Morgunblaðið - 07.09.1982, Blaðsíða 39
MORGUNBLAÐIÐ, ÞRIÐJUDAGUR 7. SEPTEMBER 1982
47
Harald V. Johnaon, Vestur-íslendingur af borgfirskum Kttum, innritar sig á Hótel Borg til tveggja vikna dvalar,
við komu sína til landsins. Harald hefur tvisvar áður komið til Íslands, fyrst árið 1930, en þá tók hann kvikmynd
af alþingishátíðinni, en kvikmyndina gaf hann Kvikmyndasafni íslands árið 1980 í tilefni þess að 50 ár voru þá
liðin frá alþingishátíðinni. Harald kom seinna til landsins, árið 1942, var hann þá í Bandaríkjaher og staðsettur
á Akureyri. (Ljmm. Mbl.: KÖE)
Vestur-íslendingurinn Harald V. Johnson á ferð hér á landi:
Gaf Kvikmyndasafni íslands kvikmynd
sem hann tók á alþingishátíðinni 1930
„ÉG HEF haft mikla
ánægju af því að koma til
Islands, eiginkona mín,
Louise, er ekki Vestur-
íslendingur, en hún hefur
eigi að síður notið dvalar-
innar hér vel. Ég hef hitt
frændur og vini og dvölin
hefur verið í alla staði
mjög ánægjuleg fyrir
okkur," sagði Harald
Valdimar Johnson í sam-
tali við Morgunblaðið.
Hann er efnafræðingur að
mennt og er búsettur í Big
Harbor í Washington.
Harald er Vestur-íslending-
ur, nánar tiltekið ættaður úr
Borgarfirðinum. Hann fæddist
árið 1913 í Mountain Norður-
Dakóta. Faðir hans, Jón Árna-
son (John Arnason Johnson),
sem er frá Kvígsstöðum í
Andakíl, fluttist með foreldrum
sínum til vesturheims árið
1883, en þau voru Árni Jónsson
(Johnson), bóndi á Kvígsstöð-
um, en ættaður frá Kirkjubóli í
Hvítársíðu, og eiginkona hans,
Steinunn Jónsdóttir, ættuð frá
kórsins „Vestur-bræðra“ vid vor-
söngskemmtun þeirra í júní.
Kjarvalsstöðum í Reykholtsdal
og Kalmanstungu.
Harald og Louise voru í 2 vik-
ur á Islandi í þetta sinn sem er
það þriðja hjá Harald. Þau
heimsóttu m.a. þá bæi í Borg-
arfirðinum sem Harald er ætt-
aður frá og var það skemmtileg
ferð að sögn Haralds. Þau fóru
til Akureyrar, en þar var Har-
ald staðsettur 1942—’43, þegar
hann kom hingað til lands í
annað sinn og þá sem hermaður
í Bandaríkjaher.
Harald kom fyrst til Islands
á alþingishátíðina 1930, þá sem
ungur maður í fylgd með for-
eldrum sínum. I þeirri ferð tók
hann kvikmynd af hátíðinni og
ferð Vestur-íslendinganna á
hana, en 1980 gaf hann Kvik-
myndasafni Islands kvikmynd-
ina í tilefni þess að 50 ár voru
þá liðin frá alþingishátíðinni.
Harald sagðist að lokum von-
ast til að koma til íslands að ári
og þá með kórnum „Vestur-
bræðrum" sem nær eingöngu
væri skipaður Vestur-íslend-
ingum. Þeir hefðu ætlað að
koma hingað til lands í sumar,
en forföll nokkurra kórfélaga
hefðu valdið því að ákveðið var
að fresta ferðinni. Kórinn, sem
er skipaður 19 mönnum, er um
3ja ára gamall og syngja þeir
opinberlega saman tvisvar á ári
og skipa íslensk lög veglegan
sess á söngskrám þeirra.
Sýslumannsembættið í Skagafjarðarsýslu:
Jóhann Salberg Guðmunds-
son hættir fyrir aldurs sakir
JÓHANN Salberg Guðmundsson
hefur sagt starfi sínu lausu frá og
störfum fyrir aldurs sakir. Jóhann
ber síðastliðinn.
Sýslumannsembættið hefur ver-
ið auglýst laust til umsóknar og
rennur umsóknarfrestur út um
miðjan september.
Jóhann Salberg Guðmundsson
var skipaður sýslumaður í Skaga-
sýslumaður í Skagafjarðarsýslu
með 1. nóvember, en hann hættir
Salberg varð sjötugur 4. septem-
fjarðarsýslu og bæjarfógeti á
Sauðárkróki 6. nóvember árið 1957
og tók hann við störfum 1. janúar
árið 1958 og hefur því gegnt emb-
ættinu í tæp 24 ár.
Heimdallur gefur út límmiða:
„Nato — stærsta
friðarhreyfingin“
HEIMDALLUR, samtök ungra
sjálfstæóismanna í Reykjavík, hefur
gefið út límmiöa með áletruninni
„NATO — Stærsta friðarhreyfing-
in“. Aletrun límmiðans er hvít á
rauðum grunni. Límmiðinn er fáan-
legur í Valhöll, Háaleitisbraut 1. f
fréttatilkynningu frá Heimdalli,
kemur fram að tilgangurinn með út-
gáfunni sé að minna á hið mikilvæga
hlutverk Atlantshafsbandalagsins
sem friðarbandalags.
