Morgunblaðið - 10.08.1982, Blaðsíða 12

Morgunblaðið - 10.08.1982, Blaðsíða 12
12 MORGUNBLAÐIÐ, ÞRIÐJUDAGUR 10. ÁGUST 1982 Gunnar Bergsteinsson, forstjóri Landhelgisgæslunnar: „Árlega dregið úr rekstri Landhelgisgæslunnar" EINS OG fram hefur komið í Morg- unblaðinu samþykkti aðalfundur Sjómannafélags Reykjavíkur harð- orða ályktun um málefni Landhelg- isgæslunnar. Aðalfundurinn lýsti m.a. undrun sinni yfir því vítaverða skilningsleysi sem núverandi stjórn- völd hafi á gildi öflugrar landhelg- isgæslu fyrir ey- og fiskveiðiþjóð sem ísland væri. í tilefni þessarar ályktunar hafði Mbl. samband við (iunnar Bergsteinsson, forstjóra Landhelgisgæslunnar, og lagði fyrir hann nokkrar spurningar. — Hefur skilningsleysi núver- andi stjórnvalda á málefnum Landhelgisgæslunnar verið meira en fyrri stjórnvalda? „Það held ég nú ekki, þetta hef- ur verið þróun allt frá því 1975, að lokið var útfærslu í 200 mílur. Síð- an hefur verið dregið árlega úr rekstri Landhelgisgæslunnar." — Finnst þér ástandið vera í lagi eins og það er nú? „Nei, ég er að vonast til að við réttum við, förum að rísa upp úr dalnum á ný. Mér skilst að það sé skilningur stjórnvalda fyrir því, en hvað tekst, það er undir fjár- veitingarvaldinu komið." — í ályktun Sjómannfélagsins segir að ekki hafi fengist olía á varðskipin, er það rétt? „Það er ekki rétt, hins vegar skilst mér að það hafi verið eitt- hvað rætt um þetta fyrir um ári síðan, en það var fyrir mína tíð í þessu starfi. Það hafa engin vand- ræði verið með að fá olíu á skipin síðan ég tók við." — Hefur meirihluti varðskip- anna verið í höfn síðan 1978, eins og segir í ályktun Sjómannafé- lagsins? „Ég þori ekki að fullyrða um það, en eins og ég sagði áðan hefur þróunin orðið sú að það hefur ver- ið dregið úr rekstrinum ár frá ári." — Það mat sjómannanna að halda þurfi úti 4 varðskipum er það rétt að þínu mati? „Já, ég tel það, sérstaklega yfir vertíðina. Okkur ber að aðstoða fiskiskipaflotann eftir því sem þarf á að halda. Eftir því sem við höfum færri skip þá verður lengra í varðskip sem getur veitt aðstoð. Tryggingafélögin hafa gert út Goðann í þessu skyni en það hefur verið dregið úr rekstri hans, þess vegna má búast við þrýstingi á að varðskipin sinni ennfremur slík- um störfum." — Eru eftirlitsmenn Hafrann- sóknarstofnunarinnar betur komnir um borð í varðskipunum en fiskiskipunum sjálfum? „Þetta atriði hefur verið rætt við Sjávarútvegsráðuneytið og Hafrannsóknarstofnunina og við höfum þegar gert þetta. Þeir hafa verið tímabundið um borð í okkar skipum og við höfum fært þá á milli skipa. Þetta er því nú þegar í gangi. Núna í augnablikinu er t.d. eftirlitsmaður um borð í einu varðskipanna." — Dómsmálaráðherra sagði í samtali við Mbl. á laugardaginn að nú væri visst millibilsástand í málefnum Landhelgisgæslunnar og nefnd væri starfandi við að skoða þessi mál, hvað vilt þú segja um þetta? „Þetta er þingkjörin nefnd sem var falið að gera tillögur um efl- ingu Landhelgisgæslunnar, þann- ig að við verðum að álykta að stjórnvöld og Alþingi hafi skilning á því að það þurfi einhverja endurbót á þessum málum." \ llinir þrír nývígðu guðfræðingar. Gisli Gunnarsson, Hreinn Hákonar- son og Önundur Björnsson. Ljósm. Mbi. kee Þrír