Morgunblaðið - 05.08.1982, Blaðsíða 46

46
MORGUNBLAÐIÐ, FIMMTUDAGUR 5. ÁGÚST 1982
Fyrsta æfing Ásgeirs hjá Stuttgart
NÚ l>KGAR farirt er ad síga á seinni
hlutann á keppnistímabilinu hér hjá
okkur á íslandi, eru atvinnumenn-
irnir hjá stórlirtum Evrópu sem óóast
að hefja strangar æfingar fyrir kom-
andi keppnistímahil. Kinn þeirra er
Ásgeir Sigurvinsson, knattspyrnu-
kappinn kunni frá Vestmannaeyjum,
sem nú stendur á tímamótum á 9 ára
glæstum ferli sínum sem atvinnu-
maður. Ásgeir hefur nú gengið til
liðs við hið þekkta lið VfB Stuttgart í
v-þýsku Bundesligunni.
• Þjálfari VfB Stuttgart heitir
Benthaus og er fyrrum landsliðs-
maður V-Þýskalands. Benthaus
lagði mikla áherslu á að Stuttgart
keypti Ásgeir frá Bayern Miinchen.
Knattspyrna I
Það var 35 stiga hiti í Stuttgart
þegar Ásgeir og hans nýju félagar
í liðinu mættu til fyrstu æfingar-
innar á hinum glæsta æfingavelli
félagsins. Við völlinn biðu margir
aðdáendur liðsins í leit að eigin-
handaráritunum leikmanna og
beindist athygli þeirra mest að
nýju stjörnunum sem keyptar
hafa verið til félagsins fyrir þetta
keppnistímabil, Ásgeiri Sigur-
vinssyni og Niedermayer. Þá voru
þeir Förster-bræður mjög um-
setnir, en þeir voru báðir fasta-
menn í silfurliði Þjóðverja í
heimsmeistarakeppninni.
Æfingin var hálfgert kvalræði
fyrir a.m.k. suma leikmennina og
einn þeirra missti meðvitund og
var borinn í hús með snert af sól-
sting enda geta menn ímyndað sér
hvernig það er að framkvæma ým-
iskonar erfiðar æfingar í 35 stiga
hita og stingandi sólskini.
Af Ásgeiri er það annars gott að
frétta að hann er óðum að ná sér
af meiðslum þeim, sem hafa þjak-
að hann og komu í veg fyrir það að
hann gæti leikið landsleikina I
sumar. Taug hefur nuddast við
bein í læri og valdið kvölum. Var
jafnvel búist við að Ásgeir þyrfti
að fara í aðgerð vegna þessa, en
læknum þýska liðsins hefur tekist
að bæta meiðslin með sprautum,
þannig að hnífurinn hefur, í bili
a.m.k., verið lagður til hliðar.
Leikmenn Stuttgart eru nú við æf-
ingar í Svartaskógi.
Friðfinnur Finnbogason var í
heimsókn hjá Ásgeiri á dögunum
og tók þá þessar myndir fyrir
Morgunblaðið.
— hkj.
I »
t I
• Kfíngavöllur Stuttgart er hinn glæsilegasti og við hann er stórt og mikið
klúbbhús félagsins. í baksýn sér í hinn glæsilega völl félagsins sem er einn
sá stærsti í Bundesligunni og ekki óalgengt að þar séu 60.000 áhorfendur á
hverjum leik félagsins.
Oddný með ísl.met
í 400 m hlaupi
NOKKUR hópur íslenskra frjáls-
íþróttamanna er nú staddur erlend-
is, og hefur keppt á Norðurlöndun-
um á síðustu dögum, m.a. á Kalott-
keppninni um síðustu helgi. Á
þriðjudaginn tóku margir Islend-
inganna þátt i mótum í Gautaborg
og Stokkhólmi.
Á mótinu í Gautaborg náði
Oddný Árnadóttir bestum
árangri, en hún setti nýtt ís-
landsmet í 400 m hlaupi, fór á
54,50 sek., og varð hún í þriðja
sæti i hlaupinu. Óskar Jakobson
varð þriðji í kúluvarpinu, kastaði
19,75, og Iris Grönfeldt náði fjórða
sæti í spjótkasti, kastaði 46,76. í
Gautaborg keppti einnig Vésteinn
Hafsteinsson og keppti hann í
kringlukasti. Kastaði hann 54,50
m sem tryggði honum 8. sætið.
