Morgunblaðið - 07.09.1982, Blaðsíða 38
46
MORGUNBLAÐIÐ, ÞRIÐJUDAGUR 7. SEPTEMBER 1982
Þetta er hin nývígða kirkja að Saurbæ á Rauðasandi. Hún er raunar
125 ára og stóð á Reykhólum en var rifin þar fyrir nokkrum árum og
var nú endurreist að Saurb* i stað kirkjunnar sem þar stóð og fauk hér
um árið. Vígsluathöfnin var á sunnudaginn og þjónuðu þar 8 prestar,
þar á meðal Sigurður Pálsson vígslubiskup í Skálholtsstifti hinu forna.
Vígð Saurbæjar-
kirkja á Rauðasandi
— eftir flutning á milli tveggja höfuð-
bóla Guðmundar hins ríka með viðkomu
í landnámi Ingólfs Arnarsonar
latrum, 6. september.
í GÆR var vígð ný kirkja að hinu forna höfuðbóli að Saurbæ á
Rauðasandi. Að vísu var kirkjan ekki alveg ný, þar var gamla
kirkjan sem var á Reykhólum og 125 ár síðan hún var þar byggð á
einu höfuðbóli Guðmundar hins ríka. Hún var rifin þar, vék fyrir
nýrri nútíma steinkirkju. En lærðir menn fyrir lengd og breidd í
fagurfræðilegum málum byggingarlistarinnar eins og Hörður Ág-
ústsson og Þór Magnússon, þeir þjóðkunnu menn, urðu varir við
niðurrif og vissu að hér var verið að rífa fagurfræðilegt listaverk
séð frá sjónarhóli byggingarlistameistarans og fornfræðingsins og
rif kirkjunnar fór því skipulega fram, allt var skipulega merkt og
númerað saman. Svo kom óvinur eða vinur til sögunnar, Kári
kallaður, og feykti, með ofsakrafti sínum, gömlu kirkjunni í
Saurbæ á Rauðasandi, öðru höfuðbóli Guðmundar hins ríka, svo
ekkert stóð eftir nema predikunarstóllinn á grunninum með þeirri
afleiðingu að nú vantaði fámennan og fátækan söfnuð nýja kirkju.
Að góðra manna ráði var snúist við því þann veg að flytja nú kirkju
á milli hinna fornu höfuðbóla Guðmundar, gömlu kirkjuna frá
Reykhólum sem hafði þá um nokkur ár, eða efnið úr henni, verið á
hálfgerðum flækingi um landnám Ingólfs Arnarsonar en ekki náð
að rísa upp. En þarna skapaði Kári tækifærið með því að taka í
sínar klær Saurbæjarkirkju. Allt dót kirkjunnar var flutt að
Saurbæ og byrjað að raða saman pússluspilinu. Komu þar margir
að, heimamenn og aðrir, en á bak við stóðu þeir félagar Hörður
Ágústsson og Þór Magnússon með Ijósið og línuna svo hvergi skeik-
aði og þeim til aðstoðar var byggingarmeistarinn Gunnar Guð-
mundsson á Fossi. Allir eru á einu máli um að endurbyggingin hafi
tekist afburða vel og með henni hafi verið bjargað því sem bjarga
átti, bæði hagkvæmnislega séð og einnig hvað snertir fagurfræði-
legar byggingarlistaformúlur sem þetta guðshús ber með sér og
átti að bjarga.
Vígslan var framkvæmd af vígslubiskupi, Sigurði Pálssyni,
ásamt prófasti okkar, séra Þórarni Þór, og öðrum prestum'
prófastsdæmisins, séra Döllu Þórðardóttur, séra Valdimar á
Reykhólum og svo aðkomandi prestum, séra Sigurði Sigurðssyni
Selfossi, séra Gunnari Björnssyni Bolungarvík og okkar kæru
fyrrverandi sóknarprestum, séra Grími Grímssyni og séra Gísla
Kolbeinssyni. Kirkjukór Patreksfjarðar sá um sönginn, undirleik
annaðist Hallgrímur læknir. ÖIl fór athöfnin fram með ágætum.
