Morgunblaðið - 10.08.1982, Blaðsíða 2

Morgunblaðið - 10.08.1982, Blaðsíða 2
2 MORGUNBLAÐIÐ, ÞRIÐJUDAGUR 10. ÁGÚST 1982 Ró og spekt á Hjalteyri Ekki hefur alltaf verið jafn rólegt á Hjalteyri við Eyjafjörð, eins og er þessi mynd var tekin. Maðurinn á myndinni tekur lífinu með stóískri ró og ekki virðast hænurnar heldur vera aðsópsmiklar. I.jósmynd: Snorri Snorraaon. Næturfundur BSRB um skerðingu á vísitölu Sameiginlegur fundur stjórnar og samninganefndar BSRB stóð enn yfir um miðnætti í nótt er Morgunblaðið fór í prentun. Til umræðu á fundinum var staða mála í samningum RSRB við fjármálaráðuneytið, einkum í Ijósi síðustu fregna um að til umræðu sé í ríkisstjórninni að skerða vísitölubætur á laun opinberra starfsmanna 1. september til jafns við aðildarfélög innan ASÍ. í gær var haldinn „samninga- fundur" BSRB og fjármálaráðu- neytisins, en honum lauk án þess að aðilar ræddust við, vegna þess að í gærmorgun hafði Ragnar Arnalds fjármálaráðherra til- kynnt fulltrúum BSRB fyrr- nefndar hugmyndir ríkisstjórn- arinnar. Vildu BSRB-menn þá fá tækifæri til að ræða hina nýju stöðu í sínum hópi áður en til samningafunda yrði gengið. Um miðnætti í nótt voru enn margir á mælendaskrá á BSRB-fundin- um að sögn Haraldar Stein- þórssonar framkvæmdastjóra bandalagsins, en fundinn sátu milli 50 og 60 manns. Bjóst hann allt eins við því að um málin yrði fjallað í nefndum og að fundur- inn stæði langt fram á nótt, og ekki var ljóst hvort einhver ályktun yrði samþykkt. Um hljóðið í mönnum eftir síðustu tíðindi kvaðst Haraldur lítið vilja segja, né heldur segja sitt álit á málinu fyrr en að lokn- um fundi. Hann sagði þó að ýmis sjónarmið hefðu komið fram, og sumir hefðu lýst því yfir að þeir væru hættir að verða hissa á að- gerðum stjórnvalda og því þyrftu fréttir um skerta vísitölu ekki að koma á óvart. Jámblendiverksmiðjan: Lokun annars ofns- ins kemur Lokun annars ofns Járnblendi- verksmiðjunnar á Grundartanga kann að verða ein af þeim ráðstöfun- um, sem gripið verður til, fari ástand og horfur á kísilmálmmörkuöum ekki að batna. Jón Sigurðsson, for- stjóri Járnblendiverksmiðjunnar, sagði í samtali við blaðamann Morg- unblaðsins í gær að enn væri þó ekki búið að taka neinar ákvarðanir i þessa átt, en í lok þessa mánaðar myndu málin væntanlega skýrast. Að sögn Jóns er það bæði spurn- ing um fjárhagslegu hlið málsins, hve lengi er unnt að safna birgð- um án þess að þær séu fluttar út, og einnig er geymslurými tak- til greina markað, þannig að verði verulegur dráttur á afskipunum getur komið til samdráttar í framleiðslu vegna plássleysis. Ekki mun koma til uppsagna fastráðins starfsfólks á Grundar- tanga, þótt af lokun annars ofnsins verði að sögn Jóns. Margt sumarfólk er við störf í verksmiðj- unni, auk lausráðinna starfs- manna. Margir hætta í haust, og þá verður ekki þörf á uppsögnum hinna fastráðnu. Vangaveltur um þessi atriði sagði Jón hins vegar ekki tímabærar ennþá, en málin myndu skýrast í lok ágúst sem fyrr segir. Jassútsetning þjóðsöngsins: Beðið eftir Birgi „Það er nú beðið eftir því að Birgir Thorlacius ráðuneytisstjóri komi heim frá Mexikó, málið liggur hjá honum til úrskurðar eða til að verða lagt fyrir ráðherra," sagöi