Morgunblaðið - 10.08.1982, Blaðsíða 27

Morgunblaðið - 10.08.1982, Blaðsíða 27
26 MORGUNBLAÐID, ÞRIDJUDAGUR 10. ÁGÚST 1982 Fólk og fréttir í máli og myndum • Hér að ofan má sjá „Rocky", eda Sylvester Stallone, í hlutverki markvarðarins, en það ku hafa kostað umtalsverðar æfingar til þess að tilburðir „Steina" væru fagmannlegir á milli stanganna, enda ekki á allra færi að standa í markinu í knattspyrnu. • Eigi alls fyrir löngu var lokið við gerð athyglisverðrar kvikmyndar sem gaman væri að fá að berja augum í einhverju islensku kvikmyndahúsi. Umrædd kvikmynd heitir „Victory", eða sigur. Söguþráðurinn er í stuttu máli sá, að stríðsfangar úr röðum bandamanna í síðari heimsstyrjöldinni skora á þýska fangaverði sina í knattspyrnuleik sem fram fer innan veggja fangabúðanna. Svo fer, að fangarnir sigra í leiknum, en sigurinn reynist dýrkeyptur. Ýmsir kunnir knattspyrnumenn leika í myndinni og má sjá nokkra þeirra á myndinni hér að ofan. Þar má glöggt þekkja John Wark frá Ipswich og Pele. í miðjunni er einnig gamla kempan Mike Summerbee. Aðrir, sem leika í myndinni, eru til dæmis Osvaldo Ardiles og Bobby Moore. Á litlu myndinni er Pele í fullum hermannaskrúða. • Þetta atvik vakti á sinum tima all mikla kátínu. Það er ekki sem sýn- ist, að QPR-leikmaðurinn hafi ráðist dólgslega á lögregluþjóninn og hent honum í áhorfendastæðin. Hið sanna í málinu var, að Simon Stain- rod, markaskorari QPR, var á fleyg- iferð eftir knettinum, en missti stjórn á sér og skall þá á hinn grun- lausa vörð laganna. Hvorugur varð fyrir meiðslum og því gátu menn skemmt sér yfir atburðinum án þess að fá slæma samvisku. • Rolla þessi heitir Pico Schutz og er lukkudýr þýska knattspyrnufé- lagsins Werder Bremen með meiru. Að öllu jöfnu er Pico tjóðruð fyrir aftan annað mark Weser-leikvangs- ins, þar sem hún fylgist með gangi leiksins niilli þess sem hún jórtrar grængresi sem henni er gefið. En er Werder og Bayern Miinchen mætt- ust í bikarleik á síðasta keppnistíma- bili líkaði Pico ekki frammistaða liðsins, reif sig lausa og arkaði inn á leikvöllinn. Frumhlaup hennar var þó ekki vel séð og fyrir vikið verður hún framvegis tjóðruð enn rækilegar en áður. • Er það nokkur furða þó þessi kappi sé ögn rangeygður á myndinni. Þetta er annars hinn sænski Stellan Bengtson, sem hefur um árabil verið í hópi bestu borðtennisleikara ver- aldar. Hann er nú 29 ára gamall, en segist aldrei hafa verið betri en ein- mitt nú hvað svo sem er til í því. Annars birtum við þessa mynd ein- ungis vegna þess að hún er afar skemmtileg, tekin á skemmtilegu augnabliki, er Bengtson virðist halda kúlunni £ nefi sinu. • Bandaríski knattspyrnumarkvörðurinn Alan Mayers grípur hér inn í leik- inn. Mayers þessi leikur með Tampa Bay Rowdies og á þessari mynd á félag hans í höggi við San Diego Soccers. Mayers hefur vakið athygli fyrir höfuð- búnað þann er hann ber jafnan í leikjum sínum, en eins og sjá má á myndinni líkist búnaður þessi að mörgu leyti þeim sem ísknattleiksmark- verðir bera af illri nauðsyn. ísknattleiksmennirnir bera grímur vígalegar til þess að stórslasast ekki er leikmenn berja þá í andlitið með kylfum sínum, eða slá hinar litlu grjóthörðu kúlur í þá. Það mun vera ólíkt hættuminna að fá fótknött í andlitið jafnvel þó fast sé spyrnt, heldur en ísknattleikskúlu. En kannski er það ekki það sem Mayers er smeykur við. Það skyldu þó ekki vera takkaskórnir sem hann er að verja sig fyrir? ¦¦"¦¦ Qwsfe • Svo sérð þú um að skora Jói,

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.