Morgunblaðið - 18.05.1982, Side 20

20
MORGUNBLAÐIÐ, ÞRIÐJUDAGUR 18. MAÍ1982

Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aðalstræti 6, sími 10100. Auglýsingar: Aö-
alstræti 6, sími 22480. Afgreiðsla: Skeifunni 19, sími 83033. Áskrift-
argjald 110 kr. á mánuði innanlands. í lausasölu 7 kr. eintakið.
Undirbúa nýja
vísitöluskerðingu
Um þessar mundir eru fjögur ár liðin frá því, að Alþýðubanda-
lagið, Alþýðuflokkurinn, Alþýðusamband íslands og fleiri
launþegasamtök geystust fram í kosningabaráttunni fyrir borgar-
stjórnarkosningarnar þá undir kjörorðinu „samningana í gildi“.
Þessi barátta snerist um það að hnekkja ákvörðunum þáverandi
ríkisstjórnar um takmarkaða vísitöluskerðingu og koma ríkis-
stjórninni sjálfri frá völdum. Fjórum árum seinna hafa samingarn-
ir ekki verið settir í gildi. Alþýðubandalagið hefur þó haft forystu
fyrir vinstri meirihlutanum í borgarstjórn Reykjavíkur og verið
mestráðandi í ríkisstjórn á þessu tímabili. Kosningaloforð þessara
aðila eru orðin að einhverri mestu blekkingu, sem höfð hefur verið
uppi í stjórnmálabaráttu samtímans.
I raun og veru lýsir það framferði Alþýðubandalagsins í hnot-
skurn, að sömu daga og kosningabaráttan fyrir borgarstjórnar-
kosningar nú er að ná hámarki, er upplýst opinberlega hér í Morg-
unblaðinu, að fulltrúi Alþýðubandalagsins, Þröstur Ólafsson, að-
stoðarmaður fjármálaráðherra, hefur setið á fundum í vetur og vor
með aðilum vinnumarkaðar til þess að undirbúa enn frekari
vísitöluskerðingu en þó er orðin á þessu tímabili og mun víðtækari
en sú, sem varð tilefni til baráttunnar, sem háð var undir kjörorð-
inu „samningana í gildi“. Eins og menn ef til vill muna setti
ríkisstjórnin á stofn svonefnda viðræðunefnd um nýtt viðmiðun-
arkerfi, skömmu eftir síðustu áramót. Þessi nefnd hefur haldið
óformlega fundi með ýmsum aðilum, bæði vinnuveitendum og laun-
þegum. Á þessum fundum hafa nefndarmenn reifað hugmyndir
sínar um frekari skerðingu kaupgjaldsvísitölunnar. Þessar hug-
myndir, sem ríkisstjórnin hefur sett fulltrúa sína í að ræða, eru
m.a. þessar:
Verði aukning á útgjöldum ríkissjóðs til félagslegra málefna skal
það koma tiL frádráttar á kaupgjaldsvísitölu. Á þessu ári hefði
þetta þýtt umtalsverða skerðingu. Settar hafa verið fram hug-
myndir um að lengja verðbótatímabil í allt að sex mánuði þ.e.
verðbætur komi ekki fyrr en sex mánuðum seinna. Rætt hefur vérið
um að taka orkukostnað alveg út úr vísitölunni, þannig að hækkun
á orkuverði þýði ekki hækkaðar verðbætur.
Hér skal ekki felldur dómur um það, hvort þessar hugmyndir
ríkisstjórnarinnar eru skynsamlegar eða ekki. Vísitölukerfið er
meingallað og vissulega þörf á að gera umbætur á því. En það er
óneitanlega dálítið kaldhæðnislegt, að nákvæmlega fjórum árum
eftir að Alþýðubandalagið barðist um á hæl og hnakka undir kjör-
orðinu „samningana í gildi“, skuli sérlegur fulltrúi þess sitja á
lokuðum trúnaðarfundum til þess að leggja á ráðin um það, hvernig
hægt sé að skerða vísitöluna ennþá meira. Það þarf engan að
undra, þótt Þorsteinn Pálsson, framkvæmdastjóri Vinnuveitenda-
sambands íslands, hafi látið svo um mælt hér í blaðinu, að stefna
Ragnars Arnalds, fjármálaráðherra, yfirmanns Þrastar Ólafsson-
ar, í kjaramálum, væri eins og töluð út úr sínu hjarta.
