
má benda á það, að fiskverð hefur rýrnað um 41% miðað við taxta
fiskvinnslufólks frá árinu 1974 og ennfremur hefur fiskverð rýrnað um 15%
miðað við kauptryggingu áhafna á sama tíma.“
Guðmundur Hallvarðsson,
formaður Sjómannafélags
Reykjavíkur, sagði að félagið hefði
haldið fund í dag, föstudag, með
trúnaðarmönnum á togurum og
stærri skipum á Reykjavíkur-
svæðinu.
„Á þessum fundi okkar var rætt
um hvernig sjómenn gætu þjapp-
að sér betur saman. Þá var því
algjörlega vísað á bug á þessum
fundi, að pólitík væri hlaupin í
okkar aðgerðir og því mótmælt
harðlega," sagði Guðmundur.
Þá kom það fram hjá Guðmundi
að biðstaða væri nú í samninga-
málunum, þar sem stjórnvöld
hefðu ekki enn skýrt frá hvað þau
ætluðu að gera í sambandi við
olíugjaldið.
Eins og Morgunblaðið skýrði frá
í gær, þá var Sjómannasambandið
með formannafund í Reykjavík í
fyrradag og stóð fundurinn þar til
í fyrrinótt. í lok fundarins var
samþykkt eftirfarandi ályktun:
„Fundur formanna sambandsfé-
laga Sjómannasambands Islands
og fulltrúa sjómanna haldinn 7.
janúar 1982, mótmælir harðlega
óbilgjarnri afstöðu útvegsmanna
og frumkvæðisleysi stjórnvalda í
yfirstandandi vinnudeilu.
Frá því snemma í haust hefur
Landssambandi ísl. útvegsmanna
og stjórnvöldum verið ljóst að ef
ekki fengist viðunandi lausn á
fiskverði og kjaramálum sjó-
manna væri vinnustöðvun óum-
flýjanleg og þeir því haft nægan
tíma til umþóttunar og aðgerða.
Verkfall hefur staðið frá 26. des.
sl. og enn bólar ekki á lausn.
Fundurinn krefst þess að út-
vegsmenn komi til raunhæfra
samningaviðræðna við sjómenn,
og stjórnvöld tryggi nú þegar for-
sendur fyrir fiskverðsákvörðun
sem sé viðunandi fyrir sjómenn.
Sjávarútvegur er undirstaða ís-
lensks efnahagsltfs og afkomu ís-
lensku þjóðarinnar. Langvarandi
vinnudeila hefur því í för með sér
óbætanlegan skaða fyrir þjóðar-
heildina.
Fáist ekki viðunandi lausn á
þessari deilu fyrir sjómannastétt-
ina nú þegar, lýsir fundurinn
fullri ábyrgð á hendur ríkisvald-
inu og atvinnurekendum.
Fundurinn hvetur alla sjómenn
til órofa samstöðu þar til endanleg
lausn kjaradeilunnar er í höfn.“
Akureyri:
Framsókn hafn-
ar sameiginlegu
profkjori
Fulltrúaráðsfundur Framsóknar
flokksins á Akureyri ákvað í fyrra-
kvöld að taka ekki þátt í sameigin-
legu prófkjöri stjórnmálaflokkanna á
Akureyri fyrir bæjarstjórnarkosn-
ingarnar í vor. Þessi afstaða fulltrúa-
ráðsins mun hafa byggst á því, að þeg-
ar fundurinn var haldinn höfðu tveir
flokkar, Alþýðubandalag og kvenna-
listinn, hafnað sameiginlegu próf-
kjöri.
Morgunblaðinu var tjáð að á
fundi Framsóknarmanna hafi verið
ákveðið einhverskonar forval og að
síðan fari fram uppstilling.
„Afstaða útgerðar-
manna ekki óbilgjörn“
- segir Kristján Ragnarsson
„ÉG VÍSA því á bug að afstaða útgerðarmanna til sjómanna hafi verið
óbilgjörn," sagði Kristján Ragnarsson, formaður Landssambands ísl. út-
vegsmanna, um þá samþykkt sjómannafundarins í fyrradag, að afstaða
útgerðarmanna í kjaramálum væri óbilgjörn.
„Sjómenn hafa eins og aðrir enga ástæðu til þess að annað
fengið 3,25% kauphækkun frá 1. gildi um sjómenn en aðrar
nóvember. Aðrir hópar hafa lagt starfsstéttir," sagði Kristján.
sínar sérkröfur til hliðar og ég sé
völva vikunnar; Rgykjayýk fær nýjan borgar
stjóra f kjölfar breyttra valdahlutfalla
MENN hafa lengi reynt að spá fyrir um
ókomna tíma og gert það á ýmsan hátt.
Áður fyrr var spáð í innyfli dýra, hegð-
un dýra, gang himintungianna og ým-
islegt fleira. Frá örófi alda hafa völvur
mikið stundað spádóma, sennilega
fyrst sér til viðurværis, en orðið völva
er myndað af orðinu völur, sem merkti
stafur og var þá tákn förufólks. Enn
eru til konur, sera kallast völvur og
stunda spádóma. Ein af þeim er völva
Vikunnar og spáir hún í ár eins og í
fyrra um atburði þess árs, sem nú er að
hefjast.
