Morgunblaðið - 20.07.1982, Blaðsíða 18

18
MORGUNBLAÐIÐ, ÞRIÐJUDAGUR 20. JÚLÍ 1982
MORGUNBLAÐIÐ, ÞRIÐJUDAGUR 20. JÚLÍ1982
31
fHotgtittÞfftfeifr
Útgefandi hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Fulltrúar ritstjóra Þorbjörn Guömundsson,
Björn Jóhannsson.
Fréttastjórar Freysteinn Jóhannsson,
Magnús Finnsson,
Sigtryggur Sigtryggsson.
Auglýsingastjóri Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiðsla: Skeifunni 19, sími 83033. Áskrift-
argjald 120 kr. á mánuöi innanlands. i lausasölu 8 kr. eintakiö.
Sambandsleysi
eða orðaleikur?
Fréttastofu hljóðvarpsins og Kjartani Jóhannssyni, for-
manni Alþýðuflokksins, lenti saman nú um helgina
vegna útleggingar fréttamanns hljóðvarpsins á frétt Morg-
unblaðsins á föstudaginn um óformlegar áþreifingar fram-
sóknarmanna og alþýðubandalagsmanna á krötum. Hér í
blaðinu var skýrt frá því, að áhrifamenn í Framsóknarflokki
og Alþýðubandalagi hafi að undanförnu kannað með óform-
legum hætti, hvort takast mætti að styrkja stöðu ríkisstjórn-
arinnar á Alþingi með því að fá Alþýðuflokkinn til liðs við
stjórnarliðið. í því sambandi hefur verið rætt um tvo mögu-
leika, að Alþýðuflokkurinn gerist aðili að núverandi ríkis-
stjórn undir forsæti Gunnars Thoroddsens eða mynduð verði
ný vinstri stjórn Framsóknarflokks, Alþýðuflokks og Al-
þýðubandalags, sem sitji til loka kjörtímabils og sjálfstæðis-
mennirnir þrír hverfi úr ráðherrastólum.
Hér verður ekki fjallað um deilur þeirra Helga H. Jónsson-
ar, fréttamanns, og Kjartans Jóhannssonar um þessa frétt
Morgunblaðsins. Hún getur orðið þeim veganesti, þegar þeir
keppa um fylgi á framboðsfundum í Reykjaneskjördæmi. En
Helgi H. Jónsson er í hópi frambjóðenda Framsóknarflokks-
ins í Reykjaneskjördæmi þar sem Kjartan Jóhannsson og
Alþýðuflokkurinn eiga undir högg að sækja eins og úrslitin í
sveitarstjórnakosningunum sýndu. Hitt hlýtur að vekja at-
hygli, að formaður Alþýðuflokksins viti ekki um þær óform-
legu áþreifingar, sem sagt var frá í frétt Morgunblaðsins
síðastliðinn föstudag. Ekki skal því haldið fram hér á þess-
um vettvangi, að Kjartan Jóhannsson tali gegn betri vitund,
þegar hann lýsir því yfir, að ekkert sé hæft í frétt Morgun-
blaðsins.
Alþýðuflokkurinn er ekki stór flokkur, þótt hann geti enn
minnkað. Þó sýnist það geta gerst, að óformlegar áþreifingar
um stjórnarsamvinnu eigi sér stað við toppkrata, án þess að
flokksformaðurinn viti af þeim. Hvað veldur þessu sam-
bandsleysi í smáflokknum? Eða er Kjartan Jóhannsson í
orðaleik, þegar hann segist lýsa því yfir, að Morgunblaðið
fari með rangt mál? Á forsíðu Alþýðublaðsins á laugardag
var það haft eftir Kjartani Jóhannssyni, að það hafi „alls
engar viðræður átt sér stað um stuðning við ríkisstjórn
Gunnars Thoroddsens eða aðra möguleika á stjórnarsam-
starfi Alþýðuflokksins". Kjartan Jóhannsson telur vafalaust
mun á „viðræðum" og „óformlegum áþreifingum". Hann hef-
ur því síður en svo mótmælt því sem stóð í frétt Morgun-
blaðsins, enda getur hann það ekki nema hann viðurkenni
um leið, að hann viti ekki hvað er að gerast í Alþýðuflokkn-
um.
Þolir friðarbaráttan
ekki sannleikann?
Stuðningsmenn Samtaka herstöðvaandstæðinga hafa
sagt það bæði í Helgarpóstinum og Dagblaðinu og Vísi,
að sjálfstæðismenn hafi neitað að tala á hinum misheppn-
aða, litla Miklatúnsfundi samtakanna 3. júlí síðastliðinn. Á
blaðamannafundi Samtaka herstöðvaandstæðinga sem sagt
var frá hér í Morgunblaðinu 29. júní spurði blaðamaður
Þjóðviljans, þegar rætt var um val á ræðumönnum á úti-
fundinum: „Var ekki talað við einhverja sjálfstæðismenn?"
Þessari spurningu svaraði Pétur Reimarsson, formaður
SHA, neitandi.