Alþýðuflokkur
vill vinstri stjórn
Frambjóðendur Alþýðuflokksins við borgarstjórnarkosningarn-
ar í Reykjavík hafa gefið ótvíræðar yfirlýsingar um, að þeir
stefni að áframhaldandi vinstra samstarfi í höfuðborginni að kosn-
ingum loknum. Alþýðuflokkurinn gengur nú til kosninga undir
forystu Sigurðar E. Guðmundssonar, sem um tveggja áratuga skeið
hefur verið einn helzti talsmaður þeirra afla í Alþýðuflokknum,
sem alltaf vilja vinstri stjórnir.
í kosningabaráttunni nú hefur Sigurður E. Guðmundsson lýst
því yfir á þann veg, að ekki verður misskilið, að hann stefni að
áframhaldandi vinstra samstarfi í Reykjavík að kosningum lokn-
um. Einn meðframbjóðenda hans, Bjarni P. Magnússon, hefur tekið
í sama streng. Sjöfn Sigurbjörnsdóttir, sem löngum hefur talið sig
sérstakan andstæðing kommúnista, hefur lýst því yfir sérstaklega,
að vinstra samstarfið í höfuðborginni hafi gengið vel og mun betur
en samstarf sömu flokka í ríkisstjórn. Það fer því heldur ekki á
milli mála, hvert hugur hennar stefnir að kosningum loknum.
Sigurður E. Guðmundsson hefur gengið svo langt að segja, að mikið
sé um jafnaðarmenn á framboðslista Alþýðubandalagsins.
Þessar yfirlýsingar talsmanna Alþýðuflokksins undirstrika eitt
og fyrst og fremst eitt: atkvæði greitt Alþýðuflokknum í kosning-
unum á laugardaginn kemur er atkvæði greitt nýrri vinstri stjórn í
borgarstjórn Reykjavíkur. Þetta þurfa borgarbúar að hafa vel í
huga, þegar kemur að kjördegi.
„Mig langar að
stuðla að því að eyða
vanmetakenndinni“
EINS OG frá hefur verið skýrt í
Morgunblaðinu, hlaut Bragi Ás-
geirsson myndlistarmaður Bröste-
bjartsýnisverðlaunin í ár, en þau
nema 25 þús. dönskum krónum og
verða afhent 2. júní næstkomandi
við hátíðlega athöfn í Kaupmanna-
höfn. Morgunblaðið hafði sam-
band við Braga af þessu tilefni.
„Ég fékk að vita þetta núna
þegar ég kom heim frá París og
ég varð bæði hissa og ánægður.
Ekki endilega sjálfs mín vegna,
heldur allra þeirra sem eiga í
erfiðleikum og reyna af fremsta
megni að sigrast á þeim. Ég er
sjálfur bæði þunglyndur og
bjartsýnn að eðlisfari, en
grunntónninn í lífi mínu hlýtur
að vera bjartsýni.
Sumir segja, að listamenn
verði til vegna baráttu anda og
efnis, en ég vil þar bæta við bar-
áttunni milli bjartsýni og
svartsýni.
Ég álít, að ég hafi lært að nota
sjónina vel og það er mikill guð-
dómur falinn í sjóninni. Eftir því
sem ég eldist verð ég æ gráðugri
í að nota sjónina og það halda
mér engin bönd ef ég veit af
góðri sýningu erlendis. Þá er ég
farinn af landi brott með það
sama. Og þótt það kosti mikla
peninga, þá fæ ég þá alltaf aftur
með einhverjum hætti. Þetta er
sannarlega bjartsýni.
Við Erró erum ekki bara vinir
heldur líka andlegir bræður. Við
viljum sökkva okkur niður í
hlutina í kringum okkur, en
túlkum þá á mismunandi hátt.
Ég sækist eftir hlutum sem gefa
lífinu fyllingu og reisn. Hann
líka. Kannski eimir enn eftir af
því menntunarhungri sem ein-
kenndi okkur, þegar við vorum
saman í Osló forðum. Við vorum
alltaf fyrstir í skólann á morgn-
ana og síðastir heim á kvöldin.