guðfræðingar vígðir Á sunnudaginn voru 3 guðfræð- ingar vígðir af biskupi íslands. Voru það þeir Gísli Gunnarsson til Glaumbæjarprestakalls, Hreinn Hákonarson til Söðulsholtspresta- kalls og Önundur Björnsson til Bjarnanesprestakalls. Sagði Pétur Sigurgeirsson biskup í upphafi pré- dikunar sinnar, að þeir væru vígðir á þeim tímum, þegar meira væri leitað til kirkjunnar vegna ófriðar í heiminum en verið hefði oft áður. Vígsluvottar voru þeir Gunnar Gíslason, prófastur í Glaumbæ, sem jafnframt lýsti vígslu, Ingi- berg Hannesson, prófastur á Hvoli, Einar Sigurbjörnsson, kennari og Magnús Guðjónsson, biskupsritari. Að lokinni vígslu var vígslu- þegum, vígsluvottum og konum þeirra ásamt foreldrum og tengdaforeldrum boðið til há- degisverðar af biskupsembætt- inu, svo sem tíðkast hefur. Vígsl- unni var hljóðvarpað beint úr Dómkirkjunni. Leikklúbburinn Saga í leikfor til Danmerkur ÞANN 20. ágúst leggur Leikklúbbur- inn Saga á Akureyri upp í leikför til Danmerkur með leíkrit Helga Más Barðasonar, „Önnu Lísu". Alls verða 17 manns með í fbrinni, leikarar og að.stoðarfólk auk höfundarins og leik- stjórans, Þrastar Guðbjartssonar. Ak- ureyrarbær og Kaupfélag Eyfirðinga veittu klúbbnum fjárhagslegan stuðn- ing til að takast þessa ferð á hendur. Það er Musikteatergruppen Ragnarock í Humlebæk á Sjálandi sem er gestgjafi Akureyringanna. Ragnarock er unglingaleikhús sem starfar á likum grundvelli og Saga og hafa verið allöflug tengsl með þessum kúbbum nú um nokkurt skeið. Einnig tekur íslendingafé- lagið í Kaupmannahöfn þátt í und- irbúningi heimsóknarinnar. Áformað er að sýna „Önnu Lísu" þrisvar sinnum í Humlebæk og um svipað leyti frumsýnir danski leikflokkurinn dagskrá er nefnist „Svart og hvítt". Leikklúbburinn Saga mun einnig sjá sýningar fleiri leikhúsa á Sjálandi, í Kaupmanna- höfn og víðar, og kynna sér starf- semi áhugaleikflokka í Danmörku. „AnnaLísa" var sýnd alls 9 sinnum á Akureyri og Norðurlandi í vor. Sýningarnar í Danmörku verða fluttar á íslensku. Undirbúningur ferðarinnar er nú hafinn af krafti og unga fólkið til- búið að takast á við þetta stóra verkefni. Hugsanlegt er að Ragna- rock endurgjaldi heimsókn Sögu á næsta ári, en flokkurinn hefur þeg- ar heimsótt þrjú Norðurlandanna, þ.á m. Færeyjar. Með helstu hlutverk í „Önnu Lísu" fara Sóley Guðmundsdóttir, Sigurður Ólason og Guðbjörg Guð- mundsdóttir. Ein breyting verður á hlutverkaskipan: Halldór Bach- mann tekur við hlutverki Adda af Adolf Erlingssyni. Formaður klúbbsins er Jóhanna Birgisdóttir, en hún samdi einnig tónlist við leikritið ásamt Helga Má. Ljósa- meistari í ferðinni verður Baldur Guðnason, en Þórhallur Jónsson annast hljóðstjórn. Eins og áður hefur komið fram fjallar „Anna Lísa" um unga stúlku og samskipti hennar við fjölskyldu, vini og um- hverfi, frá unglingsárum og þar til hún stendur á eigin fótum. Ástin og kynslóðabilið koma við sögu og að áliti leikhópsins á viðfangsefni leikritsins ekki síður erindi til ann- arra þjóða en íslendinga, segir í frétt frá Sögu. Við barnaborðið í Fcrstiklu sitja afgreiðslustúlkur í gildaskálanum, þær Steina, Salvor, Munda, Selma, Barbara og Siggi benzíntittur. Ferstikluskáli stækkaður NÚ nýverið var gildaskálinn að Ferstiklu í Hvalfirði