I Dagblaðinu og Vísi í gær bendir einn blaðamanna þess
réttilega á það, að Birgir ísl. Gunnarsson, þingmaður
Sjálfstæðisflokksins, hafi lýst yfir stuðningi við friðar-
ályktun prestastefnunnar í útvarpsþætti á sunnudag. Blaða-
maðurinn segir síðan „en áður hafa sjálfstæðismenn verið
frekar gagnrýnir á samþykktir nýafstaðinnar prestastefnu
um friðarmál". Hvernig getur blaðamaðurinn fært rök fyrir
þessari fullyrðingu?
Með þessi tvö atvik í huga má spyrja, hvort þeir sem
þannig tala um sjálfstæðismenn og friðarbaráttuna, telji
baráttuna ekki þola að hafa það sem sannara reynist um
Sjálfstæðisflokkinn.
„Mín fyrsta hugsun
var að ná fólkinu út“
— segir séra Tómas Guðmundsson, sem varð sjónarvottur að slysinu í Mosfellssveit
„ÉG SÁ steypubílinn koma yfir
hæðina, ég veit ekki á hvaft
mikilli ferð. Allt í einu snar-
beygir hann og lendir á vinstra
framhorni rútunnar, aðeins
framan við framhjólið. Rútan
tókst á loft og snerist þannig
að hún kom niður á vinstri
hliðina, ekki á þá hægri eins og
kannski hefði mátt ætla og
kastaðist út fyrir veg. Þegar
steypubíllinn losnaði frá rút-
unni, en bílarnir virtust festast
saman andartak, þá þeyttist
hann öfugur niður veginn,
þannig að það varð töluverður
spölur milli bílanna. Það var
eiginlega mildi að rútan hentist
út fyrir veg, því hún lenti ofan í
laut og þar komst fólkið undan
henni. Ef hún hefði verið á veg-
inum, hefði getað farið ennþá
verr.“
Þetta sagði séra Tómas Guð-
mundsson, sóknarprestur í Hvera-
geröi, en hann, ásamt konu sinni
og öðrum manni, varð sjónarvott-
ur að slysinu í Mosfellssveit, því
hann ók næstur á eftir rútunni
sem lenti í árekstrinum við
steypubílinn. „Ég var um það bil
100 metra á eftir rútunni, á 75—80
kílómetra hraða, og það kom
heimikið af hjólkoppum og stuð-
arabrotum á móti mér, en það
bjargaði hvað ég var langt í
burtu."
„Ég óttaðist að það myndi
kvikna í, svo mín fyrsta hugsun
var að ná fólkinu út,“ sagði séra
Tómas ennfremur. „I gamla daga
var ég lögreglumaður og fékkst við
sjúkraflutninga, svo ég er ekki
með öllu óvanur svona löguðu og
það hjálpaði. Annars hélt fólkið,
sem lenti í þessu, furðu mikið ró
sinni. Svo voru með mér i bílnum
kona mín og annar maður og fólk
dreif þarna að. Vörubílstjóri kall-
aði á hjálp í gegnum talstöð og
hjálparlið kom fljótt á vettvang og
hjálparstarfið gekk vel fyrir sig.
Allir, sem stoppuðu eða áttu leið
um, sýndu mikia tillitssemi og þol-
inmæði og reyndu að hjálpa eftir
föngum," sagði séra Tómas Guð-
mundsson að síðustu.

Rútan valt og kastaðist út fyrir veg.
Frakkar
við kvik-
mynda-
töku hér
NÚ IJM þessar mundir er verið að
taka kvikmynd á vegum franska
sjónvarpsins á íslandi. Er heiti
myndarinnar á frönsku „La traver-
sée de l’lslande" eða á íslensku
„Ferðin yfir ísland". Komu í þess-
um tilgangi 25 manns til landsins,
þar af eru 12 leikarar. Búist er við,
að myndatakan standi yfir í um 5
vikur. Helztu staðir, sem komið
verður á eru Þingvellir, Gullfoss og
Geysir, ásamt nágrenni Heklu, Mý-
vatns og Öskju. Ferðaskrifstofa
ríkisins sér um ferðalag kvikmynda-
hópsins um landið.
Söguþráður kvikmyndarinnar
er byggður á samnefndri skáld-
sögu eftir J.C. Barreau, sem kom
út árið 1978. Er söguþráðurinn í
sem styztu máli sá, að frönsk
ferðaskrifstofa auglýsir göngu-
ferðir yfir þvert Island. Þeir, sem
fara í þessa ferð, hafa litla hug-
mynd um það, hvers megi vænta í
ferðinni. Vitaskuid er íslenzkt veð-
urfar ríkjandi og verður ferðin
svaðilför. 4 aðalpersónur eru í
myndinni. í þessu litla samfélagi
myndast náin tengsl, 2 karlar —
ein kona. En 4. aðilinn kemur til,
sem fær aðalhlutverkið og skerst í
leikinn nefnilega landið sjálft, svo
það kemur margt upp á í þessum
sígilda þríhyrningi.