Við gátum aldrei fengið nóg.“
Verður að gera
miklu betur
„Maður er alltaf að leita sér
menntunar og sönn menntun
verður ekki staðfest með skjöl-
- segir Bragi Ás-
geirsson myndlistar-
maður, sem hefur
hlotið Bröste-bjart-
sýnisverðla unin
um og pappírum, sönn menntun
skilar sér í menningunni og
menningin er miklu meira virði
en allt það sem mölur og ryð fá
grandað.
Það gengur reyndar erfiðlega
að predika þetta í íslensku þjóð-
félagi. En maður reynir að gera
sitt besta. En eins og frægur
maður sagði, þá er ekki nóg að
gera sitt besta. Maður verður að
gera miklu betur.
Þessi verðlaun gera mig bjart-
sýnan. Þau eru í mínum augum
bæði áfangi og viðurkenning og
það gleður mig mikið að fá þessa
viðurkenningu frá löndum mín-
um, því það eru fulltrúar þeirra
sem skipa nefndina sem ákveður
hver skuli hljóta verðlaunin.
Erfiðasti þröskuldurinn sem
verður á vegi manna, er jafnan
vanmat á möguleikum þeirra og
hæfileikum. Heimurinn væri
betri ef fólk reyndi oftar að
hvetja náungann til dáða fremur
en rífa alltaf niður. Ég er stoltur
af einum eiginleika mínum, en
hann er sá, að ég er aldrei af-
brýðisamur út í náungann og
gleðst alltaf yfir velgengni vina
minna. Ég hef ekki heyrt í 42 ár.
Ef einhver les þetta sem heyrir
ekki, þá vona ég líka, að þessi
viðurkenning mér til handa geri
hann bjartsýnni á veruleikann."
Gefa út bækur
um málaralist
„Ég ætla að geyma mér þessi
verðlaun. Ég er nú að fara í
launalaust ársfrí frá Myndlista-
og handíðaskólanum, þar eð ég
hef hlotið starfslaun Reykjavík-
urborgar í þann tíma. En ég
hyggst nota komandi tíma vel.
Kannski vinn ég í nokkra mán-
uði í Kaupmannahöfn og Hels-
ingfors og skrifa um list nor-
rænna starfsbræðra minna. Mig
langar að gefa út bækur um mál-
aralist. Mig langar að sýna fram
á, að við á Norðurlöndum þurf-
um ekki að skammast okkar
fyrir myndlist okkar og menn-
ingu gagnvart öðrum þjóðum.
En það virðist vera einhver van-
metakennd ríkjandi hér. Mig
langar að stuðla að því að eyða
henni.
Við höfum átt mikla lista-
menn á öllum sviðum og þótt
Norðurlandaþjóðirnar séu ekki
stórar að höfðatölu eru þær stór-
ar í menningu sinni.
Ég hef ekki hlotið mikla
menntun, en ég lærði að lesa hjá
móður minni þegar ég var sjö
ára og það hefur breytt miklu
fyrir mig síðar, að ég var fluglæs
þegar ég missti heyrnina. Vegna
þess að málið er svo gott og fal-
legt, en erfitt. Faðir minn var
strangur maður og vildi alltaf að
maður skrifaði íslenskuna eins
vel og hægt var og helst alin bet-
ur. Ég bý að þessu enn í dag.
Ég mun taka við verðlaunun-
um 2. júní í stórveislu í Kaup-
mannahöfn, þar sem verða víst
um 150 manns, þ.á m. ýmsir af
mætustu listamönnum Dan-
merkur.
Ég hlakka mikið til.“
— SIB.
MORGUNBLAÐIÐ, ÞRIÐJUDAGUR 18. MAÍ1982 29
Deila ríkisins og hjúkrunarfræöinga o
Stjórn Sjúkrahússins
í Neskaupstað:
Hjúkrunarfræð-
ingarnir teljast
deildarhjúkr-
unarfræðingar
MORGUNBLAÐINU hefur borist eft-
irfarandi athugasemd frá stjórn
sjúkrahússins á Neskaupstað:
„Vegna frétta, sem birtar hafa
verið í fjölmiðlum um bráðabirgða-
samkomulag um launakjör hjúkrun-
arfræðinga, sem vinna á Fjórð-
ungssjúkrahúsinu á Neskaupstað,
skal tekið fram:
Hjúkrunarfræðingar á sjúkrahús-
inu eru ekki fleiri en það, að á öllum
tímum sólarhringsins nema á
morgnana er aðeins einn hjúkrunar-
fræðingur á vakt og stjórnar þá
einn allri vinnu á deildum sjúkra-
hússins. Þeir hjúkrunarfræðingar,
sem hér vinna teljast því deildar-
hjúkrunarfræðingar. Bráðabirgða-
samkomulag það sem hér hefur ver-
ið gert er í samræmi við úrskurð
kjaranefndar frá 1. apríl 1982.
