Morgunblaðið - 06.11.1982, Blaðsíða 45

MORGUNBLAÐIÐ, LAUGARDAGUR 6. NÓVEMBER 1982
45
^L?AKANDI
SVARAR í SÍMA
10100 KL. 10—12
FRÁ MÁNUDEGI
TIL FÖSTUDAGS
m ^ n"!/JA7T^
Hvet þessa ungu stúlku
til að vanda mál sitt
Keykjavíkurkona skrifar:
„Velvakandi.
I Morgunútvarpinu á mánudag
eða þriðjudag var ung stúlka að
leita frétta í spjalli við fólk á Fæð-
ingardeildinni, sem var ágætt,
utan þess hvernig hún hagaði máli
sínu á íslenzku. Hún sagði eitt-
hvað á þessa leið: Nú eru allir feð-
urnir flognir úr hreiðrinu (vænt-
anlega feður barnanna sem fædd-
ust um nóttina). En úr hvaða
hreiðri voru þeir, fullorðnir menn
og feður, að fljúga? Hún skildi
greinilega ekki hvað það táknar að
ungarnir fljúgi úr hreiðrinu. Líka
spurði hún: Hvað margar áttu?
Hefur væntanlega átt við: Hve
margar eignuðust börn í nótt eða
hve margar fæddu í nótt? Og
fleira í þeim dúr. Nú vil ég hvetja
þessa ungu stúlku til að reyna að
vanda svolítið mál sitt, þegar hún
er komin í fjölmiðil og orð hennar
berast út um allt land, þá er ég
viss um að hún getur bætt úr
þessu.
En úr því ég er farin að nefna
Fæðingardeildina, langar mig til
að bæta því við að þær góðu fréttir
glöddu mig, að veira sú sem herj-
aði á ungbörnin, hefði látið undan
síga og ekkert barn veiktist leng-
ur. Þetta getur alltaf komið fyrir,
og var brugðist við af skynsemi,
með því að einangra deildir.
En það vakti mig og dóttur
mína til umhugsunar um orð sem
sögð voru þegar umræður voru um
að leggja Fæðingarheimili
Reykjavíkur niður vegna þess að
ekki væri nægilega góð nýting á
því eða leggja það undir Fæð-
ingardeild Landspítalans. Þá
sagði Elín Pálmadóttir í borgar-
stjórn í varnarræðu fyrir heimilið
m.a. sem rök fyrir því að það ætti
að starfa áfram sjálfstætt á veg-
um Reykjavíkurborgar, að alltaf
gætu komið upp farsóttir á hvaða
sjúkradeild sem væri, og því væri
brýnt að eiga í önnur hús að
venda. Nú væri svo komið að eng-
„Og ég held að það sé áfram skynsamlegt að hafa í öryggisskyni tvær
stofnanir þar sem hægt er að fæða i Reykjavik, jafnvel þótt þurfi að greiða
eitthvað með þessum nýju gestum sem eru að koma í heiminn hér i borginni.
Við skerum ekki við nögl er við tökum á raóti öðrum gestum.
ar Ijósmæður væru starfandi úti í
bæ, og hvar ættu konur þá að fæða
og fá hjálp ef eitthvað slíkt kæmi
upp á einu fæðingardeildinni í
Reykjavík. Dóttir mín, sem á von
á barni, rifjaði þetta upp fyrir mér
af þessu gefna tilefni. Og ég held
að það sé áfram skynsamlegt að
hafa í öryggisskyni tvær stofnanir
þar sem hægt er að fæða í Reykja-
vík, jafnvel þótt þurfi að greiða
eitthvað með þessum nýju gestum
sem eru að koma í heiminn í
Reykjavík. Við skerum ekki við
nögl er við tökum á móti öðrum
gestum."
Velvakandi hvetur lesendur til að skrifa þættinum um hvaðeina, sem
hugur þeirra stendur til — eða hringja milli kl. 10 og 12, mánudaga til
föstudaga, ef þeir koma því ekki við að skrifa. Meðal efnis, sem vel er
þegið, eru ábendingar og orðaskipti, fyrirspurnir og frásagnir, auk pistla
og stuttra greina. Bréf þurfa ekki að vera vélrituð, en nöfn, nafnnúmer
og heimilisföng verða að fylgja öllu efni til þáttarins, þó að höfundar
óski nafnleyndar.
Sérstaklega þykir ástæða til að beina þvf til lesenda blaðsins utan
höfuðborgarsvæðisins, að þeir láti sinn hlut ekki eftir liggja hér í
dálkunum.
GÆTUM TUNGUNNAR
Sést hefur: Rætt var um viðhorf til hvers annars.
Rétt væri:... um viðhorf hvers til annars.
Þessir hringdu . . .
Hvers vegna eru
glerin svona dýr?
Gísli Jónsson hringdi og hafði
eftirfarandi að segja:
— Mér fannst mjög athyglis-
vert að lesa greinar Gísla H.