Kristinn Hallsson í menntamálaráðuneytinu i samtali viö blaðamann Morgunblaðs- ins í gær. Kristinn var spurður hvað væri að frétta af hugsanlegum að- gerðum ráðuneytisins vegna nýstár- legrar útsetningar á þjóðsöngnum í nýrri kvikmynd Hrafns Gunnlaugs- sonar. Eins og áður hefur komið fram í fréttum óskaði menntamálaráðu- neytið umsagnar forsætisráðuneyt- isins vegna þessa máls. Skoðaði að- stoðarmaður forsætisráðherra kvikmyndina og kvaðst ekkert hafa að athuga við notkun þjóðsöngsins í tveimur atriðum myndarinnar. Samkvæmt upplýsingum Morgun- blaðsins hefur forsætisráðuneytið hins vegar ekki með þetta mál að gera. Afskiptum ráðuneytisins af þjóðsöngnum lauk í raun árið 1978, en þá voru liðin 50 ár frá andláti Sveinbjörns Sveinbjörnssonar tónskálds, er samdi lagið. Eftir fimmtíu ár frá andláti höfundar fer menntamálaráðuneytið með eftirlit með notkun á listaverkum látinna manna, en eiginlegur höf- undarréttur fellur jafnframt niður. Skákmótið í Noregi: Helgi og Karl með 2 vinninga Furstahjónin af Monaco koma hingað á laugardag KRANSKA skemmtiferðaskipið Mermoz er væntanlegt hingað á laugardagsmorgunmn kemur með 550 farþega innanborðs, þeirra á meðal furstahjónin af Monaco, Rainier fursta og Grace furstaynju. Kinnig eru líkur á að sonur þeirra, Albert, og önnur dóttir þeirra verði í för með þeim. Þau munu dveljast hér í þá tvo daga sem skipið stendur við, en áætlað er að það fari klukkan 6 á sunnudagskvöldið. Fyrirhugað er að furstahjónin og fylgdarlið fari í útsýnisflug til Grænlands og einnig er gert ráð fyrir að þau fari í ferð austur í sveitir, en hér er um einka- heimsókn að ræða. Samkvæmt þeim upplýsingum, sem Morgunblaðið hefur aflað sér, Ráðist á lög- reglumann RÁÐIST VAR á lögreglumann fyrir untan skemmtistaðinn Hollywood á sunnudagskvöld og slapp hann með minniháttar meiðsl. Samkvæmt upplýsingum sem Morgunblaðið fékk hjá lögreglunni í Reykjavík var lögreglumaðurinn ekki í starfi. Hann hefur starfað í fikniefnadeild lögreglunnar í Reykjavík, en vinnur nú í Rannsókn- arlögreglu ríkisins. Maðurinn sem réðst á lögreglumanninn hefur nokk- uð komið við sögu fíkniefnadeildar- innar og er talið að árásin á lögreglumanninn sé í tengslum við þau samskipti. Hann er í gæsiuvarðhaldi. er það heimskautanefnd Vísinda- miðstöðvar Monaco (Centre Scientifique de Monaco), sem hef- ur forgöngu um ferðina, en Raini- er fursti stofnaði Vísindamiðstöð- ina 1960. Formaður þessarar nefndar er prófessor Lois Rey, en hann hefur gefið út bók um Græn- land, sem hlaut verðlaun frönsku akademíunnar. Þetta er alþjóðleg nefnd, sem í eiga sæti vísinda- menn frá til dæmis Canada og Norðurlöndunum. Dr. Sturla Friðriksson erfðafræðingur er meðlimur þessarar nefndar. Franska skemmtiferðaskipið Mermoz er á siglingu um Norður- höf. Undanfarið hefur það verið á siglingu meðfram ströndum Nor- egs. Þetta er fjórða árið sem skip- ið kemur hingað til lands. Allt í allt mun ferð þess um norðurslóð- ir taka 17 daga. Héðan fer skipið aftur til Frakklands. Þrjár umferðir hafa nú verið tefld- ar á alþjóðlega skákmótinu í Gausdal í Noregi, en meðal keppenda eru fjór- ir fslendingar, þeir Karl Þorsteins, Jón L. Árnason, Klvar Guðmundsson og Helgi