Morgunblaðið - 05.08.1982, Blaðsíða 13

MORGUNBLAÐIÐ, FIMMTUDAGUR 5. ÁGÚST 1982
13
sagði hann okkur smá sögu af því
þegar hann sigldi inn á Reykjavík-
urhöfn í miklum stormi. Hann hefði
hitt gamlan sjómann sem hefði
spurt sig að því hvort hann væri að
koma utan af hafi. Hann hefði játað
því. Sjómaðurinn hefði horft yfir
höfnina þar sem skipin rugguðu við
bryggjurnar og spurt síðan aftur
hvort hann væri að koma utan af
hafi. Hann hefði játað aftur. Þá
hefði sjómaðurinn hrist höfuðið og
sagt: „Þú hlýtur að vera mikill sjó-
maður, ég hef ekki áður séð mann
koma siglandi utan af hafi í slíku
veðri.“
Signe Ehrhardt segist einnig hafa
komið áður til íslands, það hefði
verið fyrir 4 árum. Þá hefði hún
komið hingað ásamt fjölskyldu
sinni. Þau hefðu leigt bíl og ekið
hringinn. í þessari ferð hefði hún
heillast gjörsamlega af landinu. Og
hún hafði ákveðið að koma hingað
við fyrsta tækifæri aftur. í vor hefði
sér verið boðið að vera þátttakandi í
þepsari ferð. Þetta væri fyrsta langa
úthafssiglingin hennar.
Við spurðum hana hvort ekki setti
ótta að henni þegar skútan væri
komin út á rúmsjó.
Signe fór að hlæja og sagði að svo
væri ekki. Þetta væru mjög reyndir
menn sem væru um borð, hefðu
stundað skútusiglingar í tugi ára.
Skútan væri auk þess mjög traust
og útbúin öllum þeim öryggisútbún-
aði sem þekktur væri. „Það er að-
eins þegar fólk er óvant og hefur
öryggisbúnað ekki í lagi sem slysin
verða. Mér finnst alveg stórkostlegt
þegar ég er á vakt að finna hvernig
skútan klýfur öidurnar létt og ör-
ugglega."
Við spurðum hvert ferðinni væri
heitið næst.
Skipstjórinn svaraði og sagði að
eftir að þau hefðu komið til Vest-
mannaeyja væri ferðinni heitið til
Danmerkur og ef þau héldu áætlun
yrðu þau komin þangað 15. ágúst.
Þá hefðu þau lagt af baki 3.500 sjó-
mílna siglingu. Að lokum sagði
hann okkur að hann færi vanalega í
langar siglingar annað hvert ár. Sig
langaði mjög til að sigla til Græn-
lands en það væri ekki hægt, því að
skútan kæmist ekki í gegnum ísinn.
Svo það gæti vel farið að hann kæmi
aftur tii íslands, en þá sagðist hann
vonast til að hann gæti verið hér
minnst í mánaðartíma.
• •
Orn Þorsteins-
son opnar sýn-
ingu á teikningum
og lágmyndum
FÖSTUDAGINN 30. júlí
1982 opnaði Örn Þorsteins-
son sýningu á teikningum og
lágmyndum i Skipulagsstofu
höfuðborgarsvæðisins,
Hamraborg 7, Kópavogi.
Örn er fæddur í Reykjavík
1948. Hann stundaði nám við
Myndlista- og handíðaskóla ís-
lands 1966—1971 og framhalds-
nám við Listaháskólann í Stokk-
hólmi.
Þetta er 3. einkasýning Arnar
en hann hefur auk þess tekið
þátt í mörgum samsýningum.
Sýningin er opin á venjulegum
skrifstofutíma. Aðgangur er
ókeypis.
Heimsráðstefna SÞ um öldrunarmál í Vín:
Mikið þrekvirki ef tekst að gera
sameiginlega framkvæmdaáætlun
segir Pétur Sigurðsson alþingismaður, einn íslensku fulltrúanna
„Það má segja að hér séu öldrun-
armálin rædd frá öllum mannlegum
hliðum," sagði Pétur Sigurðsson al-
þingismaður er Mbl. hafði samband
við hann til Vínar, þar sem hann situr
heimsráðstefnu Sameinuðu þjóðanna
um öldrunarmál. Ráðstefnan hófst
mánudaginn 26. júlí sl. og er ráðgert
að henni Ijúki föstudaginn 6. ágúst nk.
Tilurð hennar má rekja aftur til 4.
desember 1978 er SÞ samþykktu til-
lögu þess efnis að aðalritara samtak-
anna skyldi falið að undirbúa heims-
ráðstefnu um öldrunarmál á því ári
sem nú er að líða.