Jafnframt útgáfunni hefur
Heimdallur ályktað eftirfarandi:
„I hinum hugmyndafræðilegu
kenningum ráðamanna í Sovét-
ríkjunum, er stefnt að heimsyfir-
ráðum kommúnismans og bent er
á að slík heimsyfirráð séu aðeins
„eðlilegt" framlag ráðamanna í
Sovétríkjunum til hinnar „sögu-
legu þróunar". Þessar staðreyndir,
ásamt sýnilegri útþenslustefnu
Sovétmanna, með vopnavaldi voru
kveikjan að stofnun NATO og þær
hafa ekki breyst. Hernaðarlegt afl
Sovétríkjanna er nú miklu meira
en nokkru sinni fyrr og því er full
þörf á að lýðræðisþjóðir Vestur-
landa standi vel á verði.
Elstu og helstu lýðræðisríki
heims eru í NATO, en þau ríki,
sem búa við lýðræðisskipulag,
hafa aldrei verið mörg og fer
óðum fækkandi. Lýðræðisþjóðirn-
ar stofnuðu NATO til þess að
treysta frið og öryggi og hin
styrka samstaða NATO-ríkjanna
hefur orðið þeim hvatning til þess
að eiga frumkvæði að margskonar
samningatilraunum, sem eiga að
bæta sambúð austurs og vesturs.
Má í því sambandi benda á við-
ræður um takmörkun gereyð-
ingarvopna, viðræður um gagn-
kvæman samdrátt herafla í Mið-
Evrópu og viðræður um gagn-
kvæman samdrátt í vígbúnaði
NATO og Austantjaldsríkjanna.
STÆRSTA
FRIÐARHREYFIIMGIN
Árangur hefur verið ágætur á
sumum sviðum en lítill á öðrum.
Hins vegar er ljóst, að án sam-
stöðu lýðræðisríkjanna hefðu
þessar samningaviðræður aldrei
farið af stað. Einnig er ljóst að
samstaða lýðræðisrikjanna í
NATO hefur áorkað að tryggja
frið og öryggi í Vestur-Evrópu og
sjálfstæði ríkjanna þar í 33 ár.
Þetta hefur jafnframt leitt til þess
að Sovétríkin hafa stórlega dregið
úr beinum ögrunum við þau og
reynst fúsari til að setjast að
samningaborðinu á sama tíma og
sovéska vígvélin herðir takið á
ríkjum utan NATO.
Heimdallur bendir á, að á með-
an ekki tekst að semja um gagn-
kvæma tilslökun í vígbúnaði, sem
báðir aðilar geti fylgst með og
treyst, mun varðveisla friðar og
öryggis lýðræðisþjóða Vestur-
Evrópu, byggjast á þeim sameig-
inlega varnarmætti, sem aðild að
NATO skapar. Árás á eitt aðild-
arríki NATO skal skoðuð sem árás
á þau öll. Við íslendingar eigum
því fulla samleið með nágrönnum
okkar í varnarmálum."
Prentvilla leið-
rétt í grein um
Kjalarnesþing
í GREIN í sunnudagsblaði um upp-
gröft í Þingnesi í Elliðavatni féll
niður setning úr formála, sem breytti
merkingu. Þar átti að standa:
Við uppgröftinn í sumar hefur kom-
ið í Ijós, að svonefnt landnámslag, þ.e.
öskulagið sérkennilega frá því um
894 —895 hefur fundist neðst í torf-
vegg í einu húsinu. Kemur það vel
heim og saman við sögur um að þarna
hafi verið búð á tímum Þorsteins Ing-
ólfssonar, sonar fyrsta landnáms-
mannsins og Hallgerðar langbrókar.
En í Landnámu er sagt, að hann hafi
látið setja þing á Kjalarnesi, áður en
alþingi var sett. Ýmsir hafa dregið
þetta í efa og talið að Kjalarnesþing
hljóti að hafa verið á Kjalarnesi og þá
verið þar sem heitir Leiðvöllur við
Kollafjörð. Þær menjar eru nú komn-
ar undir veg, enda miklu minna rými
þar. Jafnvel hafa sumir talið að þing-
ið hafi fyrst verið við Kollafjörð, en
síðar flutt í Þingnes. Þessi uppgröftur
ætti þá að hafa sannað, að búðir og þá
þingið var fyrst strax í Þingnesi við
Elliðavatn.
I söludeild okkar aö Seljavegi 2 er góö aöstaöa til
aö skoða og kynnast kostum Danfoss ofnhitastill-
anna, blöndunartækjanna og annari Danfoss fram-
leiöslu, sem stuölar aö beinum orkusparnaói.
Tæknimenn Danfoss deildarinnar leiöa þig i allan
sannleika. m
Höganás fllsarnar eru þekktar fyrir gæöi. Nú er
gott úrval af flisum. Einnig flisaefni og verkfæri. i
sýningarkassanum sjáið þiö ótal hugmyndir —
festar á litskyggnur, sem auövelda ykkur valiö á
Höganás flisum.
= HEÐINN =
SELJAVEGI2, REYKJAVIK