stækkaður að mun. Eru í þessum skálahluta sæti fyrir 52 og 24 sæti eru í eldri hlut- anum, sem er orðinn að hinum vistlegustu básum, fóðruðum. Áformað er síðan að setja upp nýtt afgreiðsluborð og stækka eldhús og frystigeymslur. Við hliðina á þessari nýju stækkun, þá á að koma kjörbúð með allar algeng- ustu vörur fyrir ferðamenn. Jafnframt þessari stækkun, þá var nýr benzínskúr tekinn í notkun. í stækkuninni er barna- leikhorn, þar sem börn geta setzt við borð og kubbað úr LegóKubbum. Margs konar grillmatur fæst í Ferstiklu og allt brauð er smurt á staðnum. Símtöl til Kanada lækka TEKIST hefur samkomulag við Teleglobe í Kanada um lækkun talsímagjalda milli íslands og Kanada. Frá og með 10. ágúst 1982 lækkar gjald pr. mín. í sjálf- vali úr kr. 54,00 í kr. 25,00 eða um 54%. Samsvarandi lækkun verður fyrir handvirka þjón- ustu. Fyrstu 3 mínúturnar, sem er lágmarksgjald, lækka úr kr. 186,00 í kr. 87,00 og hver viðbótarmínúta lækkar úr kr. 62,00 í kr. 29,00. Símnotendur geta í dag val- ið sjálfvirkt til 79 landa og hafa eftirtalin lönd nýlega bæst við: Landsnúmer: Ástralía 61 Bahrain 973 Barbados 1809 Bermuda 1809 Brasilía 55 Jamaíka 1809 Kenýa 254 Sameinuðu arabafurstadæmin 971 Sri Lanka 94 Venezuela 58 „íslenskan er latína norðursins « „ÞAÐ ER mikið lesið í Rúmeniu, enda bækur hafðar eins ódýrar og kostur er," sagði Munteanu Valériu, yfirdósent i germönskum málum við háskólann i Búkarest, í stuttu spjalli við Mbl. Valériu hefur þýtt þrjár ís- lendingasögur, Gísla sögu Súrsson- ar, Gunnlaugs sögu Ormstungu og Hrafnkels sögu Freysgoða, á rúm- ensku og gefið út i heimalandi sinu. Ilann hefur undanfarna daga dvalið hér á landi í boði menntamálaráðu- neytisins. Sögurnar voru gefnar út saman og seldist upplagið, 40 þúsund ein- tök, upp á mjög skömmum tíma að sögn Valérius. „I germönsku deild- inni eru þeir sem leggja stund á ensku eða þýsku skuldbundnir til Munteanu Valériu, norrænufræðing- ur frá Rúmeníu. (Ljósm. Mbi. köe.) að læra annað hvort sænsku eða dönsku í a.m.k. þrjár annir og er áhuginn heldur meiri fyrir sænsk- unni en dönskunni, sennilega vegna þess að mönnum finnst sænskan ívið léttari en danskan," segir hann. „íslenskan er þó lang- samlega erfiðust af norðurlanda- málunum, enda elst og „latína norðursins". íslenska er ekki kennd sem talmál en þegar germ- önsk málvísindi eru annars vegar er ekki hægt að komast af án þess að leggja íslensku til grundvallar." Þetta er í þriðja skipti sem Munteanu Valériu heimsækir ís- land, en hann kom hingað fyrst árið 1973 til að sitja alþjóðlegt þing norrænufræðinga og síðan aftur árið eftir og sótti þá nám- skeið í íslensku og íslendingasög- um við Háskóla Islands. „Áhugi minn á norðurlandamálunum vaknaði mjög snemma," segir hann. „En ég tók samt ekki fíl. cand, próf frá Uppsalaháskóla fyrr en árið 1973. Aður hafði ég kennt ensku, þýsku og germanska samanburðarmálfræði um árabil við háskólann í Búkarest. „Eins og er stunda þar um 25 stúdentar nám í sænsku og nokk- uð færri í dönsku. Við reynum að halda uppi nokkuð reglulegu fyrir- lestrahaldi um Norðurlöndin, þjóðirnar sem þau byggja og menningu þeirra. ísland hefur kannski fengið hvað minnsta um-

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.