Á sjúkrahúsinu eru nú skipaðar
4,2 stöður hjúkrunarfræðinga, auk
hjúkrunarforstjóra. Þar að auki
vinnur einn hjúkrunarfræðingur í
hálfu starfi á skurðstofu.
Stjórn Fjórdungssjúkrahússins."
Sjúklingar ná
sér síðar og
verða seinna
virkir 1 at-
vinnulífinu
- segir landlæknir
„Staðan er nú þannig að útskrifaðir
hafa verið um helmingur þeirra sjúkl-
inga sem á spítölunum hafa legið, og
það þýðir auðvitað að fjölmargir hafa
verið sendir heim, sem ættu að öðru
jöfnu að vera á sjúkrahúsum," sagði
Olafur Olafsson landlæknir i samtali
við Morgunblaðið í gær, er hann var
spurður hvernig ástandið væri í hjúkr-
unarfræðingadeilunni.
„Það fer ekkert á milli mála að
þetta getur orðið til þess að sjúkl-
ingar nái sér síðar og verði síðar
virkir í atvinnulífinu, fyrir utan
vanlíðan og annað,“ sagði landlækn-
ir ennfremur. „Læknum er hins veg-
ar auðvitað ljóst, að þeir verða að
svara kalli og veita þjónustu eins og
þeir geta, en möguleikar þeirra til
að veita þá þjónustu takmarkast
meira og meira með hverjum dcgi.
— Einkum vegna þess hve óvíst er
hvað er hægt að ná inn af hjúkrun-
arfræðingum næsta dag. Þetta hef-
ur sín beinu og óbeinu áhrif á líðan
sjúklinga, þótt erfitt sé að dæma um
áhrifin til lengdar. Of mikið væri
sagt með því að telja mannslíf í
hættu, en augljóst er að þessi deila
bitnar á þriðja aðila."
— Getið þið eitthvað þrýst á yfir-
völd til að leysa þessa deilu?
„Já, við höfum auðvitað reynt að
fá deiluaðila til að ganga til sam-
komulags, og um leið höfum við
unnið að því að skipuleggja þjón-
ustu þá sem veitt er, og læknar hafa
brugðist afskaplega vel við öllum
tilmælum um að gera allt sem í
þeirra valdi stendur til að gæta vel-
ferðar og öryggis sjúklinga," sagði
Ólafur Olafsson landlæknir að lok-
Þeir skilja
ekki neyðar-
ástandið sem
ríkir — þetta
snertir þá
ekki mikið
- segir Sigríður Guð-
mundsdóttir
„Það gerðist ekkert á þessum fundi
með fjármálaráðherra og mönnum
hans, staðan er óbreytt og ekki hefur
verið boðað til nýs fundar. Þeir virðast
ekki skilja þetta neyðarástand, sem
Minnispunktar úr stefiiuskrá
sjálfstæðismanna í borgarmálum
Sjálfstæðisflokkurinn
breiðfylking allra stétta.
er
öflug
Sjálfstæðisflokkurinn er félagslega
sinnaður flokkur, og hefur leitt fé-
lagslega uppbyggingu í borginni í
hálfa öld. Flokkurinn gefur mannin-
um, einstaklingnum, meira svigrúm
til eigin skoðana og athafna en aðrar
stjórnmálastefnur.
•
Efling atvinnuveganna er megin-
nauðsyn í þróttmikilli borg. Undir-
stöðuatvinnuvegina verður að efla.
Iðnað og þjónustu verður að efla. Til
þess þarf að lækka aðstöðugjöld og
skatta á fyrirtækjum, tryggja nægi-
legt framboð á lóðum.
•
Við viljum að saman fari hlið við
hlið einkarekstur og rekstur á félags-
legum grundvelli eftir því sem hag-
kvæmt er hverju sinni.
