Morgunblaðið - 05.08.1982, Blaðsíða 48
Sími á ritstjórn og skrifstofu:
10100
Otgllíttlblnllili1
FIMMTUDAGUR 5. ÁGÚST 1982
Útlit fyrir verkfall mjólkurbflstjóra 1 nótt:
Áhrifa þess gæt-
ir fljótlega náist
ekki samningar
• Bryan Robson, ein af stjðrnum Manchester United, skýtur hér að marki Vals i leik liðanna í gærkvöldi. Robson
skoraði fyrsta mark United í auðveldum sigri þeirra. Þeir gerðu 5 mörk gegn 1 marki Vals. í kvöld leikur enska liðið
gegn KA á Akureyri og hefst sá leikur kl. 20.00. Sjá nánar um leikinn í gærkvöldi á íþróttasíðu.
Hækkanir leyfðar
á bilinu 4,7—20,0%
Benzín 4,7% - steypa 13% - SVR 20% - Svartolía 8,5% - gasolía 8,3%
ÍJTLIT var fyrir að verkfall bif-
reiðastjóra á mjólkurbifreiðum á
Suðurlandi kæmi til fram-
kvæmda er Morgunblaðið hafði
síðast fregnir af gangi samn-
ingaviðræðna um miðnætti í
Erró sýnir í
Norræna hús-
inu í haust
UNDIRBÚNINGUR er þegar hafinn
að komu listamannsin.s Erró, en
hann heldur málverkasýningu í
kjallara Norræna hússins 11. til 25.
september nk.
Jafnhliða sýningunni verður
listamaðurinn með sýningu á
veggspjöldum (plakötum) í and-
dyri hússins. Ekki er vitað ná-
kvæmlega hve mörg málverk
verða á sýningunni en samkvæmt
upplýsingum frá Norræna húsinu
er giskað á, að þau verði 30—40.
nótt. Bókanir höfðu gengið á
milli, en lítið miðað í átt til sam-
komulags. Standi verkfallið ein-
hverja daga koma áhrif þess
fljótlega í Ijós, en þó ekki fyrr
en eftir helgi. Bændur gætu
þurft að hella niður mjólk eftir 4
daga verkfall og mjólkurskortur
gæti orðið á höfuðborgarsvæð-
inu er kemur fram í næstu viku.
Krafa bílstjóranna er um 16%
hækkun launa, en vinnuveitendur
hafa boðið samning, sem er í
samræmi við ASÍ-samkomulagið.
Félög bifreiðastjóranna hafa tví-
vegis fellt samninga, sem náðst
höfðu við vinnuveitendur. Fyrst
ASÍ-samkomulagið og síðan
samning frá 13. júlí, þar sem
komið hafði verið til móts við
kröfur þeirra.
Þórarinn Þórarinsson, lögfræð-
ingur Vinnuveitendasambands
íslands, sagði í gærkvöldi, að ef
samið yrði um launahækkanir
umfram það, sem almennt gerðist
á vinnumarkaðinum, væri verið
að taka það sem munaði af laun-
um bóndans, sem ekki fengi leið-
réttingu fyrr en í desember. Þá
yrði launahækkuninni velt yfir á
neytendur.
Guðlaugur Þorvaldsson ríkis-
sáttasemjari sagði seint í gær-
kvöldi að staðan í samninga-
málinu væri erfið og kvaðst hann
ekki eiga von á að málin skýrðust
á næstu klukkutímum. Guðlaug-
ur sagði að sáttafundi yrði haldið
áfram fram eftir nóttu að
minnsta kosti.
VERÐLAGSRÁÐ hefur heimilað
4,7% hækkun i benzini frá og með
deginum í dag. Hækkar því hver lítri
úr 10,70 krónum í 11,20 krónur. Þí
hefur ráðið heimilað 8,3% hækkun á
gasoliu og hækkar hver lítri úr 4,20
krónum í 4,55 krónur. Ennfremur
hefur ráðið heimilað 8,5% hækkun á
svartoliu og hækkar hvert tonn úr
2.960 krónum í 3.210 krónur.
Georg Ólafsson, verðlagsstjóri,
sagði í samtali við Mbl., að þessar
hækkanir væru að langmestu leyti
tilkomnar vegna hækkunar á
Bandaríkjadollara, en hann hefur
hækkað um liðlegas 10% frá því,
að benzín- og olíuverð var síðast
ákveðið.
Á fundi Verðlagsráðs í gær var
ennfremur samþykkt að heimila
20% hækkun á gjaldskrám Stræt-
isvagna Reykjavíkur. Einstök far-
gjöld hækka því úr 5,50 krónum í
6,50 krónur. Fargjöld barna verða
hinsvegar óbreytt áfram, eða 1,50
krónur einstök fargjöld.
