Morgunblaðið - 18.05.1982, Page 12

12
MORGUNBLAÐIÐ, ÞRIÐJUDAGUR 18. MAÍ1982
Punktar um dagvistun
barna og grunnskóla
— eftir Huldu Val-
týsdóttur, sem skipar
9. sæti á framboðs-
lista Sjálfstœðis-
flokksins
Dagvistun barna í Reykjavík
fellur undir félagslega þjónustu
— er þáttur í starfi Félagsmála-
stofnunar Reykjavíkurborgar
með sérstaka stjórn dagvistar.
En uppbygging dagvistarheimila
í Reykjavík er í höndum félags-
málaráðs.
í stefnuskrá Sjálfstæðis-
flokksins fyrir borgarstjórnar-
kosningar 1982 segir í kaflanum
um félagslega þjónustu að aðal-
áherslu beri að leggja á vernd
fjölskyldunnar og er það í fullu
samræmi við landsfundarálykt-
un flokksins og að varðandi
dagvistun barna skuli velferð
barnsins ætíð sitja Lfyrirrúmi.
Ennfremur segir um önnur
meginatriði — að leggja beri
áherslu á uppbyggingu leikskóla
en tryggja jafnframt framboð
dagheimila og skóladagheimil-
isrúma til að mæta þörfum fyrir
heimilisdagvistun, því auðvitað
er viss hópur sem þarf á slíkri
úrlausn að halda, meðan vinnu-
markaður hefur ekki komið
nægilega til móts við þarfir
heimilanna. Þá segir og að upp-
bygging stofnana skuli miðast
við breytilegar þarfir og óskir —
sé sveigjanleg en ekki fyrirfram
bundin í langtímaáætlanir.
Sjálfstæðismenn vilja aukn-
ingu á fjölbreytni að því er varð-
ar rekstraraðild að dagvistar-
stofnunum, að vistun barna á
einkaheimilum sé eðlilegur val-
kostur og borgaryfirvöldum beri
að sjá til þess að slík vistun skili
þeim árangri sem frekast er
kostur, t.d. með námskeiðahaldi
fyrir dagmæður.
Auka ber þátttöku foreldra í
rekstrarkostnaði dagvistarstofn-
ana og tekið verði mið af efna-
hag foreldra — og samstarf for-
eldra, starfsmanna dagvistar
barna og skóla verði aukið.
í meirihlutatíð sjálfstæð-
ismanna í borgarstjórn var stöð-
ugt unnið að því að mæta þörf
borgarbúa fyrir dagvist barna.
Sem dæmi má geta þess að á
árunum 1968 og til og með 1977
bættust að meðaltali við ný
dagvistarrými fyrir 156 börn
árlega.
Á þessu 4 ára kjörtímabili
vinstri meirihlutans í borgar-
stjórn verða samtals tekin í
notkun ný dagvistarrými fyrir
609 börn, þar af um 150 sem
framkvæmdir voru hafnar við í
tíð Sjálfstæðisflokksins.
Á þessu kjörtímabili, sem er
að Ijúka, verður því árleg meðal-
talsfjölgun 152 börn, svo þrátt
fyrir stór orð um stórátak í þess-
um málum í upphafi kjörtíma-
bilsins er rétt haldið í horfinu.
í ályktun landsfundar Sjálf-
stæðisflokksins 1981 segir um
málefni fjölskyldunnar:
„Landsfundur ítrekar nú sem
fyrr mikilvægi fjölskyldunnar í
„A síðasta ári, sem er
síðasta heila árið
fyrir komandi kosn-
ingar, voru tekin 60
ný dagvistarrými í
notkun undir stjórn
vinstri meirihlutans,
en árið 1977, síðasta
ár meirihluta Sjálf-
stæðisflokksins, var
fjölgun plássa fgrir
228 börn.“
samfélaginu og að treysta beri
undirstöðu þessarar grunnein-
ingar þjóðfélagsins.
í umróti síðustu ára hefur
staða og hlutverk fjölskyldunnar
breyst. Hin hefðbundnu hlut-
verkaskipti raskast, þar sem sí-
fellt fleiri konur hafa aflað sér
meiri menntunar til starfa utan
heimilisins."