í Stokkhólmi unnu íslendingar
tvöfaldan sigur í stangarstökki.
Sigurður T. Sigurðsson sigraði,
stökk 4,80, og annar varð Kristján
Gissurarson með 4,70 m. Sigurður
Magnússon keppti í sömu grein og
setti nýtt íslenskt unglingamet,
stökk 4,20 m.
Önnur helstu afrek voru þau að
Guðmundur Skúlason varð annar í
800 m hlaupi á 1:51,96 mín, Þor-
valdur Þórsson þriðji í 100 m
hlaupi á 11,12 sek., Kristján Harð-
arson fimmti í sömu grein á 11,25
og Hjörtur Gíslason sjöundi á
11,26. í 400 m hlaupi kvenna
kepptu þrjár íslenskar stúlkur og
voru þær með nokkuð lakari tíma
en Oddný náði í Gautaborg. Hrönn
Guðmundsdóttir varð þriðja á
56,35, Valdís Hallgrímsdóttir 4. á
56,39 og Sigurborg Guðmunds-
dóttir 5. á 56,41.
Fflíisar Ibröttir
v J
• Ásgeir kemnr til fyrstu æfingarinnar hjá sínu nýja félagi — sloppinn úr klónum á rithandarsöfnurunum.
• Asgeir og aðstoðarþjálfari Stuttgart á fullri ferð I 35 stiga hita og brenn-
andi sólskini.
• Oddný Árnadóttir bætti eigið Islandsmet f 400 m hlaupi á móti í Gauta-
borg á þriðjudaginn.
■■■ ■ ■ ■ ■
Tveir leik-
ir í 1. deild
TVKIR leikir fara fram í 1. deild
íslandsmólsins í knattspyrnu í
kvöld og eru þar hörkuleikir á
ferðinni. Efsta liðið, Víkingur,
mætir KR á Laugardalsvellinum
og hefst leikurinn klukkan
20.00. Er vonlítið að spá um úr-
slit, því erfitt hefur reynst að
sigra bæði liðin i sumar. Þá leika
í Vestmannacyjum lið ÍBV og
UBK. Þessi leikur gæti einnig
orðið tvísýnn, en Kyjamenn
hljóta þó að teljast sigurstrang-
legri þar sem Blikarnir hafa ver-
ið í öldudal að undanförnu.
Tíu
jafntefli
Einn leikur fór fram í 2.
deild Islandsmótsins í knatt-
spyrnu í fyrrakvöld, Fylkir og
Reynir áttust við á Laugar-
dalsvellinum og Iauk leiknum
að sjálfsögðu með jafntefli,
2—2. Vað það tíunda jafntefli
Fylkis í 12 leikjum og má það
heita með ólíkindum. Staðan í
2. deild er nú sem hér segir:
Þróttur R. 12 8 4 0 18— S 20
Reynir 12 6 3 3 19-10 15
Þór Ak. 12 4 6 2 24-12 14
FH 12 5 4 3 16-15 14
Fvlkir 12 1 10 1 12—13 12
Njarftvik 12 4 3 4 19-21 11
Völsunnur 12 3 4 5 12-14 10
Kinherji 12 4 2 6 17-21 10
Skallaur. 12 2 3 7 10- 22 7
Þróttur N. 12 2 3 7 5-19 7
Þrenna hjá
D. Múller
Markaskorarinn mikli Dieter
Miiller byrjaði ekki dónalega
feril sinn hjá franska knatt-
spyrnufélaginu Bordeaux, en lið-
ið tók fyrir skömmu þátt i mjög
sterku móti í Júgóslavíu ásamt
lladjuk Split og Anderlecht.
Miiller lék sinn fyrsta leik fyrir
félagið gegn Anderlecht og skor-
aði þrívegis í 4-0 sigri franska
liðsins. Miiller skoraði fyrst á
10. mínútu, síðan úr víti á 27.
mínútu og loks með skalla á 35.
mínútu. Marius Tresor bætti
fjórða markinu við seint í leikn-
um. Besta færi Anderlcht kom
eftir hálftima leik, Lozano fékk
aK spreyta sig á vitaspyrnu, en
b%nndi af.
■