Við viljum stuðla að fjölbreyttu
mannlífi í aðlaðandi umhverfi og gefa
fólki svigrúm til þess að koma sínum
eigin hugmyndum í framkvæmd.
•
Unga fólkið í borginni þarf að fá að
njóta sín betur, það þarf að geta haft
meiri áhrif á mótun sinnar borgar.
Unga fólkið verður að treysta betur,
fela því meiri ábyrgð á eigin lífi sem
og sínu umhverfi. Stöðugt verður að
leita nýrra leiða í skólamálum og al-
mennum uppeldismálum.
Við viljum efla gróður- og trjárækt
í Reykjavík og efla gróðurvernd og
uppgræðslu á nærliggjandi landsvæð-
um kringum Reykjavík, til yndisauka
borgarbúanna og öðrum landsmönn-
um.
Við viljum bæta frum-heilsugæslu í
borginni og reisa heilsugæslustöðvar í
öllum hverfum borgarinnar á næstu
árum. Á síðasta kjörtímabili hefur
ekki verið hafin bygging einnar ein-
ustu nýrrar heilsugæslustöðvar.
•
Sjálfstæðisflokkurinn vill að
Reykvíkingar fái haldið því frelsi sem
felst í því að eignast eigið húsnæði og
geta ráðstafað því og sínu aflafé eins
og hugur stendur til. Sérstaklega þarf
að auðvelda ungu fólki að koma sér
upp húsnæði.
•
Jafnrétti karla og kvenna verði að
fullu tryggt bæði hvað varðar laun,
þátttöku í félagsstörfum og á almenn-
um vinnumarkaði.
Við viljum að framtíðarbyggð rísi á
láglendi með ströndum fram, en ekki
á þverbrestasvæði vinstrimanna við
Rauðavatn.
Við viljum standa að skipulagi
Reykjavíkur á grundvelli þekkingar
og í góðu samstarfi við aðliggjandi
sveitarfélög.
•
Við viljum stefna að því að nýta
byggðasvæði og byggingarlóðir í borg-
inni vel, en teljum það glapræði að
ráðstafa útivistarsvæðum borgarbúa
undir nýbyggð.
•
Sjálfstæðismenn leggja áherslu á
að stjórna þarf borginni með hags-
muni allra borgarbúa fyrir augum.
•
Sjálfstæðisflokkurinn telur að út-
gjöld eigi að ráðast af tekjum. Flokk-
urinn mun sveigja snöggt frá þeirri
ofsköttunarstefnu sem ríkt hefur síð-
ustu 4 ár nái hann meirihluta á ný.
ríkir á sjúkrahúsunum i Reykjavík og
þetta snertir þi ekki mikið,“ sagði Sig-
ríður Guðmundsdóttir hjúkrunarfrteð-
ingur í samtali við Morgunblaðið i
ger. Hún hafði þá fyrr um daginn ver-
ið á fundi með Ragnari Arnalds fjár-
málaráðherra og aðstoðarmanni hans
Þresti Ólafssyni og Þorsteini Geirs-
syni skrifstofustjóra.
Af hálfu hjúkrunarfræðinga sátu
fundinn fulltrúar hjúkrunarfræð-
inga á stóru spítölunum í Reykjavík;
Landakotsspítala, Landspítala og
Borgarspítala, formaður Hjúkrun-
arfræðingafélagsins og kjararáð.
„Þetta voru frekar stuttar viðræð-
ur og það þokaðist ekkert í samkom-
ulagsátt," sagði Sigríður. „Þeir hafa
sýnt afar lítinn samningsvilja, og
þeir eru ekki tilbúnir til að semja
við okkur að því er mér virðist. —
Síðar um daginn hafa svo hjúkrun-
arfræðingar rætt málin á vinnu-
stöðum sínum, og það er alls staðar
ákveðið að við höldum okkar striki,
samstaðan er enn meiri en áður, við
höfum fíleflst við þær móttökur sem
við höfum fengið, og það verða ekki
opnuð fleiri rúm,“ sagði Sigríður,
„en hér á Landspítalanum eins og
annars staðar er allt yfirfullt,"
sagði hún að lokum, „við bíðum bara
eftir því að ráðherrann og menn
hans átti sig á því sem er að gerast.“
Margir semja
við sama
starfshóp
en einn aðili
greiðir brúsann
— segir Þröstur
Ólafsson um samn-
inga í Neskaupstað
og á Selfossi
„Það er ekkert af fundinum að
segja, og annar fundur hefur ekki ver-
ið boðaður, staðan er óbreytt frá þvi
sem var,“ sagði Þröstur Ólafsson að-
stoðarmaður fjármálaráðherra í sam-
tali við blaðamann Morgunblaðsins I
gær, eftir fund ráðuneytismanna með
hjúkrunarfræðingum sem í vinnudeil-
um eiga við fjármálaráðuneytið.