Verðlagsráð samþykkti enn-
fremur að heimila 20% hækkun
aðgangseyris að sundstöðum borg-
arinnar.
Þá samþykkti ráðið að heimila
14% hækkun á sandi og 12%
hækkun á steypu, án sands. Því
má segja, að steypa hækki um í
kringum 13%.
Loks samþykkti Verðlagsráð á
fundi sínum í gærdag, að heimila
12% hækkun á vöruafgreiðslu-
gjöldum skipafélaga.
Drengur á
þrettánda ári:
Varð fyrir
sláttuþyrlu
og beið bana
DRENGUR á þrettánda ári lést þeg-
ar hann varð fyrir sláttuþyrlu um
hádegisbilið í gær, samkvæmt upp-
lýsingum sem Morgunblaðið fékk
hjá lögreglunni á Hvolsvelli.
Slysið varð við bæinn Syðri
Hamra í Ásahreppi í Rangárvalla-
sýslu. Atvik eru enn óljós en unnið
var að slætti á bænum, á túni sem
er nokkuð vestan bæjarins.
Drengurinn lenti síðan í sláttu-
þyrlunni með fyrrgreindum afleið-
ingum.
„Tek törn í að blóðga
ekkert síður en aðrir“
Bryggjuspjall við Ásgeir á Guðbjörginni, sem \L
kom með 230 t í gær eftir 5 daga veiðiferð tkm TTTTT M I
Ljómn.: Úlfar Ágústmon.
Ásgeir Guðbjartsson um borð í' Guðbjörgu í Isafjarðarhöfn í gær.
ísarjörður, 4. ágiÍHt.
„JÁ, ÞAÐ gekk vel núna, ha. Tvö-
hundruð og þrjátíu tonn eða þrjúþús-
und og áttahundruð kassar af hrein-
um þorski eftir fimm daga veiði-
ferð,“ sagði Ásgeir Guðbjartsson,
skipstjóri á Guðbjörgu ÍS, við frétta-
mann Morgunblaðsins þegar hann
kom að um hádegisbilið í dag, mið-
vikudag.
„Við fengum hundrað tonn á
mánudaginn í fjórum holum innan
um ísinn á Strandagrunninu. Það
er enginn leikur að eiga við þetta í
ísnum í niðaþoku eins og var allan
tímann og fiskurinn fékkst ekki
nema á smábleðlum, þar sem hit-
inn í sjónum var aðeins meiri, eða
þrjár gráður í stað hálfrar gráðu
eins og sjórinn er þarna yfirleitt.
Mikill ís er yfir öllu Stranda-
grunninu og alveg vestur á Hala
og er Halinn að mestu lokaður. Þó
er Már búinn að vera þar undan-
farið og náð góðum holum inn á
milli.
Það er mikil smáloðna í smæsta
þorskinum og millistærðinni, en
stórþorskurinn virtist vera alveg
tómur. Fiskurinn lá þarna nokkuð
í lögum, sá stærsti yst og smækk-
aði svo nær landinu. Það kom
okkur því mjög á óvart þegar
svæðinu öllu var lokað, eftir að
dregið hafði verið einu sinni þvert
á þessa lagskiptingu, sem var al-
veg augljós, og síðan lokað á allt
svæðið eins og þar væri alls staðar
smáfiskur.
En hann er breilinn, við tókum
tíu til tólf tonna hal eftir tveggja
tíma drátt í gær, snérum við og
fórum sömu leið til baka, nema við
drógum þá alls í sex tíma, en af-
raksturinn var ekki nema eitt
tonn. Þessi aflahrota kemur alveg
á sama tíma og í fyrra, en mér
finnst sjórinn núna hlýrri yfirleitt
en þá og smáloðna er alls staðar
töluverð.
„Það er segin saga,“ sagði Ás-
geir aðspurður, „að maður sefur
ekki mikið þegar hundrað tonn
fiskast á dag, þá fer ég niður ekk-
ert síður en aðrir og tek törn í að
blóðga og koma aflanum af. Það
vildi mér til, að ég var vel hvíldur
þegar ég fór út í túrinn því það var
erfitt að böðlast með flotvörpu
innan um allan þennan ís.“
Nú bar að skipverja á leið í land,
sem spurði hvenær ætti að fara út
aftur. „Klukkan eitt á morgun,"
svaraði Ásgeir. Það er ekkert gefið
eftir, því Halinn bíður og Ásgeir
er þess fullviss að strax og ísinn
gliðnar muni veiðast vel þar.