Og síðar segir: „Til að sam-
ræma þarfir barnsins, fjölskyld-
unnar og athafnalífsins ber að
hafa í huga m.a. að stefna að
stórátaki í uppbyggingu dagvist-
arheimila.
Leggja bar áherslu á að for-
eldrar geti skipt með sér uppeld-
isstarfi og fyrirvinnu enda
tryggir það aukið jafnrétti og
stuðlar að auknum þroskamögu-
leikum barna.
Laga ber vinnumarkað að
þörfum fjölskyldunnar m.a. með
því að koma á sveigjanlegum
vinnutíma og auka framboð á
hlutastörfum. Jafnframt ber að
framfylgja kröfu um samfelldan
skóladag."
Alþýðubandalagið var auðvit-
að með háværar kröfur í þessum
málaflokki í meirihlutatíð
Sjálfstæðisflokksins og mætti
nefna sem dæmi að í desember
1977 fluttu borgarfulltrúar Al-
þýðubandalagsins tillögu í borg-
arstjórn um að tekin skyldi í
notkun árlega á næstu 8 árum
240 dagvistarrými fyrir börn.
Á síðasta ári, sem er síðasta
heila árið fyrir komandi kosn-
ingar, voru tekin 60 ný dagvist-
arrými í notkun undir stjórn
vinstri meirihlutans, en árið
1977, síðasta ár meirihluta
Sjálfstæðisflokksins, var fjölgun
plássa fyrir 228 börn.
Á síðasta kjörtímabili var sett
á laggirnar nefnd sem fjallaði
um innra starf á dagvistarheim-
Lesendaþjónusta Morgunblaðsins:
Spurt og svarað
um garðyrkju
Hafliði Jónsson, garðyrkjustjóri Reykjavíkurborgar, hefur tekið að
sér að svara spurningum lesenda Morgunblaðsins um garðyrkju. Þau
verða síðan birt eftir því sem spurningar berast. Lesendur geta lagt
spurningar fyrir Hafliða, jafnt um ræktun matjurta sem trjárækt og
blómarækt. Tekið er á móti spurningum lesenda á ritstjórn Morgun-
blaðsins í síma 10100 á milli kl. 11 og 12 árdegis, mánudaga til
föstudaga. Hafliði Jónsson er landsþekktur garðyrkjufrömuður og
hefur haft yfirumsjón með öllum ræktunarmálum borgarinnar í nær
þrjá áratugi.
Hófblaðka, sírenur, ^
matjurtir og mosi
Bogsirena
í blóma
Versta
illgresi
Kristjana Sigurðardóttir,
Granaskjóli 12, spyr:
1. í garðinum hjá mér er stór ill-
gresisplanta. Blöðin eru mjög
stór, nánast eins og á rabarbara.
Þetta er skriðjurt með djúpar
rætur og mér virðist ómögulegt
að koma í veg fyrir hana. Hún
barst hingað fyrir um 15 árum
með mold, sem kom innan að
Kleppi. Hvernig get ég upprætt
hana? Dugar eitrið Casoron á
hana? Hvenær er best að eitra
og þá um leið hvernig?
2. Ég er með sírenurunna sem
laufgast en blómgast ekki. Hann
stendur við austurhlið hússins,
en þar er oft norðannæðingur.
Hvað get ég gert til að fá hann
til að blómgast?
Svar:
1. Hófblaðka er eitt versta ill-
gresi, sem við þurfum að glíma við
og ég þekki engin eiturefni, sem ör-
ugglega geta tortímt henni önnur
en algjör gjöreyðingarefni, sem
drepa um leið annan gróður. Það
má reyna Casoron, en það efni má
alls ekki koma í námunda við gras-
flötina eða grenitré.
2. Sírenur eru ekki viljugar að
blómstra hér hjá okkur, nema þar
sem þær njóta vel sólar og skjóls.
Hugsanlega mætti auka skjólið hjá
Kristjönu án þess að draga úr
þeirri birtu, sem völ er á fyrir
runnann.