Upp að 200 manns munu hafa verið við kirkju, margir úr Reykhóia-
sveit sem vildu fagna hinni endurreistu kirkju sinni. Var svo öllum
kirkjugestum boðið til kirkjukaffis að fornum sið og var það drukk-
ið í félagsheimili sveitarinnar, Fagrahvammi. Var þar veitt af
rausn að vanda og margir fóru í ræðustól, þar á meðal þeir fag-
menn og félagar Hörður Ágústsson og Þór Magnússon. Var þeim
mikið og vel þakkað. Þórður
Stjóm Sambands ungra sjálfstæðismanna:
Ríkisstjórnin ófær um að stjórna
málefnum lands og þjóðar
Ber að segja af sér og boða til þingkosninga
A FUNDI stjórnar Sambands ungra
sjálfstæðismanna sem haldinn var á
Akureyri laugardaginn 4. september
síðastliðinn, var samþykkt stjórn-
málaályktun, þar sem ríkisstjórnin
er gagnrýnd. Segir í ályktuninni að
vegna fyrirhyggjuleysis ríkisstjórn-
arinnar hafi þurft að grípa til stór-
felldrar kjaraskerðingar, en hins
vegar leysi efnahagsráðstafanirnar
ekki aðsteðjandi vanda. Ályktun
stjórnar SUS er svohljóðandi:
„Núverandi ríkisstjórn hefur á
valdatíma sínum, allt fram á þetta
ár, notið góðs af óvenju hagstæð-
um ytri skilyrðum þjóðarbúsins,
afli hefur verið mikill og fram-
leiðsla landsmanna með mesta
móti. Stjórnin fékk því kjörið
tækifæri til að búa í haginn fyrir
landsmenn, treysta rótgróið at-
vinnulíf í landinu, aðlaga það nýj-
um tímum og nýrri tækni og
skjóta jafnframt fleiri stoðum
undir efnahag þjóðarinnar til að
treysta framtíðaratvinnu ungs
fólks í landinu.
I stað þess að nýta það lag, sem
ytri aðstæður sköpuðu, til að huga
að framtíðarvelferð þjóðarinnar,
hefur stjórnin sýnt fádæma fyrir-
hyggjuleysi, sólundað fjármunum
þjóðarinnar og grafið undan göml-
um og nýjum atvinnugreinum í
stað þess að byggja þær upp. Fjár-
hagsstöðu þjóðarinnar út á við
hefur verið stefnt í voða með
óraunhæfri gengisstefnu, miklum
viðskiptahalla og óhóflegri söfnun
erlendra eyðsluskulda. Skatt-
heimta hefur verið aukin úr hófi
fram. Nákvæmlega enginn árang-
ur hefur náðst í baráttunni við
verðbólguna, þrátt fyrir drýgindi
Bókaútgáfan Helgafell:
Ný skáldsaga
eftir Jón Óttar
Ragnarsson
STRENGJABRÚÐUR nefnist ný
skáldsaga eftir Jón Óttar Ragn-
arsson, sem væntanleg er frá
Bókaútgáfunni Helgafelli nú fyrir
jólin. Þetta er fyrsta bók höfund-
ar, sem er dósent við Háskóla ís-
lands og kunnur fyrir greinar sín-
ar í Morgunblaðinu um hollustu
og mataræði og fleira.
I kynningu forlagsins á hinni
væntanlegu bók segir svo:
„Á yfirborðinu er þetta spenn-
andi saga um ameríska óperu-
söngkonu og hverju hún fórnar
fyrir frama sinn og frægð. í reynd
er þetta ekki síður saga um um-
hverfið og hvernig það mótar
okkur. Þetta er saga um metnað
og samkeppni vísindamanna um
Nóbelsverðlaun, framhjáhald og
skilnað og þá félagslegu upplausn
sem einkennir okkar tíma.“
Norski uppeldisfræðingurinn Borgny Rusten:
Flytur erindi um sérkennslu ein-
hverfra og félagslega þjónustu
NORSKI uppeldisfræðingurinn
Borgny Rusten dvelur nú hér á
landi og verður hér til 17. sept-
ember næstkomandi, á vegum
Umsjónarfélags einhverfra,
Landssamtakanna Þroskahjálp-
ar, Styrktarfélags vangefinna,
Félags ísl. sérkennara, Félags-'
ráðgjafafélags Islands, Þroska-
þjálfafélags Islands og Sálfræð-
ingafélags Islands.
Hún mun heimsækja skóla og
stofnanir í Reykjavík, á Akureyri
og víðar, halda fundi með kenn-
urum sérskóla, starfsliði ýmissa
stofnana og foreldrum einhverfra
og annarra þroskaheftra.
Þá mun hún halda erindi fyrir
almenning í Norræna húsinu
miðvikudaginn 8. september kl.
20.30 um „Sérkennslu einhverfra
og félagslega þjónustu við for-
eldra þeirra". Á Akureyri mun
hún einnig halda erindi fyrir al-
menning laugardaginn 11. sept-
ember.
Borgny Rusten hefur langa
reynslu sem móðir einhverfs
drengs, auk þess að vera sérkenn-
ari og uppeldisfræðingur. Hún
var í foreldrahópnum sem stofn-
aði í Noregi landssamtök til
stuðnings geðsjúkum börnum ár-
ið 1965 og formaður þeirra sam-
taka var hún frá 1975—1980. Árið
1973 hafði hún frumkvæði að
sumarnámskeiðum fyrir foreldra
einhverfra á vegum landssamtak-
anna og var lengst af námskeiðs-
stjóri. Síðustu árin hefur hið
opinbera annast þetta nám-
skeiðshald. Þá hefur hún ásamt
fleiri foreldrum sett á stofn dval-
arheimili fyrir einhverfa af eigin
rammleik.