Ólafsson. Mótið hófst á laugardag, og er teflt á hverjum degi út mótið. Teflt er eftir norræna kerf- inu, samtals níu umferðir. Kftir þrjár umferðir er Norðmaðurinn Delange efstur með 3 vinninga. Hefur árangur hans komið á óvart á mótinu, þar sem hann er titillaus og neðstur þátttak- enda að stigum. Karl Þorsteins hefur hlotið 2 vinninga úr fyrstu þremur umferð- unum. Hann vann Popowych frá Bandaríkjunum í gær, en gerði jafntefli í tveimur fyrstu umferð- unum. Jón L. gerði í gær jafntefli við Forintos frá Ungverjalandi, sitt annað jafntefli. Er hann með einn vinning og jafnteflislega biðskák. Elvar er með einn vinning, vann óþekktan Norðmann í gær en tap- aði tveim fyrstu skákum sínum. Helgi er með tvo vinninga, vann Berger frá Bandaríkjunum og hef- ur gert tvö jafntefli. Mjög margir þátttakendur eru á mótinu, sem er haldið við mjög góðar aðstæður á háfjallahóteli í Gausdal í Guðbrandsdal í Noregi. Meðal þátttakenda eru sex stór- meistarar, þeir Westeriinen og Rantanen frá Finnlandi, Forintos frá Ungverjalandi, Cirik frá Júgó- slavíu og Shankowich og Benker frá Bandaríkjunum. Þá eru 20 al- þjóðlegir skákmeistarar á mótinu og milli 20 og 30 titillausir skák- menn. Hef ekki útnefnt Ólaf Ragn- ar sem blaðafulltrúa minn — segir Eggert Haukdal um frétt DV í gær í Dagblaðinu og Vísi í gær er haft eftir Olafi Ragnari Grímssyni, formanni þingflokks Alþýðubanda- lagsins, að Kggert Haukdal alþing- ismaður hafi lýst því yfir að hann styðji ríkisstjórnina og muni styðja þau bráðabirgðalög er hún setur. Kveðst Olafur Ragnar hafa þessar upplýsingar frá ráðherrum sjálf- stæðismanna í rikisstjórninni. Um það leyti sem undirritaður var samningur um efnahagsmál við Sovétríkin, ritaði Kggert forsætis- ráðherra bréf, þar sem hann sagði óvíst um áframhaldandi stuðning sinn við ríkisstjórn Gunnars Thoroddsens. í tilefni þessarar fréttar DV hafði fréttastofa Ríkisútvarps- ins viðtal við Eggert Haukdal í kvöldfréttatíma í gærkvöldi. Hann sagði, er hann var spurður um frétt blaðsins: „Ég vil í fyrsta lagi segja, að ég hef hvorki fyrr né síðar útnefnt ólaf Ragnar Grímsson né neinn ann; an sem blaðafulltrúa minn. í öðru lagi vil ég segja að ég skrifa ekki uppá óútfylltan víxil og því er þessi frétt algjörlega úr lausu lofti gripin. í þriðja lagi vildi ég segja, að væri ekki mál fyrir Ólaf Ragnar Grímsson og hans flokk, að fara að upplýsa um úr- ræði sín, samstöðu innan síns eigin flokks í efnahagsmálum, og láta þar við sitja?" Spurning fréttamanns: „Hvernig getur þá, Eggert, að þínum dómi staðið á þessari frétt í DV?“ „Er ekki Ólafur Ragnar Grímsson að reyna með þessu að breiða yfir úrræðaleysi og ósamstöðu í eigin liði? Hann lætur Dagblaðið hafa eftir sér tilhæfulausa frétt, í von um að viðbrögð mín verði þess eðlis að hann og hans menn geti notað þau sem átyllu til stjórnarslita. Það sé sem sagt enginn meiri- hluti til. En væri ekki rétt að kommarnir færu að sýna sín úr- ræði?“ Spurning fréttamanns: „En hvernig er þessu þá háttað, Egg- ert Haukdal: Styður þú stjórnina ennþá eða styðurðu hana ekki?“ „Úm þetta mál hef ég ekkert meira að segja að sinni,“ sagði Eggert Haukdal að lokum.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.