Morgunblaðið - 05.08.1982, Blaðsíða 47

MORGUNBLAÐIÐ, FIMMTUDAGUR 5. ÁGÚST 1982
47
Janus Guölaugsson, lengst til vinstri, skorar eina mark Vals með fallegum skalla.
Manchester Utd. sýndi a
köflum snilldarknattspyrnu
MANCHESTER Utd. var ekki í
vandræðum að vinna lið Vals i vin-
áttu/ sýningarleik á Laugardalsvell-
inum i gærkvöldi, leik sem var á
köflum mjög fjörugur og á köflum
einnig daufur eins og slíkir leikir
vilja stundum verða þegar ekkert er
í húfi. En Manchester-liðið er greini-
lega afar sterkt og gaman hefði verið
að sjá snillinga liðsins leika á fullum
hraða gegn Val. Þá hefði sigurinn
líklega orðið enn stærri en raun bar
vitni. Lokatölurnar urðu reyndar
5—1 fyrir United, staðan \ hálfleik
var 1—0 fyrir enska liðið, en það
skoraði tvö síðustu mörkin undir
blálok leiksins.
United skoraði fyrsta mark sitt
og eina mark fyrri hálfleiksins
strax á 6. mínútu. Ray Wilkins
sendi gullfallega sendingu til Bry-
an Robson sem skoraði með
þrumuskoti í fjærhornið frá
vinstra horni vítateigsins. Fyrri
hálfleikur var annars miklu dauf-
ari en sá síðari þrátt fyrir að jafn-
ræðið væri þá meira hjá liðunum.
Muhren brenndi af dauðafæri og
Brynjar Guðmundsson varði vel
skot frá Stapleton, auk þess sem
Whiteside klúðraði illa góðu færi,
ætlaði að vaða í gegn sjálfur þrátt
fyrir að Robson væri í dauðafæri
skammt undan. Valsmenn áttu
ekki mörg færi þrátt fyrir frísk-
lega takta úti á vellinum. Næst því
að skora komst liðið er Valur
Valsson átti hörkuskot eftir
snjalla sóknarlotu George Best og
Guðmundar Þorbjörnssonar.
Steve Pears, varamarkvörður
United, varði skotið meistaralega.
Meira fjör var í síðari hálfleik
og strax á 5. mínútu hans skoraði
hinn 17 ára gamli Norman White-
side af stuttu færi eftir einleik og
fyrirgjöf Arnolds Muhren. Enska
liðið gerði nú harða hríð að marki
Vals og Ray Wilkins átti þrumu-
skot sem hrökk af markverðinum í
þverslá. Á sömu mínútunni, þeirri
Ray Wilkins, besti maður United,
sskir að Brynjari Guðmundssyni
markverði Vals.
sextándu, átti Frank Stapleton
góðan skalla naumlega fram hjá
og sneri sig síðan er hann kom
niður á jörðina á ný. Haltraði því
næst út af og Scott McGarvey kom
í hans stað. Ray Wilkins skoraði
þriðja markið á 64. mínútu, hörku-
skot McGarveys hrökk af varn-
armanni til Wilkins og þrumu-
fleygur hans af 20 metra færi
hafnaði í neti Valsmanna.
Valsmenn skoruðu eina mark
sitt tveimur mínútum síðar, gott
mark þar sem Janus Guðlaugsson
skallaði laglega í netið eftir fal-
lega fyrirgjöf Guðmundar Þor-
björnssonar frá hægri. Scott
McGarvey var tvívegis hársbreidd
frá því að skora á næstu mínútum,
skallaði fyrst naumlega fram hjá,
en síðan í þverslá eftir fyrirgjöf
frá Peter Bodak. Það var svo á 88.
mínútu, að Norman Whiteside
skoraði fjórða mark MU, hreint
gull af marki, þar sem hann at-
hafnaði sig, lagði knöttinn fyrir
sig og skoraði glæsilega þrátt
fyrir að vera aðþrengdur af mý-
grút Valsmanna. Og mínútu síðar
skoraði Scott McGarvey fimmta
markið og það var næstum glæsi-
legra. Arthur Albiston óð niður
vinstri vænginn, sendi fyrir og
Skotinn ungi kastaði sér fram og
skallaði í netið. Síðasta markið.
Þetta var sem sé nokkuð fjörug-
ur leikur. Valsliðið var nokkuð
jafnt að þessu sinni, en að sjálf-
sögðu beindust augu manna að
George Best. Hann sýndi hörku-
góða takta framan af, meðan út-
haldið var í lagi, en eftir það gerði
hann lítið. Lítið fór fyrir hinum
„lánsmönnum" Vals, þeim Jó-
hannesi Eðvaldssyni og Janusi
Guðlaugssyni. Manchester-liðið
sýndi oft stórgóða knattspyrnu í
síðari hálfleik, en fyrri hálfleikur-
inn var eins og svefnlyf. Vörn liðs-
ins er traust og á miðjunni sýndi
Ray Wilkins snilldartakta. Muhr-
en og Robson áttu mjög góða
spretti og Whiteside gerði líka
góða hluti þegar svo bar undir.
Mikla athygli vakti þó kornungur
útherji, Peter Bodak, sem félagið
fékk í gegn um „frjálsa sölu“ frá
Coventry í sumar. Hann var svelt-
ur langtímum framan af, en kom
meira inn í myndina er á leið.
Gerði hann hvað eftir annað mik-
inn usla í vörn Vals. Er ljóst að
Steve Coppell getur ekki verið ör-
uggur með stöðu sína í liðinu hér
eftir.