Þröstur sagði samninga þá, sem
gerðir hafa verið við hjúkrunar-
fræðinga í Neskaupstað og á Sel-
fossi, auðvelduðu ekki gerð heildar-
samkomulags. Þar væru mismun-
andi forsendur á ferðinni, bráða-
birgðasamkomulag og endanlegri
launaflokkaröðun haldið opinni í
öðru tilviki, hins vegar störf sem
væru ólík því sem verið væri að
fjalla um í deilunni hér, meiri
stjórnunarstörf. „Við höfum enga
skoðun á því,“ sagði Þröstur, er
hann var spurður hvort ráðuneytinu
þætti ef til vill miður að samning-
arnir hefðu verið gerðir, „það er mál
þeirra sem að þeim stóðu. En þetta
vekur menn til umhugsunar um
þetta kerfi, það eru margir aðilar
sem semja við sömu starfshópa, en
einn og sami aðili borgar brúsann.
Menn hljóta að skoða hvort það geti
talist eðlilegt, án þess að ég hafi
eina skoðun á því frekar en aðra.“
— Næsta skref af ykkar hálfu?
„Ég veit ekki, ég reikna með að
reynt verði að boða til fundar ein-
hvern tíma, þegar menn telja sig
geta og hafa aðstæður til, hvor aðil-
inn sem hefur frumkvæðið að því,
það er annað mál. Aðgerðirnar hafa
ekki auðveldað þessa lausn neitt,
þessar ólöglegu aðgerðir."
— Hefur ráðuneytið hugsað til
aðgerða vegna þessara „ólöglegu að-
gerða“ hjúkrunarfræðinga?
„Nei, það hefur ekkert verið hugs-
að til aðgerða í því,“ sagði aðstoðar-
maður Ragnars Arnalds fjármála-
ráðherra að lokum.
Erfitt að
halda uppi
lágmarks-
bráðaþjónustu
- segja formenn
læknaráða spítalanna
í Reykjavík
LANDLÆKNIR og borgarlæknir hafa
óskað eftir því við Borgarspitala að
þar verði sinnt bráðavakt í dag, þriðju-
dag og við Landspítala að bráðavakt
verði annað þar á miðvikudag og hafa
læknar orðið við þeim óskum að svo
miklu leyti sem fóng eru á að því er
Ásmundur Brekkan yfirlæknir á Borg-
arspítala tjáði Mbl. en formenn
læknaráða spítalanna þriggja í Reykja-
vík sátu síðdegis í gær á fundi og
ræddu þar vandamál vegna uppsagna
hjúkrunarfræðinga. Samþykktu þeir
eftirfarandi yfirlýsingu:
„Formenn læknaráða Landa-
kotsspítala, Landspítala og Borgar-
spítala lýsa hér með áhyggjum og
kvíða vegna þess öngþveitis er er að
verða á sjúkrahúsum borgarinnar
vegna kjaradeilu hjúkrunarfræð-
inga. Við óbreyttar aðstæður verður
mjög erfitt að halda uppi lág-
marksbráðaþjónustu. Formenn
læknaráðanna skora á hæstvirtan
fjármálaráðherra, Ragnar Arnalds,
að hefja nú þegar raunhæfar við-
ræður til lausnar deilunni.
Ólafur Örn Arnason,
Landakotsspítala,
Magnús Karl Pétursson,
Landspítala,
Ásmundur Brekkan,
Borgarspítala."