Kolbeins og Fokus hf. um gler-
augnaverð, í þættinum hjá þér í
dag (fimmtudag). Tollurinn
skýrir að vísu nokkuð þennan
mikla verðmismun í dönsku
versluninni og hjá Fokus hf., en
mér fannst verðið hjá dönsku
versluninni nokkuð hátt, þó að
ég viti ekki nákvæmlega hvers
konar gler þarna var um að
ræða. Eg lenti í því í fyrra að
þurfa að kaupa gler í Bandaríkj-
unum fyrir einn af nemendum
mínum. Ég gekk beint inn í
verslun þar vestra og keypti
glerið (+2,5) og það kostaði 11
dollara, eða um 170 krónur á
núgildandi gengi. Glerin tvö,
sem Gísli H. Kolbeins ræðir um,
kosta hér 2.210 krónur, og það
kemur ekki fram, að hér hafi
verið um nein sérstök gler að
ræða. Til samanburðar má einn-
ig nefna, að ég keypti heil gler-
augu í Bandaríkjunum fyrir ári
síðan, með vönduðum umgjörð-
um, meira að segja með plast-
linsum, sem eru mun dýrari en
glerlinsur, og með þreföldum
fókus, sem einnig hleypir verð-
inu mikið upp, auk þess sem eng-
ar línur voru á milli — og það út
af fyrir sig er mjög dýrt. Sem
sagt þetta voru dýrustu gleraugu
sem hægt var að fá og þau kost-
uðu með öllu saman 179 dollara,
sem er á núgildandi gengi, u.þ.b.
2.775 kr. — eða litlu meira en
glerin tvö sem nafni minn keypti
í Fokus. Þetta var fyrir rösku
ári, og verslunarstaðurinn var
Manhattan í New York, sem
þykir ekki sérlega ódýr staður.
Það er ekkert launungarmál, að
það er almennt álit, að verð á
gleraugum sé mjög hátt hér á
landi, og það eru mjög margir
sem hafa gert eins og ég, að hafa
með sér vottorð og önnur gögn
og nota tækifærið, þegar farið er
til útlanda, til þess að kaupa þar
gleraugu. Á þessum vörum er
frjáls álagning hér hjá okkur og
kemur þetta háa verð illa heim
og saman við það sem kaupmenn
eru alltaf að segja, sem sé að
frjáls álagning tryggi eðlilega
samkeppni, í krafti eftirspurnar-
innar. En þá kemur rúsínan í
pylsuendanum og leynir sér ekki
í svarinu frá Fokus hf., að þrátt
fyrir frjálsu álagninguna er
„sama verð á glerjum í öllum
gleraugnaverslunum á íslandi,
sem reiknaö er út af Félagi gler-
augnaverslana á íslandi". Þó er
það vitað mál, að þessi fyrirtæki
kaupa glerin inn á mismunandi
verði. Er ekki beinlínis verið að
lýsa því yfir með þessu svari frá
Fokus hf., að þarna sé um einok-
unarhring að ræða, sem hirði
ekkert um samkeppni eða hag
neytenda, heldur aðeins hags-
muni þeirra sem að honum
standa? Ég skora á Fokus hf. að
birta verðútreikninga með glerj-
um þeim sem um er rætt í fyrr-
nefndum greinum. Einnig mætti
fylgja með útskýring á því,
hvernig á því getur staðið, að
sama verð er á þessum vörum
hjá öllum gleraugnaverslunum á
landinu, þrátt fyrir mismunandi
hagstæð innkaup og frjálsa
álagningu. Með því að gera skýra
grein fyrir þessu hvoru tveggja
gerði Fokus hf. okkur ljóst,
hvort það er vegna tolla og að-
flutningsgjalda sem svo hátt
verðlag er á gleraugnavörum hér
á landi — eða hvort það er af
öðrum orsökum. Fyrirtækinu
hlýtur að vera mikið í mun, að
ljóst sé, hvort veldur.
Dagsetningarnar
væntanlegar
Ljósmyndavöruverslunin Hans
Petersen gaf Velvakanda þær
upplýsingar, vegna fyrirspurnar
ljósmyndaáhugamanna á Akur-
eyri um prentun dagsetninga
aftan á myndir, að nú þegar væri
farið að árita myndir úr nýju
diskmyndavélunum. Áætlað
væri að gera það einnig við allar
aðrar myndir sem unnar væru
hjá fyrirtækinu, en ekki hægt að
segja til ym, hvenær það yrði.
ct^Sda
OG EFNISMEIRA BLAÐ!
BRÉFiN
HANS ÞÓRBERGS
SVIPMYND
Á SUNNUDEGI:
HANS-JOCHEN VOGEL
VIÐTAL VIÐ PÉTUR GUÐ-
MUNDSSON, KÖRFU-
KNATTLEIKSMANN
HRÆRINGUR
EL ALAMEIN
— SIGUR MONTGOMERYS í EYÐIMÖRK-
INNI FYRIR
40 ÁRUM
„SUMUM FINNST ÉG
STÓRSKRÝTIN“
— SIGRÚN EÐVALDSDÓTTIR,
FIDLULEIKARi
DÁLEIÐSLA OG LÆKN-
INGAGILDI
HENNAR
BLÓÐHITI,
UM KVIKMYNDINA BODY HEAT
JÓN í ALSÍR
TOTTENHAM
MEZZOFORTE
Á DROTTINSDEGI —
VELVAKANDI — POTTA-
RÍM — Á FÖRNUM VEGI
REYKJAVÍKURBRÉF
Sunnudagurinn byrjar á síðum Moggans