Meðal þess, sem völvan segir í ný-
útkominni Viku, er að áfram verði
talsverðir efnahagsörðugleikar og í
janúar komi til svo alvarlegra deilna
á Alþingi um efnahagsmál að stjórn-
arslit virðist óumflýjanleg, en for-
sætisráðherra muni takast að koma í
veg fyrir að svo verði. Einnig muni
koma til alvarlegra deilna í marz
vegna komandi viðræðna við laun-
þegasamtökin, en upplausn verði
forðað með nýjum skammtímasamn-
ingum. Ríkisstjórnin verði ekki föst í
sessi, en hún muni lafa út árið.
Þá segir hún að valdahlutföll inn-
an borgarstjórnar Reykjavíkur muni
breytast og borgin fái nýjan borgar-
stjóra. Kvennaframboðin muni eiga
erfitt uppdráttar í komandi sveitar-
stjórnarkosningum, einkum í
Reykjavík, en muni þó stuðla að því
að valdahlutföllin muni breytast. Þá
segir hún að forseti landsins, Vigdís
Finnbogadóttir, muni ferðast til
vesturheims á þessu ári, líklega til
Kanada.
Völvan segir ennfremur að slysa-
alda í umferðinni muni hjaðna til
muna, en önnur slysaalda, mun
hættulegri muni í sjónmáli. Það sé
fíkniefna- og eiturlyfjaaldan. Lands-
menn muni komast að því að þessi
ófögnuður sé orðinn landfastur hér
og okkar stærstu slys muni eiga ræt-
ur að rekja til þeirrar ógæfu.
Um blaðaútgáfu segir hún að þar
verði mikið um að vera fram undir
mitt ár. Miklar tilfærslur verði á rit-
stjórnum blaðanna sjálfra og þekktir
menn í ritstjórnum hverfi til ann-
arra starfa og nýir bætist í hópinn.
Um erlend stjórnmál segir hún að
þau verði margslungin en hæst muni
bera málefni Vestur-Evrópu, sem
verði helzta bitbein stórveldanna á
þessu ári. Bandaríkjamenn vilji
draga sig út úr varnarsamstarfi sinu
þar og annarri aðstoð. Þetta muni
valda mikilli taugaspennu í Vestur-
Evrópu og forráðamenn þeirra landa
muni efna til ráðstefnu, þar sem
lokatilraun verði gerð til að fá
Bandaríkjamenn til að halda
óbreyttu ástandi í þessum heims-
hluta. Islendingar muni ekki eiga að-
ild að þessari ráðstefnu, en Norður-
löndin muni öll taka undir beiðni
Vestur-Evrópu um áframhaldandi
aðstoð og varnarforystu Bandaríkj-
anna. Heimsókn bandarísks ráða-
manns eða manna hingað til lands
muni sennilega vera í tengslum við
þessi mál og hver sem niðurstaðan
verði megi Islendingar hrósa happi.
Þá segir hún að viðskipti muni eflast
mjög og hreyfingar og tilfærsla á því
sviði örari en nokkru sinni fyrr, sem
sagt mikil gróska í viðskiptum. Einn-
ig verði mörkuð ný stefna í fram-
leiðslu orku, sem knýi ökutæki og til-
raunum verði hraðað í vinnslu elds-
neytisorku úr málmblöndum, ein-
hvers konar álblöndu og vatni.
Þá segir hún að tveir þekktir
stjórnmálamenn í Evrópu, annar
þjóðhöfðingi, muni hverfa til feðra
sinna. Pólland muni ekki verða mikið
í fréttum nema fyrstu mánuði ársins,
en mörgum muni finnast nóg um
þær fréttir, sem þaðan berist, þar til
skyndilega taki fyrir þær.
Hækkanabeiðnir raf-
yeitna nema allt að 50%
- auk nauðsynlegra hækkana vegna hækkunar raforkuverds frá Landsvirkjun
RAFVEITUR landSins eru nú
að móta hækkanabeiðnir á
gjaldskrám sínum, frá og
með 1. febrúar, og eru þær á
bilinu 25% til 50% auk þeirra
hækkana, sem nauðsynlegar
verða vegna hækkunar orku-
verðs frá Landsvirkjun, sem
víðast munu nema helmingi
hækkunar Landsvirkjunar,
sem beðið hefur um 29%
gjaldskrárhækkun.
Á stjórnarfundi í Rarik í gær
var ákveðið að fara fram á 50%
hækkun á núverandi gjaldskrá
auk um 15% hækkunar vegna
Landsvirkjunar, verði hækkun:
arbeiðni hennar samþykkt. I
þessu sambandi er tekið mið af
væntanlegri verðlagsþróun og
reiknað með 50% verðbólgu.
Stjórn Orkubús Vestfjarða hef-
ur ekki tekið ákvörðun um
hækkunarbeiðni, en reiknað er
með að hún verði allt að 50%.
Rafmagnsveita Reykjavíkur
hefur farið fram á 42% hækk-
un, Rafveita Hafnarfjarðar
hefur ákveðið að fara fram á
37% hækkun, Landsvirkjun
biður um 29%, rafveitur á Suð-
urnesjum eitthvað minna og
Rafveita Akureyrar hefur ekki
ákveðið sig enn, en búast má
við að hækkunarbeiðni hennar
verði á milli 30% og 40%.
Eins og áður sagði fara síðan
allar rafveiturnar fram á
hækkun, sem hlutfall af hækk-
un Landsvirkjunar auk þessa,
en sú hækkun er mismunandi
eftir orkukaupahlutfalli, en al-
gengt er að rafveiturnar þurfi
helming hækkunar Landsvirkj-
unar til að mæta hækkuninni á
heildsöluverði rafmagns.