í stuttu máli:
Laugardalsvöllur: Valur —
Manchester Utd. 1—5 (0-1)
Mark Vals: Janus Guðlaugsson.
Mörk MU: Norman Whiteside 2,
Bryan Robson, Ray Wilkins og
Scott McGarvey.
Áminningar: Engar.
Áhorfendur: Um 9.000.
Dómari: Kjartan Ólafsson.
- gg■
Pétur skoraði i fyrsta leiknum
PÉTUR Pétursson lék sinn fyrsta
meiriháttar leik með nýja félaginu
Antwerpen á laugardaginn og stóð
sig vel, skoraði eitt mark í 4—1 sigri
yfir Beerschot, sem einnig leikur í 1.
deildinni belgísku. Leikurinn var lið-
ur í 4-liða æfingamóti.
— Ég hef æft í heilan mánuð og
er kominn í gott form, sagði Pétur
í samtali við Morgunblaðið í gær.
Hann kvaðst vera orðinn góður af
meiðslum þeim, sem hrjáðu hann
sl. vetur og kvaðst vongóður um
gott gengi með Antwerpen í vetur.
Énn sem komið er þarf Pétur að
Pétur Pétursson
keyra á æfingar frá Brússel, þar
sem hann býr nú, en fjölskyldan
flytur á næstunni í nýtt hús í út-
jaðri Antwerpen.
Keppnin í 1. deild hefst 18. ág-
úst og mætir Pétur þá Lárusi Guð-
mundssyni og félögum hans í
Waterschei. Pétur hafði þær frétt-
ir að færa af Lárusi að hann virt-
ist í góðu formi, a.m.k. hefði hann
skorað grimmt í æfingaleikjum
með Waterschei að undanförnu.
— SS.
Ray Wilkins:
„Þetta var nokk-
uð góður leikur"
— ÞETTA var að mínu mati nokk-
uð góður leikur og góður æfinga-
leikur fyrir okkur. Við spiluðum
vel og einnig fannst mér íslenska
liðið leika vel á köflum, sagði Ray
Wilkins, fyrirliði Man. Utd., eftir
leikinn í gærkvöldi.
— Ég vona að ég verði áfram
hjá United, sagði hann er hann
var spurður að því hvort hann
væri búinn að undirrita nýjan
samning við félagið, — en ég hef
ekki enn gert samning. Ég er að-
eins á vikusamningi eins og er.
Viðræður eru í fullum gangi og
málið ætti að skýrast um helg-
ina, sagði þessi stórsnjalli leik-
maður, sem var yfirburðamaður
í United-liðinu í leiknum, og
reyna þeir væntanlega allt til að
koma til móts við launakröfur
hans.
— Það var skemmtilegt að
spila þennan leik, en vissulega
var það erfitt, sagði George Best.
— Það er alltaf erfitt að leika
með mönnum sem þú ekki þekkir
og veist ekki einu sinni hvað þeir
heita. Annars var sigurinn auð-
vitað sanngjarn og United er eitt
það besta í Evrópu, og getur
meira en það sýndi í kvöld. í
svona leikjum spila þeir einfald-
an fótbolta.
— SH
Stórleikur norðan heiða:
Arnór og Best meö KA
gegn United í kvöld
Snemma í gærmorgun var frá
því gengið að Arnór Guðjohnsen,
hinn frábæri atvinnumaður með
Lokeren í Belgíu, kæmi til lands-
ins og léki með KA gegn Man-
chester United á Akureyri í kvöld.
Að sjálfsögðu er geysilegur styrkur
i Arnóri fyrir KA-menn og þá er
mikill fengur fyrir knattspyrnu-
unnendur norðan heiða að fá tæki-
færi til að sjá þennan unga og stór-
efnilega leikmann spila.
George Best mun að sjálf-
sögðu einnig leika með KA-lið-
inu, þannig að enginn ætti að
fara vonsvikinn heim að leiks-
lokum. LeiKurinn hefst, eins og
áður hefur komið fram, kl. 20.00
í kvöld á Akureyrarvelli. Fyrir
leikinn verður sýnt fallhífar-
stökk og þá munu Jónas Þórir og
Graham Smith leika fyrir áhorf-
endur, fyrir leikinn og í leikhléi.
Forsala aðgöngumiða hófst í
gær við verslunina Cesar og
verður á sama stað í dag frá kl.
14.00. Að sögn norðanmanna er
mjög mikill áhugi á leiknum í
bænum og nærliggjandi sveitum,
þannig að búast má við fjöl-
menni á vellinum í kvöld.
— SH.
• Arnór Guðjóhnsen. Hann leikur
ásamt George Best með liði KA
gegn Manchester United í kvöld.
Stuðmenn Vals
til Isaf jarðar
Á laugardaginn kemur, þann 7. ágúst á Valur leik
viö ÍBÍ á ísafiröi í hinni geysihöröu 1. deildar
keppni sumarsins.
Stuömenn Vals beita sér fyrir hópferö á leikinn.
Lagt veröur upp frá afgreiöslu Flugleiöa á
Reykjavíkurflugvelli kl. 12.30 en leikurinn hefst kl.
14. Flogiö veröur til baka strax aö leik loknum.
Verö báöar leiöir alls kr. 590. Þátttakendur láti
skrá sig hjá Flugleiöum í síma 26622 sem allra
fyrst.
Stuömenn Vals eru hvattir til aö fjölmenna og taka
þannig þátt í hinni tvísýnu baráttu, undir kjörorö-
inu: Vinnum sigra — og líka stig!
Stuömenn Vals.