„Hér er verið að fást við alls kon-
ar vandamál sem tengjast þeirri gíf-
urlegu fjölgun aldraðra sem verið
hefur í heiminum á undanförnum
árum,“ sagði Pétur, „bæði hjá
þróuðu og vanþróuðu þjóðunum.
Þetta er orðið gífurlegt vandamál og
er að sprengja af sér öll bönd í þeim
þáttum fjárlagagerðar er lúta að
heilbrigðismálum. Ráðstefnan hér
fjallar því ekki síst um þennan efna-
hagslega þátt vaxandi meðalald-
urs.“
Pétur sagði að unnið væri á hverj-
um degi, jafnt helgidaga sem virka,
og kvöldfundir væru tíðir. Form
ráðstefnunnar væri tvíþætt. Annars
vegar væru allsherjar umræður þar
sem fulltrúar allra þjóða flyttu ræð-
ur, og hins vegar svokölluð aðal-
nefnd sem fengist við framkvæmda-
áætlun sem vinna ætti að á næstu
árum.
Að sögn Péturs hafa heimsmálin
almennt dregist nokkuð inní um-
ræðuna þar syðra, einkum þó innrás
ísraela og hernaðaraðgerðir í Líb-
anon. Rætt hefur verið um það
gamla fólk í Beirút sem er varnar-
laust og getur ekki flúið skothríð
þeirra. Fyrir liggur tillaga um alls-
herjar fordæmingu á Israelum sem
væntanlega verður tekin til af-
greiðslu nk. föstudag. Gerði Pétur
ráð fyrir að ísland sæti hjá í þeirri
atkvæðagreiðslu, en það væri mál
sem utanríkisráðuneytið tæki end-
anlega ákvörðun um. Enda væru
fulltrúar Islands á þessari ráðstefnu
fyrst og síðast faglegir fulltrúar um
öldrunarmál.
Spurningunni um hvað sér þætti
markverðast á ráðstefnunni, svaraði
Pétur: „Mér finnst átakanlegast að
sjá hve stór hluti mannkyns býr við
hrein neyðarkjör. Þótt okkur þyki
ýmislegt að hjá okkur, sem vissu-
lega er, þá er það lítið hjá þeim
vandræðum sm hrjá aldraða í van-
þróuðu löndunum. Það er því mikil
bjartsýni að halda svona ráðstefnu
og mikið þrekvirki ef það tekst að ná
fram sameiginlegri framkvæmda-
áætlun sem gildir jafnt fyrir þjóðir
Afríku og Vestur-Evrópu."
Auk Péturs Sigurðssonar alþing-
ismanns eru í sendinefnd íslands
Sigurður H. Guðmundsson, formað-
ur öldrunarráðs, Gunnhildur Sig-
urðardóttir, hjúkrunarforstjóri, og
Páll Sigurðsson, ráðuneytisstjóri,
sem jafnframt er formaður nefnd-
arinnar. Ritari nefndarinnar er
Dögg Pálsdóttir.
fer frá Keflavík á föstudögum í allt sumar!
Breska bílalestin er nafn á sérstöku ferðatil-
boði breska ferðamálaráðsins BTA og Flug-
leiða.
Flogið er til Glasgow eða London og síðan
ferðast hver og einn um Bretland eins og
hann lystir með bílaleigubíl eða lest og gistir á
góöum hótelum víðsvegar um landið, sem eru
þátttakendur í samstarfinu.
Breska bílalestin er ferðamáti sem
allir geta notfærtséren þóekkisíst
fjölskyldur, þvíbörn og unglingar fá
verulegan afslátt í flestum tilfellum.
Það veröur flogið frá Keflavík á
föstudögum í allt sumar og stefna
tekin á Glasgow eða London. Flug,
bílaleigubílar, lestarferðir og gisting
eru á frábæru verði. T.d. kostar flug-
far, vikugisting í tveggja manna
herbergi og morgunverður
aðeins frá 5.133 krónum sé
flogið til London og flugfar,
vikugisting í
tveggja manna herbergi og morgunverður
aðeins frá 4.659 krónum sé flogið til Glasgow.
Austin Mini er hægt að leigja fyrir minna en
60£ á viku með ótakmörkuðum akstri og ýmsa
stærri bíla fyrir álíka hlægilegt verð.
Ef þér hentar ekki aö hefja ferðina á föstu-
degi, getur þú tengt tilboðsverðið á bílaleigu-
bílunum, lestarferðunum og gistingunni
þeim sérfargjöldum, sem í boði eru
hverju sinni.
Leitið upplýsinga og fáið bækl-
ing hjá söluskrifstofum Flug-
leiða, næsta umboðs-
manni eða ferðaskrif-
stofunum.
FLUGLEIDIR
Gott fólk hjá traustu félagi