Leikstjóri myndarinnar, Alain
Levent er þekktur kvikmynda-
tökumaður, og hefur að baki sér 50
myndir sem yfirkvikmyndatöku-
maður. Með aðalhlutverk fara
Fréderic de Pasquale, Pierre
Francois Pistorio og Agnes Garr-
eau.
Leikstjórinn Alain Levent að segja samstarfafólki sinu til. Honum á vinatri bttnd er einn af aðalleikurum myndarinnar.
Kvikmyndafóikið að störfum.
23,5 punda lax á silunga
svæðinu í Vatnsdalsá
LAXVEIÐIN í Langá á Mýrum
er öll að glæðast og hafa nú
veiðst þar tæplega 500 laxar, en
730 fiskar fengust þar allt árið í
fyrra. Langá byrjaði illa, 30 lax-
ar veiddust fram að mánaðamót-
unum júní/júlí, sem er lélegasta
byrjun sem menn muna eftir í
ánni, en fiskurinn fór að ganga
að marki þann 1. júlí. Frá þeim
tíma hefur verið allgóð og stöðug
ganga í ána.
Á neðsta svæðinu í ánni hafa
nú veiðst rúmlega 330 fiskar, yf-
ir 110 hafa komið upp á miðsv-
æðinu og um 40 fiskar á efsta
svæðinu, en þar hefst veiðin að
ráði um þetta leyti. Laxinn í
Langá er fremur smár allajafn-
an, en nú er hann áberandi smár,
mikið er um 3, 4 og 5 punda
fiska, fiska sem eru ársgamlir úr
sjó.
Góðar göngur í Ell-
iðaárnar
16 laxar eru nú komnir á land
úr Brynjudalsá, samkvæmt upp-
iýsingum sem Mbl. fékk hjá
Friðrik Stefánssyni, fram-
kvæmdastjóra SVFR. Þetta er
öllu betra en í fyrra, en þá voru
um 25 laxar bókaðir allt sumar-
ið.
I Elliðaánum hafa veiðst um
420 laxar og eru góðar laxagöng-
ur í árnar. Um 2400 laxar hafa
gengið í gegn um teljarann, en á
sama tíma í fyrra voru þeir um
1600. Veiðin í Norðurá helst söm
og jöfn, en þar hafa nú veiðst um
650 laxar, en um 2700 fiskar hafa
gengið í gegnum teljarann.
í Leirvogsá er talsvert af fiski
og er hann kominn um alla á;
samkvæmt heimildum Mbl. I
fyrradag veiddust þar 19 laxar,
en 11 daginn áður. Veiðin í
Leirvogsá hófst 1. júlí, en þar er
nú veitt á 3 stengur. Frá 1. júlí
til 15. júlí var veitt á 2 stengur
þar. Heildarveiðin í Leirvogsá er
nú 48 laxar.
Tregt í Vatnsdalsá
Veiðin í Vatnsdalsá gengur
heldur treglaga, og voru í gær
komnir rúmlega 210 laxar úr
ánni, en það er um 100 fiskim
minna en á sama tíma í fyrra.
Stærsti laxinn sem bókaður hef-
ur verið vó 22 pund og fékkst
hann á Hairy Mary, en nú veiðist
mest á þá flugu í ánni. Nú eru
útlendingar að veiðum í Vatnsd-
alsá, en þeir veiða eingöngu á
flugu.
23,5 punda fiskur á
silungasvæðinu!
Þó gangi heldur treglega á
laxasvæðinu í Vatnsdalsá, gerast
ævintýrin enn á silungasvæðinu
í ánni. Fyrir síðustu helgi vei-
ddust 7 laxar á svæðinu, þar af
var einn laxinn 23,5 pund, annar
20 pund, en hinir smærri. Vei-
ddust allir fiskarnir á flugu sem
einn veiðimaðurinn hnýtti sjálf-
ur og hefur enn ekki gefið nafn.
Allir voru laxarnir nýlegir,
nema sá stóri, sem hafði verið í
ánni í nokkurn tíma. Auk þess að
veiða fyrrgreinda laxa fengust á
annað hundrað bleikjur á þess-
um tíma, frá 1 og upp í 6 pund.
„Hollið" á undan því sem hér um
ræðir fékk 4 laxa á silungasvæð-
inu.
27—pundari úr
Laxá í Aðaldal
27 punda lax veiddist í Laxá í
Aðaldal fyrir skömmu og tók
hann maðk. Laxinn veiddi Örn
Gústafsson á Akureyri. Fiskur-
inn veiddist neðan Æðarfossa.
Nú eru rúmlega 400 laxar komn-
ir á iand úr Laxá, sem er mun
minna en í fyrra. Hins vegar er
fiskurinn í ár stærri en þá, en
samkvæmt nýjustu fréttum er
nú smálax farinn að ganga í ána.
Þeir fiskar hafa verið að veiðast
nú allra síðustu dags og eru 4 til
6 punda þungir.
-ój