„Sannleikanum er
hver sárreiðastur“
eftir Pál Gíslason,
borgarfulltrúa
Nokkrum dögum eftir að fram
hafði komið í sjónvarpsumræð-
um um borgarmálin að ekki hafi
verið hafin bygging né keypt
húsnæði fyrir eina einustu
heilsugæslustöð á þessu kjör-
tímabili, kom 5 dálka frásögn á
forsíðu Þjóðviljans af blaða-
mannafundi sem sjálfur heil-
brigðis- og tryggingamálaráð-
herra Svavar Gestsson hafði
haldið um heilbrigðismál í
Reykjavík.
Eins og við var að búast gat
ráðherra ekki breytt þessari
staðreynd, en eins og ráðherra
kommúnista er siður, þá dró
hann upp áætlun um hvað gera
ætti á næstu árum. Það vantar
nefnilega ekki skriffinnskuna og
pappírsflóðið í þeim herbúðum
samanber störf iðnaðarráðherra.
En það er minna um athafnir og
framkvæmdir.
Við höfum nefnilega séð þessi
loforð kommúnistanna áður!
í maí 1978 skrifaði Adda Bára
Sigfúsdóttir grein í Þjóðviljann
og taldi ekki von að vel gengi
með framgang heilsugæslu í
Reykjavík þar sem sjálfstæðis-
menn skipuðu bæði stöðu heil-
brigðisráðherra og formanns
heilbrigðisráðs Reykjavíkur.
Það hefðu aðeins verið opnað-
ar 3 heilsugæslustöðvar á kjör-
tímabilinu 1974—1978 og ein
væri í byggingu.
í stefnuskrá kommúnistanna
var svo í framhaldi af grein
Öddu Báru sett fram það loforð
að næðu þeir meirihluta myndu
þeir á næsta kjörtímabili reisa
eina heilsugæslustöð í hverju
hverfi borgarinnar.
Svo skeði það óvænta slys, að
kommar komust bæði í borgar-
og ríkisstjórn. Adda Bára varð
formaður heilbrigðisráðs og
nánast einvaldur í heilbrigðis-
málum borgarinnar, en Svavar
Gestsson formaður Alþýðu-
bandalagsins varð heilbrigðis-
ráðherra. Það hefði því átt að
vera auðvelt að koma stefnu-
skránni í framkvæmd.
En nú blasa staðreyndirnar
við:
Ekki hefur verið hafin bygg-
ing einnar einustu nýrrar heilsu-
gæslustöðvar og 900 þús. kr. sem
eru á fjárlögum nægja aðeins til
að greiða viðbótar smáhýsi við
heilsugæslustöðina í Asparfelli.
Áður voru komnar heilsugæslu-
stöðvar í Árbæ (1976), Domus
Medica (1977), en Fossvogsstöðin
í Borgarspítalanum var í bygg-
ingu og lauk 1980.
Það er eins í heilbrigðismálum
og á öðrum sviðum þjóðmála, að
kommarnir eru sterkari í áætl-
anagerð og skrifæði en að fram-
kvæma það, sem hagkvæmast er.
Nú kemur Svavar Gestsson,
heilbrigðismálaráðherra, með
áætlun um heilsugæslu í Reykja-
vík og hvenær á að reisa stöðvar
þar.
Ég held að Reykvíkingum ætti
að vera ljóst að það sé ekki væn-
legt að láta kommana annast
þessi mál miklu lengur eftir
þeirri reynslu, sem þegar er
fengin. Þeir eru vísir til að skipa
fleiri nefndir til að gera fleiri
áætlanir eins og á þessu kjör-
tímabili, en gleyma bara alveg að
það þarf fyrst og fremst að koma
til framkvæmda og afla húsnæð-
is fyrir starfsemina.
Sjálfstæðismenn hafa sýnt að
þeir hafa komið þessum málum
áfram og munu, ef þeir ná meiri-
hluta, beita sér fyrir byggingu
einnar heilsugæslustöðvar á ári,
svo að uppbygging heilsugæslu í
Reykjavík geti verið jöfn og vax-
andi.
III 1)1 tfllll t,r» illiii » f» tinuf ótin iiitiMit iiiitiu nnm »mm*i » »• i» ■■ «>*•■<•«•>• •• »4..
SJltllItailllllU<l«IIIIIOIIIU»lli,lllllll»i r<f tllili ■,t»tlii«vi tf iiiiiui iitiit * titiii i,ii tiiiii » tiitii » ii tii< tiKt»ti»i i HHii ■ tiHH«ttuii*iiHniiri