Harmleikur
í Ártúnsholti
Þorkell Einarsson,
Grundarási 6, spyr:
1. Fyrir um tveimur árum var
plantað trjám fyrir ofan Nesti í
Ártúnshöfða. Nú er hins vegar ver-
ið að undirbúa byggingarlóðir á
sama stað og því eru plönturnar
einungis fyrir. Ég gerði mér ferð
þangað og spurði hvort ég mætti
ekki hirða þær, en enginn gat svar-
að mér. Nú beini ég þeirri spurn-
ingu til Hafliða Jónssonar, garð-
yrkjustjóra Reykjavíkurborgar,
hvort ég megi hirða plöntur, sem
losna vegna jarðrasksins?
Svar:
1. Vissulega kannast ég við
harmleikinn í Ártúnsholti, en ekki
trúi ég þó öðru en að þær plöntur,
sem þar eru eftir og samkvæmt
skipulagstillögum áttu að fá fram-
tíðarfriðland, fái að vaxa þar
áfram og treysti á, að Þorkell og
aðrir velviljaðir borgarar Reykja-
víkur stuðli að því að svo verði.
Með aðstoð starfsmanna minna
mun ég kappkosta að varðveita eða
bjarga trágróðri, sem stafar hætta
af tortímingu.
Ættu ad lifa
Erla Salómonsdóttir,
Egilsstööum, spyr:
1. Fyrir síðasta hret var ég búin að
sá út í beð undir beða-plasti
matjurtafræi; gulrótum, salati,
rauðkáli, púrrulauk og hnúðkáli.
Er hugsanlegt að fræin hafi þol-
að 8 stiga frost, eða eru þau öll
ónýt?
2. Ég er búin að búa til blóma-
áburð, sem m.a. er ætlaður á
gardeníur og aðrar svipaðar
jurtir. Þetta er ammóníumsúlf-
at, 0,1% að styrkleika. Hversu
sterk á áburðarupplausnin að
vera?
Svar:
1. Matjurtafræi, sem ekki er far-
ið að skjóta kími, á ekki að vera
nein hætta búin þótt jörð frjósi eft-
ir að því hefur verið sáð.
2. Rétt er að benda á, að upp-
lausn, sem hentar gardeníum, as-
aleum o.fl. plöntum er þurfa súran
áburð, fæst í blómabúðum og mun
hagkvæmara er fyrir fólk, sem ekki
er með umfangsmikla ræktun, að
kaupa slíka áburðarupplausn frem-
ur en að standa í eigin framleiðslu.
Eitt gramm af ammóníumsúlfati
ætti að vera hæfilegt magn í einn
lítra af vatni. Best er að gefa lítinn
áburðarskammt í einu, en vökva
heldur oftar með áburðarupplausn.
Gæta skal þess að vökva aldrei með
áburðarvatni í þurra mold.
Hvad er ad?
Magnús Baldvinsson spyr:
Mig vantar heillaráð til að losna
við mosa, sem er orðinn ansi
mikill í garðinum hjá mér. Hvað
er best að gera?
Svar:
Fyrst og fremst þurfum við að
spyrja hvers vegna mosinn herjar á
grasflötina okkar.
— Er of mikill skuggi?
— Er of mikil bleyta?
— Er of lítið borið á?
Eftir að hafa leitað svara við þess-
um þremur spurningum og talið
okkur hafa fundið að eitthvað af
þessu þrennu eða máski allir þessir
þrír þættir séu ekki á þann veg,
sem vera ætti, þá reynum við að
bæta úr því, sem við á.
Langar
í garðyrkju
llansina Gisladóttir spyr:
Átján ára stúlka hefur áhuga á
að fara í garðyrkju og hefur
jafnvel í huga að leggja hana
fyrir sig. Hins vegar langar hana
að komast í sumarvinnu við
garðyrkju, til þess að fá nasasjón
af því hvað kann að bíða hennar,
áður en hún gerir upp hug sinn
endanlega. Hvert á hún að snúa
sér í þessum efnum?
Svar:
Stúlkan ætti að kanna möguleika
á að fá vinnu hjá garðyrkjustöð.
Hugsanlega gæti ráðningarskrif-
stofa landbúnaðarins, sem er til
húsa hjá Búnaðarfélagsskrifstof-
unni (Hótel Sögu), greitt götu
hennar. Ef um störf er að ræða í
Reykjavík fara ráðningar fram
fyrir milligöngu Ráðningarskrif-
stofu borgarinnar, sem er til húsa í
Borgartúni 2.