Vorið 1981 lauk Borgny Rusten
embættisprófi í uppeldisfræði af-
brigðilegra.
ráðherra í því efni, og er nú svo
komið, að þrátt fyrir efnahags-
ráðstafanir og bráðabirgðalög rík-
isstjórnarinnar, spá bjartsýnustu
menn því, að verðbólgan verði
50—60% á næsta ári. Yfirvofandi
er stöðvun undirstöðuatvinnuveg-
anna og atvinnuöryggi er stefnt í
hættu.
Vegna stefnu ríkisstjórnarinnar
var ástandið því þannig, að þegar
nokkurn bakvind sló í segl þjóðar-
skútunnar á þessu ári, sá stjórnin
engin önnur ráð en að grípa til
stórfelldrar kjaraskerðingar og
það með þeim hætti að vafi leikur
á að fái stjórnskipulega staðist.
Má í því sambandi benda á hversu
óeðlilegt það er að setja bráða-
birgðalög um atburði sem eiga að
gerast nær tveimur mánuðum eft-
ir að Alþingi kemur saman.
Efnahagsráðstafanir og bráða-
birgðalög ríkisstjórnarinnar leysa
ekki aðsteðjandi vanda en stað-
festa hins vegar í hvert óefni
„óstjórn undanfarinna ára“ hefur
leitt, svo vitnað sé til ummæla for-
seta Alþýðusambands íslands.
Eftir þessar efnahagsaðgerðir
Staðinn að
verki í innbroti
LÖGREGLAN í Reykjavik kom að
tvítugum pilti þar sem hann var að
athafna sig í Blómavali aðfaranótt
sunnudagsins. Piltur hafði farið í
peningakassa og fyllt vasa sína af
skiptimynt þegar hann var staðinn
að verki.
Þá var brotist inn í þrjá bíla um
helgina og hljómburðartækjum
stolið úr þeim. Brotist var inn í
bifreið, sem stóð fyrir utan Há-
skólabíó og Pioneer-segulbandi og
tónjafnara stolið. Á Smáragötu
var tveimur hátölurum af Sanyo-
gerð stolið úr bifreið og auk þess
segulbandskassettum. Þá var
brotist inn í bifreið, sem skilin var
eftir yfir nótt við Laugardalsvöll
og útvarpi og segulsbandstæki
stolið. Rúða var brotin í bifreið-
stendur Alþýðubandalagið ber-
strípað fyrir sjónum almennings
sem ómerkilegur flokkur lýð-
skrumara og fyrri yfirlýsingar
þess um hliðstæðar aðgerðir falla
dauðar niður. Alþýðubandalags-
forkólfarnir í verkalýðshreyfing-
unni hafa sömuleiðis afhjúpað
fyrri blekkingar, m.a. í vísitölum-
álum. Er það út af fyrir sig já-
kvætt að þessir aðilar skuli með
svo eftirminnilegum hætti gera
upp sakir við fyrri málstað í þess-
um efnum.
Framsóknarmenn virðast ráð-
þrota, enda hefur allt tal þeirra
um niðurtalningu og árangursríka
stjórn efnahagsmála reynzt hjóm
eitt og blekking. Framsóknarráð-
herrarnir hafa látið Alþýðubanda-
lagið svínbeygja sig í flugstöðv-
armálinu og eftir tveggja og hálfs
árs setu formanns Framsóknar-
flokksins í embætti sjávarútvegs-
ráðherra, blasir við stöðvun fiski-
skipaflotans.
Stjórn SUS telur atburði síð-
ustu vikna staðfesta, að núverandi
ríkisstjórn sé ófær um að stjórna
málefnum lands og þjóðar og að
brýna nauðsyn beri til að binda
endi á frekari þrásetu hennar á
valdastólum. Með tilliti til þess að
stjórnin styðzt ekki við meirihluta
í báðum deildum Alþingis, telur
stjórn SUS að henni beri að segja
af sér og að þegar eigi að boða til
nýrra þingkosninga."
Örn og Örlygun
Gefur út bók um
jarðfræði Islands
ÁGRIP af jarðfræði íslands eftir
Ara Trausta Guðmundsson, er
meðal væntanlegra bóka frá Erni
og Örlygi nú í haust. Bókin er ætl-
uð sem upplýsingarit handa al-
þýðu um jarðfræði íslands og sem
kennslubók í greininni.
Bókin verður prýdd fjölda
mynda, bæði ljósmynda og teikn-
inga til skýringar og frekari
glöggvunar á efninu.
Frisenette til íslands
DÁVALDURINN Frisenette er
væntanlegur til fslands á miðviku-
daginn, en nú eru um 15 ár síðan
hann skemmti íslendingum síðast.
Frisenette skemmti víða um
land í íslandsferðum sínum og
var meðfylgjandi mynd tekin í
Austurbæjarbíói í síðustu ís-
landsferð hans. Fyrstu skemmt-
anir hans nú verða í Háskólabíói
á fimmtudag og föstudag.