Morgunblaðið - 17.02.1983, Blaðsíða 39

MORGUNBLAÐIÐ, FIMMTUDAGUR 17. FEBRÚAR 1983
39
fólk í
fréttum
„ s. ; *
Christiane F.
vill fá að
vera í friði
+ Christiane F. eða Christiane
Felscherinow eins og hún heitir
réttu nafni er nú orðin tvítug og
laus undan ofurvaldi eiturlyfjanna.
Hún er hins vegar orðin þreytt á
frægðinni, sem bókin „Dýragarðs-
börnin" og kvikmyndin færðu
henni og vill nú fara að lifa sínu
eigin lífi.
Að undanförnu hefur Christiane
búið í Hamborg ásamt vini sínum,
Alexander, tveimur hundum og
einu marsvíni. Hún gerði það fyrir
vin sinn að leika í kvikmynd, sem
enginn skilur og enginn vil kaupa,
og einnig hefur hún sungið inn á
plötu, sem fengið hefur svipaðar
viðtökur. Christiane er alveg sama
um það. Þau Alexander eru nú á
förum til Berlínar þar sem þau
ætla að kaupa sér hús og bíl og
leggja stund á hundarækt.
Christiane segist vera búin að fá
nóg af því að vera einhvers konar
tákn fyrir endurreista eiturlyfja-
neytendur. Eiturnautnin sé miklu
ægilegri en nokkur venjulegur
maður fái skilið. Heróín hafi þau
áhrif, að menn gleymi stað og
stund og öllum sínum áhyggjum en
endirinn sé hins vegar oftast nær
aðeins einn: alger eyðilegging
manneskjunnar og dauði. Christi-
ane komst lífs af úr þessum hild-
arleik og vill nú fá að vera í friði.
Börnin hans Reagans
fara sínar eigin leiðir
+ Börnin hans Ronald Reagans,
Bandaríkjaforseta, fara sínar eig-
in leiðir og ekki alltaf þær, sem
pabbi þeirra vildi helst.
Sonurinn, Ronald Reagan yngri,
sem er 24 ára gamall, lifir nú á
atvinnuleysisstyrk eftir að hann
missti vinnuna hjá Joffrey-ball-
ettflokkinum og segist ekki kunna
við að taka við peningum frá föður
sínum.
— Hinir dansararnir hlaupa
ekki bara heim til pabba og
mömmu þótt á móti blási og hvers
vegna skyldi ég þá gera það, er
haft eftir honum.
Systir hans, Patti, 30 ára gömul,
hefur lengi reynt að feta í fótspor
föður síns sem leikari, en aldrei
komist með tærnar þar sem hann
hafði hælana og þóttu þeir þó ekki
vera mjög framarlega. Nú hefur
hún vent sínu kvæði í kross og er
orðin rokksöngkona, foreldrum
sínum til sárrar gremju. Og ekki
nóg með það. Hún er athafnasöm
innan friðarhreyfingarinnar og
hefur farið í margar göngur og
stórar gegn kjarnorkuvopnum.
Elsta dóttir Reagans, Maureen,
sem stendur á fertugu og hann
átti með fyrri konu sinni, Jane
Wyman, er hins vegar á kafi í póli-
tíkinni, repúblikani að vísu en afar
róttæk í skoðunum. Hún er mikil
jafnréttiskona og berst ákaft fyrir
frjálsum fóstureyðingum. Mau-
reen lék hugur á að vera öldunga-
deildarþingmaður fyrir Kali-
forníu, en þegar pabbi hennar var
spurður hvort hann héldi að hún
myndi gefa kost á sér svaraði
hann:
„Ég vona svo sannarlega að hún
geri það ekki.“
Ronald Reagan hefur fengið að
reyna það, að stundum er auðveld-
ara að stjórna heilu ríki en að
hafa hemil á sínum eigin börnum.
Karen Carpenter
svelti sig íhel
+ Bandaríska söngkonan Karen
Carpenter, sem lést nú fyrir
skömmu aðeins 32 ára að aldri,
svelti sig í hel. Hún hafði ekkert
látið ofan í sig í langan tíma og
höfðu tilraunir sálfræðinga til að
hjálpa henni engan árangur borið.
Hún var í heimsókn hjá foreldrum
sínum, þegar hún féll niður og var
henni umsvifalaust ekið á sjúkra-
hús. Þar fékk hún hjartaáfall og
komst aldrei til meðvitundar.
„Karen Carpenter var orðin
mjög veikburða vegna þess, að hún
COSPER
9196 (fpi«

Þau á neöri hæðinni eru enn aö kvarta.
hafði neitað að nærast á fastri
fæðu í marga mánuði. Hjarta
hennar þoldi ekki álagið," sagði
talsmaður sjúkrahússins þar sem
hún lést.
Karen Carpenter, sem ásamt
bróður sínum, Richard, myndaði
söngdúettinn „The Carpenters",
var stúlka, sem svo sannarlega
virtist hafa öll trompin á hendi.
Hún var góð söngkona, rakaði
saman peningum, ferðaðist mikið
og naut velgengninnar.
Fyrir þremur árum giftist hún
41 árs gömlum fasteignasala og
hagfræðingi, Tom Burris að nafni,
og þótti brúðkaup þeirra mikill
viðburður, sem meira en 500 gestir
sóttu, þar á meðal ýmsir nánustu
ráðgjafar Reagans forseta.
Hjónabandið stóð aðeins í hálft
annað ár. Karen lagði sönginn að
mestu á hilluna þegar hún giftist
til að geta helgað sig manninum
sínum en raunin varð sú, að hún
var alein langtímum saman.
Skilnaðurinn fékk mjög á Kar-
en, sem brást við honum með því
að loka sig inni og hætta að borða.
Hún vó þá 58 kíló en ekki nema 39
þegar hún lést.
NÝTT!
Sambyggður hverfisteinn með hjóli til blautslípunar
og hjóli úr gúmmíbundnum ál-ögnum til brýningar.
24322.
Hljóðlátur iðnaöarmót-
or 200W, 220v, 50 HZ,
einfasa, snýst 70 snún-
inga á mín.
Laust vatnsílát.
Sérstök stýring ffyrir
sporjárn o.þ.h.
Verd kr. 2.970.-
Laugavegi 29
Símar 24320 — 24321
IWIttKi
Ánanaustum
Sími 28855